O‘zbekistonlik legioner futbolchilarning o‘tgan haftadagi o‘yinlariga nazar tashlaymiz.
Navbatdagi samarali uzatma.
BATE Belarus chempionati Oliy ligasi 16-turida «Slusk» bilan kuch sinashdi. Borisovliklar safarda o‘ynashlariga qaramay, tanaffusgacha raqib darvozasiga 4ta javobsiz gol urishdi. Ulardan biriga jamoa safidagi Shahboz Umarov hammualliflik qildi. Aniqroq aytsak, 41-daqiqada 4-golga assistent bo‘lgan hamyurtimiz tanaffusda o‘z o‘rnini zaxira vakiliga bo‘shatib berdi. Ikkinchi bo‘limda esa, BATE 3ta gol qo‘yib yubordi va ortga 4:3 hisobidagi g‘alaba bilan qaytdi. Yaqindagina «Energetik-BGU» safiga qo‘shilgan Bobur Abduxoliqov va Shahzod Ubaydullayev klubning Belarus chempionati 16-turi doirasidagi o‘yinida debyut qilishdi. Har ikki hamyurtimiz safarda «Smorgon»ga qarshi kechgan bahsda tanaffusga qadar maydonda harakatlanishdi. Natijaga kelsak, «talabalar» 84-daqiqada urilgan gol evaziga mag‘lubiyatdan qutulib qolishdi - 2:2.
«Aktobe»ning ishlari yaxshi emas.
Igor Sergeevning klubi - «Aktobe» Qozog‘iston kubogi guruh bosqichi 2-turida ham mag‘lubiyatni tan oldi. Chempionatda ham ishlari yurishmayotgan jamoa bu safar «Astana» mehmoni bo‘lib, ortga ochkosiz qaytdi - 2:3. Avvalgi uchrashuvda penaltidan foydalanolmagan Sergeev 68-daqiqadagina maydonga tushdi.
Faqat «sariq».
«Baltika» Rossiya MFL (Birinchi divizion) 2-turida «Tom» mehmoni bo‘lib, 0:1 hisobida yengildi. Kaliningrad jamoasining yangi himoyachisi Vitaliy Denisov maydonda to‘liq 90 daqiqa harakatlanib, o‘yin oxirida sariq kartochka olish vositasida qaydnomaga kirdi.
Mamatxonov - Maldiv chempioni a’zosi.
Maldiv orollari chempionati ishtirokchisi «Super Yunayted» klubi darvozaboni Mirzohid Mamatxonov faoliyatini mamlakatning boshqa jamoasida davom ettiradi. Championat.asia saytida yozilishicha, u yaqinda mahalliy Premyer-liga chempioni - «Maziya» bilan shartnoma tuzdi. Bu klubni oldinda OFK kubogi guruh bosqichi o‘yinlari kutib turibdi.
Doston Tursunov jamoasi mag‘lub.
Xitoy Superligasi «A» guruhi 6-turidan o‘rin olgan «Guanjou Evergrand» - «Chunjin Lifan» o‘yini 3:1 hisobida yakunlandi. Uchrashuvda Doston Tursunov jamoasi hisobni ochgan bo‘lsada, keyinchalik kuchli raqibga bas kelolmadi. Hamyurtimiz maydonda to‘liq vaqt harakatlandi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
