«Roma» jamoasi futbolchisi Eldor Shomurodov O‘FA matbuot xizmatiga intervyu berdi.
Terma jamoadagi dastlabki mashg‘ulot haqida
Dastlabki mashg‘ulot barcha yo‘ldan kelgani uchun yengil o‘tdi. Yugurish mashqlari va kvadrat o‘ynadik. Tiklanib olishimiz lozim. Bugundan Shvesiya bilan o‘yinga tayyorgarlikni boshlaymiz.
Katanes bilan tanishuv haqida
Murabbiy bilan italyancha gaplashdik. Ancha chiqishib ketdik. Barchasi yaxshi.
«Roma»ga o‘tishi haqida
«Roma»ga o‘tishim haqida gap-so‘zlar chiqqach, agentlarim bilan bu haqida suhbatlashdim. Ular rostdan ham Rim jamoasidan qiziqish borligini aytdi. «Roma»ga o‘tishim bir hafta ichida hal bo‘ldi. Joze Mourinyo agentim bilan gaplashgan, keyinchalik o‘zimga ham qo‘ng‘iroq qildi. Bunchalik tez hal bo‘lganiga o‘zim ham ishonmadim.
Joze Mourinyoning shaxsan o‘zi qiziqish bildirgani haqida
Joze bilan suhbatimizda qiziqish bildirayotganini aytdi, undan oldin ham agentim bilan doimiy gaplashib turgan.
Mourinyo bilan ishlashdagi qiyinchiliklar haqida
Joze bilan ishlashda hech qanaqa bosim yo‘q. Bir jamoada bitta maqsad sari ishlashda davom etyapmiz. Birinchi ko‘rishganimizda boshqacha his-tuyg‘u paydo bo‘lgandi, hozir esa u bilan ustoz-shogirdmiz. Hammasi joyida.
Portugaliyalik murabbiyda nimalar sezgani haqida
Birinchi navbatda juda kuchli psixolog. Har tomonlama o‘ziga xos xususiyatlari bor. U bilan birga ishlash qiziq. Mashg‘ulotlarni juda qiziq olib boradi.
«Jenoa» va «Roma» o‘rtasidagi farq haqida
Farq juda katta. «Jenoa» asosan A Seriyada qolish uchun harakat qilsa, «Roma» yuqori o‘rinlar uchun kurash olib boradi. Tashkiliy tarafdan olib qarasa, «Roma», albatta, top-klub hisoblanadi. Shuning uchun Rim jamoasida hamma narsa boshqacha yo‘lga qo‘yilgan.
Abrahamning jamoaga olib kelingani haqida
Albatta, har bir futbolchi o‘ynashni xohlaydi. Lekin boshqa tomondan — bu katta jamoa, murabbiy zaxiradan tushirsa ham, asosiy tarkibda tushirsa ham o‘zimni yaxshi tomondan ko‘rsatishga harakat qilaman. Oldinda o‘yinlar juda ko‘p, hammada imkoniyat bo‘ladi. Boshida ruhiy jihatdan ta’sir qildi-yu, lekin hozir hammasi joyida. Ishlashda davom etyapman. Balki Abraham bilan birga maydonga tusharman.
«Roma»ning asosiy maqsadi haqida
Eng kamida Chempionlar Ligasiga chiqish asosiy maqsad. Keyin Konferensiyalar Ligasida g‘alaba qozonish.
Mashg‘ulotlarda Abraham bilan birga o‘ynab ko‘rgani haqida
Hozircha ikkalamizni birga maydonda sinab ko‘rgani yo‘q. Lekin Mourinyo mening qanotda o‘ynaganimni biladi. Menimcha, keyinchalik buni sinab ko‘radi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
