Fransiyaga qarshi guruh bosqichining so‘nggi o‘yinida dubl qayd etib, milliy jamoalar tarkibida gol urish bo‘yicha jahon rekordini takrorlagan Krishtianu Ronaldu bugun Belgiyaga qarshi o‘yinda gol muallifiga aylansa tarixdagi mutlaq rekordchiga aylanadi – 110 ta gol.
Shu vaqtgacha bu rekord eronlik Ali Dayeiga tegishli bo‘lgan. Uni o‘rta yoshli futbol muxlislari yaxshi tanishadi. Ali 1999 yil “Kamp nou”da o‘tgan asr o‘yinida “Bavariya” qaydnomasida bo‘lganini eslaydiganlar chiqar balki. Lekin yoshlar bu qit’adoshimiz haqida bilmasligi mumkin. Hozir u haqda qisqacha to‘xtalib o‘tmoqchiman.
Ali Dayei – 1969 yil Eronning Ardabil shahrida tug‘ilgan. U etnik jihatdan eronlik ozarbayjon hisoblanadi. 14 yoshida “Istiqlol Ardabil” jamoasi safida ilk jiddiy qadamlarini tashlagan Alining otasi farzandi futbol bilan shug‘ullanishiga qattiq qarshi bo‘lgan. U Alini fan yo‘lidan ketishini, matematik bo‘lishini istardi. O‘smirlik chog‘i mashg‘ulotlarga borish otasi tomonidan taqiqlab qo‘yilgach unga onasi yordam bera boshladi. Onasi uni turli fanlardan repetitorlarga berar va o‘g‘lining ko‘chaga chiqishi uchun imkon yaratib berardi.
“Bolaligimda mag‘luot uchun uydan o‘quv formasi va darsliklar bilan chiqib ketardim. Sport liboslarini esa keyinchalik onam eltib berardi”, - deb eslaydi o‘sha vaqtlarni Alining o‘zi.
“Istiqlol Ardabil”da o‘ynashni boshlagach otasi sirdan voqif bo‘ladi va o‘g‘lining bu tirishqoqligi oldida bosh egadi. Boisi Ali o‘qishni ham joyiga qo‘yib ulgurardi.
U qisqa davr ichida Eron futbolining eng yorqin yulduziga aylandi. 1998 yilda o‘tgan mundialning birinchi o‘yini chog‘idayoq unga “Bavariya”dan taklif bo‘lgan. O‘sha turnirda qahramonimiz gol urmagan bo‘lsada bu transfer amalga oshdi. Bu Eron futboli uchun haqiqiy inqilob edi. Myunxendagi faoliyat balki muvaffaqiyatli chiqmagandir, ammo u o‘zidan keyingi ko‘plab eronlik istedodlar uchun yevromaydonni ochib bergan muzyoruvchi kema vazifasini o‘tadi.
Ali Dayei milliy jamoa tarkibida gol urish bo‘yicha o‘zigacha bo‘lgan jahon rekordini 2003 yilda takrorlagan. Voqea qiziq tarixga ega. Rekord Ali Shimoliy Koreyaga qarshi Tehrondagi o‘yinda penaltidan unumli foydalangach takrorlangandi, biroq o‘sha golni nishonlash chog‘i muxlislardan biri maydonga mushak irg‘itadi, u esa mehmon futbolchilaridan birining oyog‘i ostida portlaydi. Keyin koreyaliklar o‘yinni davom ettirishdan bosh tortib, maydonni tark etishadi. Eronga 3:0 hisobidagi g‘alaba yozilsada, bundan Ali xursand emasdi. Chunki ikki orada uning goli bekor bo‘lib ketadi.
Lekin rekord takrori ko‘p kuttirmadi. O‘sha Livanga qarshi Bayrutdagi o‘yinda u Ferens Pushkashga tegishli natijani takrorladi. Bir necha kun ilgari esa Krishtianu Aliga tegishli rekrodni yangiladi. Mana shunaqa....
Surxon
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
