Superliganing 8-turi doirasida qoldirilgan "Nasaf" — "Mash’al" bahsidan keyin mehmonlar bosh murabbiyi Aleksandr Xomyakov o‘z fikrlarini bildirib o‘tdi.
— Bizni nimalar kutib turganini yaxshi bilardik. Ma’lum bir vaqt davomida shunga tayyorlandik. Yigitlarga e’tiroz yo‘q. Ular o‘yin oldidan berilgan ko‘rsatmalarni keragidan ortiq bajarishga harakat qilishdi. Ha, o‘yinimiz o‘xshamadi. Yaxshiroq o‘ynashni, hujumda yanada xavfliroq bo‘lishni istagandik. Ushbu raqib bilan yaxshi o‘yin namoyish qildik, deb hisoblayman. Endi faqat oldinga intilish kerak.
— "Nasaf" bugun kutilganidan ko‘ra zaifroq o‘ynadi va markazni ko‘p bora ochib berdi. "Mash’al" esa bundan foydalana olmadi.
— Ha, omadimiz kelmadi. O‘yindan oldin qaysi zonalar ochiq bo‘lishini yaxshi bilardik. Hujumda unchalik yorqin o‘ynadik deya olmayman, raqibni biroz oyog‘idan tortib turdik. Ammo himoyadan hujumga o‘tishda anchagina qiynaldik. Vaziyatlardan foydalanishda esa bizga sovuqqonlik yetishmadi.
— Transferlar oynasi ochildi. "Mash’al"ning rejalari qanday?
— Bu borada o‘ylayapmiz. Jamoani kuchaytirish kerak. Ochkolar jamg‘ara olmayapmiz. Holatdan chiqib ketishni istaymiz.
— Samvel Babayanning qaytishi haqida gapirsangiz.
— Bu savol menga emas. Umuman olganda qaysi jamoada ishlashi kutilmoqda? "Navbahor". Fikrimcha, Samvel Babayan kuchli mutaxassis, uning qaytishi o‘zbek futbolining foydasiga ishlaydi. O‘zbek futboli uchun u katta inson, yuqori avtoritetga ega mutaxassis. Qayerga borsa ham tezda ishiga ko‘nikib ketadi.
— "Mash’al" davrani qizil zonada yakunlamoqda. Bu holatdan chiqib ketish uchun davralar oralig‘ida sizda qanday rejalar bor?
— Albatta bor. Balki biz o‘ylaganlarimizning barchasi ham amalga oshmas. Ligada jon saqlab qolish uchun kurashish ham oson emas. Aytyapmanku, xohishlar imkoniyatlarga teng kela olmasligi mumkin. O‘zimizning kuchimizga qarab jamoani kuchaytirishga harakat qilamiz.
— "Mash’al"da bir qancha vaqt o‘ynab, jamoadan ketgan futbolchilar o‘zini ko‘rsata oladi. Hozir esa ayrimlari jamoaga qaytdi. Xo‘sh, jamoa shu vaqt ichida nima yo‘qotdi?
— Bu haqida gapirish juda qiyin. Balki bu vaqt ichida e’tirozlar o‘zgargandir. Umuman olganda, bu vaqt ichida nafaqat futbol, balki, hayot ham o‘zgaradi. Fikrimcha, jamoaning tipi o‘zgardi, jamoaning jangovarligi yo‘qoldi. Oldinlari jamoa agressiv o‘yin ko‘rsatardi. Hozir esa akademik o‘ynamoqda. Professionallar ko‘paydi. Yutdi, yaxshi. Endi fikr navbatdagi o‘yin haqida o‘ylash kerak. Qachonki jangovar it o‘z hususiyatini yo‘qotsa, jangovar it hisoblanmaydi. Fikrim shunday.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
