Kelasi mavsum «to‘pchilar» uchun birinchi raqam bo‘lishi mumkin bo‘lgan darvozabonlar haqida.
Londonning «Arsenal» klubi ushbu mavsumda o‘z muxlislarini xafa qilishda davom etmoqda. Bir paytlar Premyer-Ligada shov-shuvga sabab bo‘lgan jamoa, endi o‘rta darajadagi klublar qatorida yuribdi, tez orada yuqori natijaga erishishga ishonch ham yo‘q. Natijalar uchun javobgarlardan biri bu «kanonirlar» ning 29 yoshli darvozaboni Bernd Leno. Sotib olingan vaqtda jiddiy umidlar bog‘langan Leno, endi ba’zi uchrashuvlarda,hatto beshinchi sinf bolasi qaytaradigan to‘plarni o‘tkazib yuborgan vaziyatlar ham bo‘ldi.
So‘nggi paytlarda Lenoning yozda «Arsenal»dan ketishi mumkinligi haqida mish-mishlar tarqalayotgani ajablanarli emas. London klubi nemis futbolchisi bilan shartnomani uzaytirish borasida muzokara olib bormayapti va shartnoma yana 2 yilga mo‘ljallanganligi sababli, uni bepul qo‘yib yubormaslik uchun futbolchi uchun takliflarni ko‘rib chiqishi mantiqan to‘g‘ri bo‘ladi.
Agar shunday bo‘ladigan bo‘lsa, «Arsenal» Lenoning o‘rnini kim egallashi haqida o‘ylashi kerak bo‘ladi va biz o‘zimizning beshta variantimizni taklif qilamiz...
David Raya
Yoshi: 25
Fuqarolik: Ispaniya
Klub: «Brentford»
Transfer narxi: 12 million yevro
Barselonada tug‘ilgan ispaniyalik Raya butun professional faoliyatini Tumanli Albionda o‘tkazgan. David 2012 yilda, atigi 16 yoshida Angliyaga ko‘chib o‘tdi, avval u «Blekbern»da, keyin «Sautport»da ijarada o‘ynadi va 2019 yilda 3,35 million yevro evaziga «Brentford» ga ko‘chib o‘tdi, o‘shandan beri u yerda jamoaning asosiy darvozaboni bo‘lib kelyapti.
Rayaning «Arsenal»ga o‘tishi mumkinligi haqidagi mish-mishlar o‘tgan yoz ingliz matbuotida faol tarqaldi. Keyin Mikel Arteta Leno uchun ideal raqib sifatida ko‘rgan vatandoshining transferidan juda manfaatdor edi, ammo Brentford «to‘pchilar» ning barcha takliflarini qat’iyan rad etdi.
Bu yozda vaziyat o‘zgarishi mumkin, chunki «Brentford» Premyer-ligaga chiqish uchun pley-offda o‘ynaydi. Ushbu kurashda muvaffaqiyatsiz natija bo‘lgan taqdirda, «asalarilar» ba’zi asosiy o‘yinchilari bilan xayrlashishlariga to‘g‘ri keladi. Raya ushbu ro‘yxatda birinchilardan.
Sem DJONSTON
Yoshi: 28
Fuqarolik: Angliya
Klub: «Vest Bromvich»
Transfer narxi: 6 million yevro
«Vest Brom» Angliya Premyer-ligasini mavsum oxirida tark etishiga qaramay, darvozabon Sem Djontson faqat eng ijobiy fikrlarga loyiq. «Manchester Yunayted» tarbiyalanuvchisi nafaqat o‘tkazib yuborilgan gollarda, balki qaytarilgan zarbalar soni bo‘yicha ham turnirda eng yaxshi natijani ko‘rsatdi.
Ushbu mavsumda «Vest Brom» himoyasi elakdagi unga o‘xshab elanib ketishida Djonstonning aybi minimum darajada bo‘ldi. Darvozabon o‘zining maksimal darajadagi sport harakatlari bilan jamoadoshlaridan ajralib turdi,butun mavsum davomida.
Shubhasiz, Djonston uchun Chempionshipda harakat qilish fojia bo‘lmaydi. U avvalgi 4 mavsumda quyi divizionda o‘ynagan. Ha, «Vest Brom» albatta, futbolchilar maoshini tushirishi kerak, chunki Premyer-ligadan tushib ketganidan so‘ng, klubning translyasiyadan keladigan mablag‘i kamayadi.
Neto
Yoshi: 31
Fuqarolik: Braziliya
Klub: «Barselona»
Transfer narxi: 10 million yevro
«Valensiya» da o‘zini ajoyib tarzda namoyish etgan 31 yoshli Neto allaqachon «Barselona» zaxirasida o‘tirib qolganga o‘xshaydi. Braziliyalik 2019 yil yozida Kataloniya grandiga ko‘chib o‘tgan edi, ammo o‘shandan beri Mark-André ter Shtegenga qarshilik qilolmadi.
Netoning «Barselona» bilan shartnomasi yana 2 yilga mo‘ljallangan, ammo kataloniyaliklarning hozirgi La Liga va Chempionlar Ligasidagi ochiqchasiga muvaffaqiyatsizligini inobatga olgan holda, yozda klubda tubdan qayta qurish boshlanishi mumkin. Buning natijasi nafaqat Kumanning iste’fosi, balki futbolchilar o‘rtasidagi kadrlar almashishi. Bu vaziyatda Neto jamoadan ketishga asosiy nomzodlardan.
Netoning o‘zi uchun ham «Barselona» da qolish mantiqsizlik bo‘lardi. Ha, bu jamoada u zamonaviy futbolning eng yaxshi futbolchilari bilan ishlash imkoniyatini qo‘lga kiritdi, ammo nafaqaga chiqqunga qadar braziliyalik yana bir ikki mavsum davomida yuqori darajada o‘ynashga qodir.
So‘nggi yillarda braziliyalik darvozabonlar ko‘p harakat qilayotgan «Arsenal» va Premyer-liga Neto uchun ajoyib imkoniyatlar eshigi bo‘lishi mumkin.
Illan MELYE
Yoshi: 21
Fuqarolik: Fransiya
Klub: «Lids»
Transfer narxi: 17 million yevro
Ushbu mavsum Melyening Angliya Premyer-ligasidagi debyuti bo‘lishiga qaramay, yosh fransuz allaqachon bunday yuqori darajadagi ishonchni oqlay olishini namoyish etdi. Illan turnirda 11 quruq o‘yin o‘tkazgan bu natija bo‘yicha, faqatgina «Manchester Siti» dan Ederson (18), «Chelsi» dan Eduar Mendi (16), «Aston Villa» dan Emiliano Martines (15) va «Tottenxem» dan Ugo Lloris (12) lar yaxshi natija ko‘rsatishgan. Bundan tashqari, agar sanab o‘tilganlarning har biri allaqachon 30 yoshga yaqinlashib qolgan bo‘lsa, Melye atigi 21 yoshda, bu uni hozirgi paytda Premyer-liganing eng istiqbolli darvozabonlaridan biriga aylantiradi.
Melyerning darvozada qilgan ishonchli ishi tufayli, uning «Lids» klubi mavsumni APLda muvaffaqiyatli o‘tkazib, «Arsenal» bilan deyarli teng o‘yin namoyish etdi, uning byudjeti va futbolchilari tajribasini hozirgi «tovuslar» bilan taqqoslab bo‘lmaydi. Yana bir savol «Lids» Illanni sotmoqchi bo‘ladimi? Jamoa bosh murabbiyi Marselo Biyelsa bunday tashabbusdan xursand bo‘lmaydi va klub rahbariyati murabbiy bilan ziddiyatga borishni istamasa kerak, chunki argentinalik o‘z vazifasini mukammal bajarmoqda.
Melyerning o‘zi uchun, ehtimol, «Arsenal» ga o‘tish uning faoliyatidagi o‘sish bo‘lishi mumkin, ammo kelajakda «kanonirlar» o‘zlari yuqorilashni niyat qilgan taqdirdagina. Agar londonliklarning natijalari pastlashda davom etsa,unda Melyening «Arsenal» ga o‘tishi variant klub uchun qiziq bo‘lishi mumkin, ammo futbolchining o‘zi uchun emas.
Metyu Rayan
Yoshi: 29 yosh
Fuqarolik: Avstraliya
Klub: «Arsenal» / «Brayton»
Transfer narxi: 6 million yevro
Metyu Rayan so‘nggi uch yarim yil davomida «Brayton» da o‘ynagan, ammo qishda «Arsenal» rahbariyati Bernd Lenoga potensial raqobatdosh sifatida uni olti oyga ijaraga olishgan. Natijada, Rayan Premyer-ligada atigi 3 uchrashuv o‘tkazdi, ularda 2 ta gol o‘tkazib yubordi va bitta holatda u maydonni «quruq» tark etdi.
Rayan kelasi mavsumda «Arsenal» uchun to‘laqonli birinchi raqamiga aylanishi mumkin deyish yaramaydi. Bu ilgari Belgiya chempionatida va o‘sha «Brayton»da o‘zini yaxshi ko‘rsatgan tajribali darvozabon, ammo Ektor Bellerin yoki Kiran Tirni kabi yulduzlarni boshqarish uchun u yetarli nomga ega emas.
«Arsenal» Lenoning o‘rniga Rayanni bir vaziyatda olib qolishi mumkin. Pul bilan bog‘liq muammolar yuzaga kelganda yoki boshqa nomzodlar bilan kelishiv amalga oshmay qolsa. Ammo, futbolda ilgari hisobdan chiqarilgan zaxira futbolchisi oxir-oqibat jamoaning asosiy o‘yinchilaridan biriga aylangan holatlar bo‘lgan. Bu «Arsenal»da hamma narsa bo‘lishi mumkin. Kim biladi, deysiz kim biladi...
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
