Argentinalik iqtidor egasi Serxio Kun Aguero yaqin kunlar ichida "Barselona" futbolchisiga aylanishi mumkin. Yevropa Chempionlar Ligasi finalidan so‘ng bu transfer amalga oshishi kutilmoqda. Bu shunchaki transfer yoki shunchaki final emas, aslida. Bir futbolchining uzoq yillik orzularining ro‘yobi, lekin hali to‘liq ro‘yobi deya olmaymiz. Har holda u shunga yaqin.
"Manchester Siti" afsonasi
Hozir u "shaharliklar"ning eng yaxshi to‘purari hisoblanadi va hamon u shu klubda, ammo bu mavsum yakunida uning boshqa jamoaga o‘tishi oydinlashib bormoqda. U ushbu klub uchun hamma qo‘lidan kelgan ishni qildi. Mana shu klubda o‘ynagan davri mobaynida boshqa klubga o‘tishni o‘ylamadi. "Manchester Siti"da o‘ynadi va shu klub bilan yashadi. 2011 yilda Ispaniyadan Angliyaga ko‘chib o‘tgan bo‘lsa, shu davr davomida u klubning uzoq yillik asosiy hujumchisi sifatida faoliyat olib borib, ko‘plab gollar urishga muvaffaq bo‘ldi. Shuningdek, argentinalik hujumchi 5 marotaba Angliya chempioni bo‘ldi va 6 bora Angliya Liga Kubogini boshi uzra ko‘tardi. Xullas, bir jamoa uchun nima qilish kerak bo‘lsa, barchasini qildi, ammo har narsaning nihoyasi bo‘lganidek, uning ham "Manchester Siti"dagi faoliyati tobora yakunlanib bormoqda, ammo ketishidan oldin bir orzusiga yetishib ketishi mumkin va ketganidan keyin ham yana bir orzusi katta ehtimol ushaladi.
Uning orzusi
"Manchester Siti" jamoasi uzoq vaqtdan buyon Angliyada tengsiz, orada biroz boy berilgan mavsumlar va yana "shaharliklar" "tumanli albion"dagi birinchi jamoa. So‘nggi 4 mavsumning 3 tasida ham aynan shu klub chempion bo‘ldi. Bu taraflama muxlislarning ko‘ngli to‘q edi, ammo ko‘hna qitaning eng nufuzli turniri bo‘lmish Chempionlar Ligasida ular muvaffaqiyatga erisha olmayotgan edi. Klub har qancha kuchli o‘yin ko‘rsatmasin va kuchli tarkibga ega bo‘lmasin baribir omadsizlikka uchrayverar edi. Agueroning o‘zi 2014 yilda "Chempionlar Ligasini yutmagunimcha "Manchester Siti"da qolaman" degan edi. Bu mavsumda u ketishga yaqin va qizig‘i YECHLning bosh sovrinini ham yutishga yaqin turibdi. Buning uchun, finalda "Chelsi" mag‘lub etilishi kerak. Uzoq yillik orzular amalga oshishi mumkin, ammo hozir u bu klubda asosiy tarkib futbolchisi emas. Shahsan men Agueroning maydonga tushishini juda ham xohlayman. Chunki, bu jamoada ushbu sovrinni yutishga eng ko‘p xaqli inson bu Aguero va xatto Gvardiola ham emas. Gvardiola bir futbolchining klub uchun qilganldarini va uning istak-xohishlarini inobatga olib, uni finalda maydonga tushirishi kerak. Hech bo‘lmasa bir necha daqiqaga.
Ikkinchi orzusi
Chempionlik o‘z yo‘liga, ammo uning yana bir orzusi bu o‘zining Argentinadagi jamoadoshi Messi bilan to‘p surish edi. Bu ikki futbolchi qalin do‘st va ularning bir-birini tushunib o‘ynash jihatlari ham anchagina yaxshi rivojlangan. Bu juftlik bir klubda to‘p sursa, ko‘p ishlar qila oladi. Yosh faktori ham bor, ammo ular hali ko‘p narsalarga qodir. Messiga "Barselona"da baribir uni tushuna oladigan yaxshi bir hujumchi kerak. Grizmann ayni damda u bilan yaxshi tandem, lekin u sof hujumchi emas va o‘zini ham unchalik ko‘rsata olmayapti. Suaresni esa bir yil oldin klub sotib yubordi va qanchalik xato qilganini tushunib yetmoqda. Endi uning o‘rniga Aguero olib kelinsa, "yaraga malham qo‘yganday" bo‘lar edi. Shuningdek, uning Kataloniyaga kelishi, Messining ham qolishiga yordam beradi.
Aguero hamon kuchli futbolchi. Balki, bu mavsumda undan sermahsullik va yaxshi o‘yinlar ko‘rmagandurmiz, lekin u baribir hali o‘zini ko‘rsata oladi. "Siti"da bo‘lmasa "Barselona"da.
Xudayqulov KARIM tayyorladi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
