Coca Cola Superliga 18-turidan o‘rin olgan “Paxtakor” – “Navbahor” (0:0) uchrashuvidan keyin o‘tkazilgan matbuot anjumanining ikkinchi qismida mezbonlar bosh murabbiyi Piter Xyuistra qatnashdi.
- Bugun “Metallurg”ga qarshi kechgan o‘yin bilan solishtirganda, ancha farqli o‘yin bo‘ldi. Raqib yaxshi himoyalandi. Biz vaziyatlarni yaratishga urindik, lekin “Navbahor”ning so‘nggi to‘rtta o‘yinini o‘rganib chiqqanimizda, jamoaning himoyada ancha uyushqoq harakatlanishiga guvoh bo‘lgandik, bugun ham shunday bo‘ldi. To‘liq o‘yinni nazorat qildik, - deydi Piter Xyuistra.
- Bugun “Paxtakor” futbolchilari piyoda yurib o‘ynashdi. Bunday “Paxtakor”ni ko‘rmagandik. O‘yinchilarning hammasi mahoratli, tajribali, saviyasi baland. Lekin ular bugun futbol o‘ynashni istashmadi. Sizning darajangiz bilan bugun mutlaqo boshqacha o‘yin ko‘rsatishinglar, raqib himoyasini yorib tashlashinglar kerak edi. Yoki g‘alabalarga erishaverib, o‘zbek futbolidan zerikdinglarmi?
- Mening bu borada boshqacha fikrdaman. O‘yinning o‘ziga chuqur nazar tashlaydigan bo‘lsangiz, zamonaviy futbolda to‘p nazoratini o‘ziga oladigan jamoa odatda kam yuguradi. Chunki to‘p sizda bo‘ladi va o‘yinni siz boshqarasiz. Shunday ekan, bugun o‘yin tashkil etish borasida bizda muammo kuzatilmadi, deb o‘ylayman.
- O‘zimizdagi o‘yinlarda “Paxtakor” futbolchilariga ijodkorlik va kreativlikning yetishmayotganligi Chempionlar Ligasi bahslarida pand berib qo‘yishidan cho‘chimaysizmi?
- Bu gapingizga ham qo‘shilmagan bo‘lardim. “Metallurg”ga qarshi kechgan o‘yinimizni ko‘rgan bo‘lsangiz, biz juda ko‘p vaziyatlar yaratdik, juda yaxshi o‘ynadik. O‘tgan yilgi ishtirokimiz bilan solishtirganda, bizdagi hozirgi asosiy farq – bu Masharipov. Buni tan olish kerak, hozirda Xolmatov va Erkinov singari futbolchilarimiz o‘sishga harakat qilishyapti. Biz har bitta o‘yinda ijodkorlikka e’tibor beryapmiz.
- Oxirgi marta Namanganda o‘ynaganinglarda, hujumkor, keskin o‘yin guvohiga aylangandik. O‘sha paytdagi “Navbahor” bilan hozirgisini taqqoslay olasizmi?
- Iyun oyida “Navbahor” tarkibida o‘zgarishlar kuzatildi, yangi futbolchilar kelishdi. Shundan keyin jamoaning himoyada ancha uyushqoq to‘p tepayotganiga e’tibor qaratmoqchiman. Buni oxirgi to‘rtta o‘yinda faqat bitta gol o‘tkazib yuborishgani ham tasdiqlaydi. “Navbahor”ning yangi o‘yinchilaridan markaziy himoyachi Boyan Sigerni alohida ko‘rsatib o‘tgan bo‘lardim, ancha ishonchli o‘ynayapti.
- Muxlislarning stadionga kiritilishi masalasida nima deysiz?
- Buni boshqaruv organlari hal qiladi. Qachonki, to‘liq xavfsizlik ta’minlansa, keyin ruxsat beriladi. Lekin albatta, muxlislarning stadionga kiritilishini ma’qullayman, chunki muxlislar bilan o‘tadigan o‘yin bilan muxlislarsiz o‘yin - bu ikki xil narsa. Emosiyalar boshqacha bo‘ladi.
- “Paxtakor” qaysi jamoalarni o‘ziga asosiy raqib deb biladi, ularning orasida “Navbahor” ham bormi?
- Birinchi navbatda, turnir jadvalining yuqori qismida borayotgan jamoalarni aytgan bo‘lardim. Ular orasiga “Navbahor” ham ancha yaqinlashib qoldi. Aynan shu raqiblarni prinsipial deb atashim mumkin.
- Bugungi o‘yinda “Paxtakor” bir ochko oldimi yoki ikki ochko yo‘qotdimi?
- Har doim ikki ochko yo‘qotdik, deb aytish mumkin. Lekin mavsum davomida ko‘p o‘yinlar o‘tkaziladi, shu bois, olingan ochkoni qabul qilishga majbur bo‘lamiz. Bu mavsum faqat uchta o‘yinda ochko yo‘qotdik, ularda durang o‘ynadik. Shunday bo‘lsada, bor e’tiborimizni o‘sishga, keyingi o‘yinlarga qaratamiz. Bugungi o‘yinni, keyingi bahsdagi raqibimizni tahlil qilamiz. Xatolar ustida futbolchilar bilan ishlaymiz. Futbolchilarimizning astoydil ishlayotganidan xursandman. Oxirgi ikki oy ko‘p narsani hal qiladi, keyingi o‘yinlarga har taraflama tayyor bo‘lish kerak.
“Navbahor” PFK matbuot xizmati.
Qo‘qon-1912
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
