Bugun APLda barcha uchun birdek noqulay raqib sanalgan «Lester Siti» klubi «Brayton» maydoniga safar uyishtiradi. Brenden Rojers jamoasi hafta o‘rtasidagi Yevropa ligasi bahslaridan so‘ng, Brayton shahriga safarga chiqqan. Quyida har ikki klubga doir ma’lumotlar havola etiladi.
Brayton tarkibidagi muammolar:
Klub himoyachisi Adam Uebster bugungi uy uchrashuvini o‘tkazib yuborishi mumkin. Uning o‘rniga Den Bern tushirilishi kutilmoqda. Uebster keyingi oydagi xalqaro tanaffusgacha o‘z jamoasiga yordam bera olmaydi. U o‘tgan turdagi «Brenford» bilan bahsda bo‘ynidan jarohat olgan. Bern esa yaqindagina tizzasidagi jarohatidan tuzalib, safga qaytgan. Shuningdek, tarkibdagi Enok Mvepuda ham ozgina muammolar bor. Shunga qaramasdan u bugungi o‘yin uchun yaroqli. Ammo yarim himoyachi Paskal Gross bu o‘yinni koronavirus bilan bog‘liq cheklov sabab o‘tkazib yuboradi. U o‘tgan turda ham maydonga tusha olmagan. Jamoaning asosiy futbolchilaridan bo‘lgan Aron Konolli o‘z formasini tikladi. Hujumchi «tulkilar»ga qarshi kurashga tashlanishi mumkin.
«Lester» tarkibidagi muammolar:
Klub «Ameks Stadioni»ga Jonni Evanssiz safar uyushtirishga majbur bo‘lmoqda. Himoyachi 2-2 hisobida yakunlangan «Napoli»ga qarshi bahsda oyog‘idan jiddiy jarohat olgan. Jamoa hujum chizig‘i vakili Ayoze Perez Yevropa ligasida Vardi, Tilemans hamda Meddison yo‘qligini bildirmadi. U avvalroq 3 ta o‘yinga chetlatilgandi. «Tulkilar»da boshqa jiddiy yo‘qotish mavjud emas.
O‘zaro o‘yinlar:
«Brayton» APLda «Lester»ga qarshi so‘nggi uchta uy uchrashuvini boy bergan. Ular tarixda hali hech qachon «tulkilar»ga qarshi uchta uy uchrashuvda yutqazmagan edi.
«Lester» Premyer Ligada «Brayton» bilan o‘tkazgan so‘nggi sakkizta o‘yinning birortasida mag‘lub bo‘lmagan(6 ta g‘alaba, 2 ta durang). Bu natija klub tarixidagi eng yaxshi mag‘lubiyatsiz seriya sanaladi.
Boshqa statistikalar:
«Brayton» bu mavsum 2015-2016 yildan buyon eng yaxshi startini amalga oshirdi. Ular 4 ta turda jami 9 ochko to‘plagan(2015 yilda 10 ochko). Bu ko‘rsatkich klubning elitaga eng yaxshi qaytishi hamdir. 2021 yildagi o‘yinlar davomida faqat Angliya chempioni «Man Siti»(15 ta), hamda Yevropa chempioni «Chelsi»(15 ta) «Brayton»(11 ta)dan ko‘proq darvozasini dahlsiz saqlay olgan.
«Lester» so‘nggi 10 ta APL bahsida atigi bir marta darvozasi dahlsizligini saqlab qola olgan, xolos(4 ta g‘alaba, 1 ta durang, 5 ta mag‘lubiyat). O‘sh bitta uchrashuv yangi mavsumning ilk turida «Vulverxempton»ga qarshi o‘tkazilgan(1-0). Jamoa 9 ta uchrashuvda ketma-ket darvozasidan to‘p o‘tkazib yuborgan. Shunga qaramay har birida har birida raqibga gol urishni uddalagan.
«Tulkilar» bu mavsumda raqib darvozasi tomon eng kam zarba bergan jamoadir(jami 29 ta). Bu o‘rtacha har bir uchrashuv uchun 7,3 ta zarba degani. Ushbu ko‘rsatkich o‘tgan mavsumga qaraganda 5 taga kamroq(o‘tgan mavsum har bir uchrashuvda 12,8 ta). Bu raqamlar ko‘rsatib turibdiki, bugungi uchrashuv qiziq va murosasiz kechadi. «Sky Sports» mutaxassislari fikricha, bahs 2-2 hisobidagi jangovar durang bilan yakun topadi.
Tahminiy tarkiblar:
«Brayton» uchun:
Darvozada: Sanchez;
Himoyada: Veltman, Daffi, Dank, Kukurelya;
Tayanch y,h: Lallana, Bissuma;
Hujumkor y,h: Trossard, Makallister, March;
Hujumda: Mope. (4-2-3-1)
«Lester» uchun:
Darvozada: Shmeyxel;
Himoyada: Pereyra, Vestergaard, Soyunchu, Bertrand;
Tayanch y,h: Ndidi, Tilemans;
Hujumkor y,h: Daka, Meddison, Barns;
Hujumda: Vardi. (4-2-3-1)
Eslatib o‘tamiz, «Brayton» hamda «Lester Siti» o‘rtasidagi bahs Toshkent vaqti bilan soat 18:00da start oladi. Ushbu uchrashuv «Futbol TV» kanalida jonli efirda namoyish etilishi belgilangan.
ingliz tilidan Jaloliddin ISMATOV tarjimasi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
