Superliganing 20-turidan o‘rin olgan "So‘g‘diyona" — "Metallurg" (2:0) uchrashuvidan keyin mehmonlar bosh murabbiyi Jasur Abduraimov o‘z fikrlarini bildirdi.
— "So‘g‘diyona"ni g‘alaba bilan tabriklayman. Ular darvozamiz tomon bugun nechta zarba berishdi? 3 tami, 4 tami? 2 ta gol urishdi. Biz esa ko‘plab vaziyatlar yaratib, ularni golga aylantirolmayapmiz. O‘yinimizdan ko‘nglim to‘layapti. Faqat natija kutilgandek bo‘lmayapti. Bugun albatta bizga g‘alaba zarur edi. Biroq bizning o‘ylaganlarimiz, rejalarimiz amalga oshmay qoldi. Muxlislarimiz xafa bo‘lmay turishsin. Tez orada bizning ko‘chamizda ham bayram bo‘ladi. Nima ham derdim, bu – futbol. Ba’zan ko‘p harakat qilgan, izlangan jamoa emas, omadi chopgan jamoa yutib ketadi.
"Metallurg" klubi o‘z oldiga katta maqsadlar qo‘ygan. Bizda o‘rinbosarlarni tarbiyalashga , Akademiyaga katta e’tibor berish orqali kelajakka intilayapmiz. Ispaniyadan yaxshi mutaxassislar kelishyapti, akademiyamizni kuchaytirishadi. Katta futbolni rivojlantirishga ham yordam berishadi.
— Oxirgi yillarda Superligadagi klublar akademiyaga e’tibor qaratishni boshlashdi. O‘zbek klublari 80-90 foiz mahalliy futbolchilardan iborat bo‘lishi uchun necha yil kerak bo‘ladi?
— O‘zbek klublarini bilmayman, ammo "Metallurg"ga 3-4 yil kerak. Biz hozir ham faqat mahalliy futbolchilar bilan o‘ynayapmiz. Bizga legioner kerak emas. O‘zimizning futbolchilarni ko‘tarishimiz kerak. Nasib qilsa, 5 oktyabr kuni akademiyamizning ochilish marosimini o‘tkazishni rejalashtirayapmiz.
— "Metallurg" darvozasiga urilgan ikkinchi golda hakamlar ofsaydni ko‘rmay qolishdi. Klub shikoyat yozadimi?
— Bu savolga javob bera olmayman. Bir marta hakamlar haqida gapirgandim, keyin jarima to‘ladim. Men murabbiyman. Bir narsadan xayronman: Har doim yoki murabbiy, yoki futbolchi aybdor bo‘ladi. Hamma xato qiladi, to‘g‘ri, lekin "Metallurg" klubining o‘ziga qarshi 6-7 marta xato kuzatilmoqda. Bu kimgadir kerakmi yoki kerakmasmi, bu narsalarga aralashmayman. Men yosh iste’dodlarni kashf etish yo‘lidaman, iqtidorli futbolchilarni ko‘tarishga harakat qilayapman, akademiyamizni kuchaytirmoqchimiz. Shu bilan "Metallurg"ning taraqqiyotiga hissamni qo‘shaman. Hakam xato qildimi yoki qilmadimi, uni tahlil etadigan va javob beradigan insonlar bor. Men ularning pozisiyasini tushunmayapman va bilmayman. Men hakam emasman, — deydi Jasur Abduraimov.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
