O‘zbekiston Superligasining 9-turida «Lokomotiv» 17 may, dushanba kuni «Andijon» maydonida mehmon bo‘ldi.
Uchrashuvning 10-daqiqasida Martin Boake mezbonlarni oldinga olib chiqdi. Bunga «temir yo‘lchilar» 36-daqiqada Temurxo‘ja Abduxoliqovning goli bilan javob qaytardi.
Uchrashuv yakunlanishi arafasida Marat Bikmayev Abduxoliqovning uzatmasini golga aylantirdi.
«Lokomotiv» ushbu g‘alabadan keyin ochkolarini 14 taga yetkazib olgan holda 4-o‘ringa ko‘tarildi. «Andijon» (4) esa 12-pog‘onada bormoqda.