O‘zbekiston futzal terma jamoasi a’zosi Anasxon Rahmatov FIFA.com sayti jurnalisti bilan suhbatlashdi. Mazkur intervyu FIFA tomonidan O‘FA mediasi bilan hamkorlikda tayyorlandi.
Anasxon Rahmatovning O‘zbekistonni 1/8 finalga olib chiqqan ajoyib goli… “Oq bo‘rilar” shanba kuni Misr ustidan g‘alaba qozonishdi.
Tayyorgarlik bu hamma narsani hal qiluvchi omil. Muhim gollarni urish — bu diqqatni jamlash, to‘pga hushyor munosabatda bo‘lish va unga aniq vaqtda zarba berish… Bu o‘zbekistonlik Anasxon Rahmatovning Misrga qarshi hal qiluvchi golining ssenariysi.
Darvozadan 15 metr narida joylashgan Rahmatovning xayolida faqat bitta narsa bor edi — to‘p unga qarab kelmoqda, u esa Misr darvozasining yuqori burchagiga nishonga olishi kerak. Gol muallifining FIFA.com saytiga tushuntirganidek, hammasi tayyorgarlikka borib taqaladi.
“O‘ziga xos narsa shuki, men gol bo‘lishini bilardim”, — deydi Rahmatov. “O‘zimni ishonchli his qilardim, chunki hamma o‘yindan oldin menga gol urishim kerakligini aytgan edi.
Bu haqiqatan ham hamma narsadan ko‘ra muhimroq gol edi. Men zarba berish payti ota-onam, do‘stlarim, vatandoshlarim va jamoam haqida o‘yladim. Ular tufayli shu yerda ekanligimni hayolimdan o‘tkazdim”.
“O‘yindan oldin hammada bosim bor edi, o‘sha payti O‘zbekiston dastlabki ikki o‘yinda mag‘lub bo‘lgan holda «B» guruhining eng so‘nggi pog‘onasini egallab turgandi. Ammo hammamiz bizni oldinda kutib turgan narsaga tayyor edik.
Bunday o‘yin uchun motivasiyani olish qiyin emas. Birinchi o‘yinimizda biz Jahon chempionatining bosimini his qildik. Biz ikkinchi o‘yinda yaxshiroq o‘ynadik, lekin raqib juda kuchli edi.
Uchinchi uchrashuvda g‘alaba qozonishdan boshqa ilojimiz yo‘q edi. Chunki siz kim bilan o‘ynayotganingiz yoki sizga bosim o‘tkazishayotgani muhim emas. Siz faqat g‘alaba qozonishingiz kerak. Bunday o‘yinlardan haqiqiy motivasiyani olish mumkin”.
Anasxonning fantastik goli nafaqat O‘zbekistonni keyingi bosqichga olib chiqdi, balki futzal bo‘yicha Jahon chempionatidagi ilk g‘alabani ham taqdim etdi.
"Bizning 2016 yildagi eng katta yutug‘imiz — bu bizning birinchi marta jahon chempionatiga chiqqanimiz edi. O‘sha mundialda bir ochkoni, bu gal esa biz 3 ochkolik g‘alaba va nimchorak finalga yo‘llanmani qo‘lga kiritdik.
Bularning bari birinchi turnirdan saboq olganimiz va kerakli xulosalarni chiqarganimizni anglatadi. Bu yergacha yetib kelishimiz tasodif emasligini, bundanda yaxshiroq natija qilishga qodir ekanligimizni ko‘rsatishimiz shart edi.
O‘zbekiston terma jamoasi turnirga astoydil tayyorgarlik tufayli maqsadlariga erishdi.
Biz Ispaniya, Portugaliya va Argentina kabi dunyoning eng yaxshi jamoalariga qarshi o‘rtoqlik uchrashuvlari o‘tkazdik. Mamlakatimiz assosiasiyasi bunday o‘yinlarni tashkillashtirib berdi va eng yaxshi sharoitlarni taqdim qildi, shuning uchun ularga rahmat aytaman.
Meni futzalda eng ko‘p qoyil qoldirgan o‘yinchi bu Duglas. U shunchaki ajoyib. Braziliya terma jamoasining sobiq futbolchisi Kakani ham futbol kumirim sifatida bilaman. Duglasga qarshi o‘ynash orzu bo‘lardi. Har bir o‘yinchi o‘z qahramoniga qarshi maydonga tushishni orzu qiladi va bu uchrashuv Jahon chempionati doirasida bo‘lsa, yanada ajoyib bo‘lardi".
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
