Angliya chempionati 5-tur doirasida "Manchester Yunayted" safarda "Vest Xem" mehmoni bo‘ladi.
Bilasizmi?
"Vest Xem" bosh murabbiyi Devid Moyes 2014 yil "Manchester Yunayted"ni tark etganidan beri "qizil iblislar"ga qarshi o‘yinlarning birortasida g‘alaba qozona olmadi (2 durang, 5 mag‘lubiyat).
Krishtianu Ronaldu APL doirasida "Vest Xem"ga qarshi oxirgi 4 o‘yinida 6 golli vaziyatlarda ishtirok etgan - 5 gol, 1 assist. Shunga qaramay, portugaliyalik Premyer-Ligada «bolg‘achilar»ga uch marta imkoniyatni boy berib qo‘ygan. Faqatgina «Chelsi» klubi APLda Ronalduni boshqa jamoalarga qaraganda ko‘proq yutishga muvaffaq bo‘lgan (4 marta).
"Vest Xem" Premyer-Ligadagi so‘nggi 7 uchrashuvida mag‘lubiyatga uchramadi (4 g‘, 3 d). Bu ularning 2016 yilning fevral-aprel oylarida 10 o‘yinlik mag‘lubiyatsiz seriyasidan keyingi eng uzun yutqazmayotgan davri bo‘lib turibdi.
Pol Pogba joriy mavsum APLda 7 assist muallifiga aylanishga ulgurdi. Bu uning oldingi ikki musobaqadagi assistlari sonidan (6) ham ko‘p. Shuningdek, musobaqaning ilk 4 o‘yinida rekord darajali assist muallifiga aylandi.
Bahs rasmiylari
Bosh hakam: Martin Atkinson
Qanot hakamlari:Li Bits, Richard Vest
Zaxira hakami: Devid Kyut
VAR: Darren Ingland
VAR yordamchisi: Den Robatan
Yo‘qotishlar
MYU ustozi Ole Gunnar Sulsher payshanba kungi matbuot anumanida "Vest Xem"ga qarshi uchrashuv haqida gapirib o‘tdi.
Sulsher jamoasi 4 kun ichida «bolg‘achilar» bilan ikki bor to‘qnash kelishadi. Bugun va chorashanba kuni Angliya kubogi uchinchi bosqichida.
Edinson Kavani hali ham yaqinda orttirgan jarohatlaridan tiklanmoqda va bugungi poytaxtga bo‘ladigan safarni o‘tkazib yuboradi.
"Balki, Kavani chorshanba kungi o‘yin uchun jalb etilishi mumkin, chunki u o‘tgan mavsumni fantastik darajada o‘tkazdi. Balki, dushanba kuni", - dedi Ole.
"Edinsonning jamoaga ta’siri juda katta, chunki u shu turdagi shaxsiyatga ega futbolchi. U top-professional va safga qaytishni ortiq kuta olmayapti. Maydonga qaytish uchun juda qattiq mehnat qilmoqda.
Amad va Markus Reshford jarohati bois, yakshanba kkungi o‘yinni o‘tkazib yuborishadi. Din Xenderson va Fil Jons esa o‘tgan hafta «Arsenal»ning 23 yoshgacha jamoasiga qarshi o‘yindan keyin asosiy jamoaga qaytishmoqda".
"Vest Xem" safida asosiy yo‘qotish - bu shubhasiz Maykl Antonio. Qizil kartochka olgani uchun bugun bahsni o‘tkazib yuboradi. Uinston Reid jarohat olgan va uning harakat qilishi so‘roq ostida.
"Qizil iblislar" safida shuningdek, Aleks Telles va Skott MakTomini jarohatlaridan forig‘ bo‘lishgan bo‘lsa-ham, ularning maydonga tushishi so‘roq ostida.
Taxminiy tarkiblar
Vest Xem - Fabianski, Douson, Zuma, Ogbonna, Soufal, Rays, Souchek, Kresvell, Benrahma, Fornals, Bouen.
Manchester Yunayted - De Xea, Van-Bissaka, Maguayr, Varan, Shou, Fred, MakTomini, Fernandesh, Pogba, Grinvud, Ronaldu.
Raqamlar
"Manchester Yunayted" APLning oxirgi 28 safar o‘yinida mag‘lub bo‘lmay kelmoqda.
"Vest Xem" Premyer-Liganing so‘nggi 10 bahsidan sakkiztasida kamida ikkitadan gol kiritgan.
"Vest Xem" oxirgi 7 uchrashuvda mag‘lubiyatga uchramadi (Premyer-Liga).
Tomonlar APLda o‘zaro 50 marta to‘qnash kelishgan. Shular 30 uchrashuvda mankunianliklarning qo‘li baland kelgan. 7 bellashuvda londonliklar g‘alaba qozonishgan. 13 o‘yinda esa g‘olib aniqlanmagan.
Eslatib o‘tamiz, "Vest Xem" - MYU o‘yini Toshkent vaqti bilan bugun soat 18:00da start olishi rejalashtirilgan.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
