Xabaringiz bor, 4-6-oktabr kunlari Toshkentdagi «Humo Arena» sport majmuasida Bodibilding va jismoniy sport turlari bo‘yicha XII jahon chempionati bo‘lib o‘tadi. Musobaqada dunyoning 21 davlatidan jami 350 nafar sportchi va delegatlar ishtirok etishi kutilmoqda.
Jahon chempionatida erkaklar va ayollar quyidagi toifalarda g‘oliblik uchun o‘zaro musobaqalashadi:
Bodibilding – muskullarning eng katta hajmiga ega sportchilar bahslashadigan musobaqaning eng mashhur toifasi;
Atlet-fizik – bu toifada sportchilar o‘z mashg‘ulotlari, ovqatlanishi va turmush tarzini ideal jismoniy holatga erishish uchun tuzadilar;
Fitnes-fizik – bu toifada qaddi-qomat, elastiklik, nafislik, texnika va estetika baholanadi, bundan tashqari akrobatika elementlari ham hisobga olinadi;
Model-fizik – bu toifada sportchilar maqbul mushaklar massasiga ega kelishgan tana tuzilishlarini namoyish qilishlari kerak;
Sport-fizik – bu toifada ishtirokchilarning vazni, tana tuzilishi va jismoniy holati hisobga olinadi.
Bugun musobaqaning tantanali ochilish marosimi tashkil etildi. Unda Turizm va sport vazirining o‘rinbosari Avazjon Karimov, Jahon bodibilding va jismoniy sport federasiyasi (WBPF) prezidenti, janob Datuk Pol Chua, O‘zbekiston Milliy olimpiya qo‘mitasi raisi Rustam Shoabduraxmonov, O‘zbekiston bodibilding, fitnes va mas-restling federasiyasi raisi Odil Abduraxmonov hamda keng sport jamoatchiligi ishtirok etdi.
«Qayd etish lozim, O‘zbekistonda Bodibilding va fitnes sport turi tobora ommalashib bormoqda. Ayni paytda mamlakatimizda ushbu sport turi bo‘yicha 200 nafarga yaqin murabbiylar faoliyat olib borishayotgan bo‘lsa, ularning qo‘l ostida 5 ming nafardan ortiq o‘g‘il-qizlar muntazam ravishda shug‘ullanib kelishmoqda. Mazkur sport turi bo‘yicha mamlakatimiz sportchilari Osiyo, Yevropa va Jahon miqyosidagi xalqaro musobaqalarda munosib ishtirok etgan holda faxrli o‘rinlarni qo‘lga kiritib kelishmoqda. Jumladan, shu kungacha o‘zbekistonlik sportchilar orasidan 8 nafar Jahon, 6 nafar Yevropa hamda 12 nafar Osiyo chempionlari, shuningdek ko‘plab Xalqaro turnirlarning g‘oliblari yetishib chiqqanligi ham ushbu sport turi mamlakatimizda tobora rivojlanib borayotganidan darak beradi», - dedi ochlish marosimida so‘zga chiqqan A.Karimov.
«Jahon chempionati uzoq tanaffusdan keyin o‘tkazilmoqda – biz butun dunyodagi pandemik vaziyat tufayli 2020 yilgi mavsumni o‘tkazib yuborishga majbur bo‘ldik. Bu borada o‘zbekistonlik hamkorlarimizning musobaqani keng ko‘lamda o‘tkazish tashabbusi bilan chiqqanligini esa faqat olqishlaymiz. Ishonch bilan ayta olamanki, bo‘lajak musobaqa yuksak saviyada tashkil etiladi», - deb ta’kidladi WBPF prezidenti Datuk Pol Chua.
O‘zbekona karnay-surnay sadolariyu milliy raqslarimizning betakror jozibasi jahon chempionatiga tashrif buyurgan mehmonlarga manzur bo‘ldi.
Ruslan Maksimov tayyorladi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
