Angliya Premyer-Ligasi 7-turi doirasida "Manchester Yunayted" o‘z maydonida «Everton»ni qabul qiladi.
Bilasizmi?
"Manchester Yunayted" Premyer-Liga doirasida «Everton» bilan o‘tkazilgan oxirgi 12 o‘yinda faqat bir marta yutqazgan (6 g‘alaba, 5 durang). Ushbu holat 2019 yilning aprel oyida "Gudisson Park"dagi o‘yinda (4:0) sodir bo‘lgandi.
Ronaldu mazkur bahsda maydonga tushsa, bu uning APLdagi 200-bahsi bo‘ladi. U shu paytga qadar 87 gol urishga erishgan. Shuningdek, portugaliyalik bu dovonni zabt etgan MYUning 24-futbolchisi bo‘ladi. Musobaqada bu istalgan jamoadan 8 marta ko‘proq degani.
«Everton» ustozi Rafael Benites APL doirasida "Manchester Yunayted"ga qarshi oxirgi 9 safar o‘yinida 7 marta mag‘lub bo‘lgan va ikki marta g‘alaba qozongan. Uning g‘alabalari 2009 yilning mart oyida «Liverpul» (4:1) hamda 2013 yilning may oyida «Chelsi» klubi (1:0) bilan qo‘lga kiritilgan. Rafa «Old-Trafford»da uchta katta klub bilan MYUni yutgan ilk murabbiyga aylanishi mumkin.
Andros Taunsend joriy mavsum barcha musobaqalarda istalgan «Everton» futbolchisidan ko‘proq golli vaziyatlarda ishtirok etgan (8 o‘yin, 4 gol, 3 assist). U o‘tgan mavsum "Kristal Pelas" safida MYU bilan o‘yinning (3:1) dastlabki golini kiritgan va jamoasining g‘alabasiga hissa qo‘shgandi.
Bahs rasmiylari
Bosh hakam: Maykl Oliver
Qanot hakamlari: Styuart Byurt, Simon Bennet
Zaxira hakami: Pol Tirni
VAR: Styuart Atuell
VAR yordamchisi: Harri Lennard
Taxminiy tarkiblar
Manchester Yunayted - De Xea, Van-Bissaka, Lindelyof, Varan, Shou, Fred, Matich, Pogba, Lingard, Grinvud, Kavani
Everton - Pikford, Godfri, Mina, Kin, Din, Taunsend, Dukure, Allan, Ivobi, Grey, Rondon.
Yo‘qotishlar
Mankunianliklar tarkibida Markus Reshford, Amad Diallo hamda Harri Maguayr jarohati bois maydonga tusha olishmaydi. Shou sport formasini tiklab olmagan va qatnashishi so‘roq ostida.
«Everton» safida Koulmen, Delf, Kalvert-Lyuin, Risharlisonlarda jarohat bor. Andre Gomesh va Gbaminning maydonga tushishi so‘roq ostida. Gilfi Sigurdsson boshqa sababga ko‘ra MYU bilan o‘ynamaydi.
Raqamlar
MYU barcha musobaqalarda «Everton»ga qarshi oxirgi 9 uy o‘yinida mag‘lubiyatga uchramagan.
Mankunianliklar barcha musobaqalarda «Everton»ga qarshi so‘nggi 4 o‘yinda kamida ikkitadan gol kiritgan.
«Everton» so‘nggi 6 o‘yinning beshtasida kamida ikkitadan gol urgan (Premyer-Liga).
Jamoalar o‘zaro 58 marta to‘qnash kelishgan. Shulardan 37 uchrashuv Manchester klubi, yettitasi esa Mersisayd klubi foydasiga hal bo‘lgan. 12 bellashuvda g‘olib nomi aniqlanmagan.
Eslatib o‘tamiz, mazkur uchrashuv ertaga Toshkent vaqti bilan 16:30da start olishi rejalashtirilgan.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
