«Manchester «Yunayted» bosh murabbiyi Ole-Gunnar Sulsher, UYEFA so‘roviga binoan, Yevropa Ligasi finali uchun, o‘yindan 10 kun oldin matbuot anjumani o‘tkazdi.
«Biz finaldamiz. Aksariyat futbolchilarim sog‘lom, men esa yaxshi holatdaman. Albatta, bu quvonarli. Biz ajoyib mavsumni o‘tkazdik, unda hamma ishtirok etdi. Biz kuchli raqib hisoblangan «Vilyarreal»ni mag‘lub etish uchun eng yaxshi tarkib bilan eng yaxshi o‘yinimizni namoyish etamiz»
«Jamoani finalga olib chiqish imkoniyati men uchun faxrlanish lahzasi bo‘ladi. Axir birgalikda Ikki yarim yil ishladik»
«Finalga chiqish yaxshi narsa, lekin siz uni yutishni xohlaysiz. Tabiiyki, ishtirok etish uchun mukofot olmaysiz. Futbolchilarning final maydoniga kirib borishini ko‘rishni sabrsizlik bilan kutaman»
«Biz Ispaniya va Italiyaning juda yaxshi jamoalariga qarshi o‘ynadik. Albatta, bu turnirni Chempionlar ligasi deb ayta olmaymiz, chunki unday emas, lekin final yo‘lida biz kuchsiz jamoalarga duch kelmadik, biz haqiqiy sinovni yengib o‘tdik»
«Chempionlar Ligasida «Manchester Siti» va «Chelsi» o‘rtasidagi finalchilni ko‘ramiz va biz bu ikki jamoaga qarshi juda yaxshi o‘yinlarni o‘tkazdik»
«Bu har doim qiyin. Siz finalda barcha futbolchingiz ishtirok etishini xohlaysiz, ammo faqatgina 11 o‘yinchini tanlashga majbursiz. Belgilangan qat’iy qarorlar mavjud va siz ularga rioya qilishingiz kerak»
«Bizda chempionatda ikkita yakuniy o‘yin bor, ular final uchun boshlang‘ich tarkibni aniq belgilab olishda yordam beradi. Ammo bu mavsumda butun jamoaning hissasini qo‘shmasdan natijalarga erisha olmas edik»
«Esimda, ser Aleks nega yarim finalda o‘ynamaganimni tushuntirish uchun mehmonxonamga kelgan edi. Ammo men hali ham o‘zimning hissamni qo‘shishim kerakligini his qildim. Mening barcha futbolchilarim ushbu mavsumda ularning rollari borligini bilishadi»
«Albatta, futbolchilar maydonga kirib, jamoa uchun, klub uchun o‘zlarini ko‘rsatishni va g‘alaba qozonishni istaydilar, Kubokni qo‘lga kiritgan paytlarda esa butun klub bir bugunga aylanadi»
«99 yilda g‘alaba qozonganimizda ... bu tarixga kirdi, ammo bu meni yaxshi o‘yinchiga aylantirmadi. Ammo jamoa sifatida biz ko‘proq sovrinlarni qo‘lga kiritishimizga ishondik va keyingi ikki mavsum davomida bemalol chempionlikni qo‘lga kiritdik. Bu jamoaga ko‘p narsa beradi»
«Bu klubga qanday ta’sir qilishini vaqt ko‘rsatadi. Ba’zida sovrinlar, men aytganimdek, boshqa faktlarni yashiradi. Biz og‘ir yo‘lni bosib o‘tdik, to‘rtta yarim finalda mag‘lub bo‘ldik»
«Maguayr: U«Manchester Yunayted» uchun muhimligini ko‘rsatdi. Uning jamoamiz uchun nimani anglatishini hammamiz anchadan buyon bilganmiz, lekin, ehtimol, ba’zi odamlar buni jarohat olgandan keyingina payqashgan.
Maguayr bundan oldin «Manchester Yunayted» uchun juda muhim o‘yinchiga aylanganini aniq his qildim. Garri bizning etakchimiz. U sardor. U deyarli har doim eng yuqori darajada o‘ynaydi, shu sababli hozirda uning yo‘qligi men uchun katta muammo, lekin umid qilamanki finalga qadar o‘zini tiklaydi. Men unga qancha vaqt kerak bo‘lsa, beraman. U menga «ha» yoki «yo‘q» demaguncha kutaman»
«Keyingi bosqichdagi kubok har doim eng muhim va eng kattadir. Men diqqatimni aynan shu narsaga qaratganman. Futbolchi sifatida nima qilganim haqida o‘ylamayman. Hozir men «Yunayted» uchun murabbiy sifatida qo‘limdan kelgan barcha ishni qilishni istayman»
Darvozabonlar holati to‘g‘risida: «Men juda qiyin qarorlar qabul qilishim kerak deb o‘ylayman. Endi bizda darvozabonlar bilan avvalgidan boshqacha ssenariy mavjud. Ikkalasi ham 30 ta uchrashuv o‘tkazgan, shu sababli bu juda qiyin qaror bo‘ladi. Bundan tashqari ham menda qabul qilinishi kerak bo‘lgan bir nechta qiyin qarorlar mavjud»
Qayd etib o‘tamiz, «Manchester Yunayted» 26 may kuni Yevropa Ligasi finalida «Vilyarreal» bilan o‘ynaydi. Uchrashuv Gdanskdagi (Polsha) «Energa Gdansk» stadionida bo‘lib o‘tadi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
