Chet el klublarida faoliyat yuritayotgan o‘zbekistonlik futbolchilarning ayrimlari ortda qolgan haftada o‘z jamoasi safida navbatdagi o‘yinlarini o‘tkazdi.
Saudiya Arabistoni
Jaloliddin Masharipovning «An-Nassr»i safarda «Abha»ga qarshi bahs olib bordi. Unda Ar-Riyod klubi 3:1 hisobidagi g‘alabani qo‘lga kiritdi. Uchrashuvda to‘liq harakat qilgan Masharipov jamoasining uchinchi goliga assistentlik qildi.
Belarus
«Energetik-BGU» «Slusk» maydonida mehmon bo‘ldi va 0:2 hisobidagi mag‘lubiyatni qabul qilib oldi. Bellashuvda Shahzodbek Ubaydullayev to‘liq harakat qilgan bo‘lsa, Bobur Abduxoliqov 61-daqiqada zaxiraga olindi.
Shahboz Umarov jamoasi «BATE» ushbu turda ligadan chetlatilgan «Sputnik»ka qarshi o‘ynashi kerak edi. Bu uchrashuvda borisovliklarga texnik g‘alaba yozildi.
Qozog‘iston
Igor Sergeev harakat qilayotgan «Tobol» jamoasi Qozog‘iston chempionatining navbatdagi turida «Ordabasi»ni qabul qildi. Uchrashuvda kostanayliklar 3:1 hisobidagi g‘alabani qo‘lga kiritdi. Igor jamoasining 25-daqiqada urilgan dastlabki goliga mualliflik qildi va 59-daqiqada zaxiraga olindi. Sergeevning jamoasi mavsum tugashiga ikki tur qolganda peshqadam «Astana»dan bir ochko ortda qolmoqda va uchinchi o‘rindagi jamoadan 8 ochkoga ilgarilab ketgan. Keyingi ikki tur chempionlik masalasiga oydinlik kiritib beradi.
Janubiy Koreya
«Kanvon» 33-turda «Chonbuk Motors»ga qarshi o‘ynadi va minimal hisobda mag‘lubiyatga uchradi. Rustam Ashurmatov asosiy tarkibda maydonga tushib, 46-daqiqada zaxiraga olindi.
Jamshid Iskandarov harakat qilayotgan «Sonnam» esa «Cheju Yunayted» maydoniga safar qildi. Uchrashuvda maydon egalari so‘nggi daqiqalardagi gol evaziga 2:1 hisobidagi g‘alabani qo‘lga kiritdi. Iskandarov uchrashuvning 61-daqiqasida maydonga tushdi.
Key-Liga 2 da Oleg Zoteev to‘liq harakat qilgan o‘yinda «Chonnam Dragons» «Anyan» bilan 1:1 hisobda durang o‘ynadi. Ikrom Aliboyev to‘p tepayotgan «Tejon Sitizen» esa «Puchon»ga qarshi bahsning so‘nggi daqiqalarida mag‘lubiyatdan qutulib qoldi (1:1). Aliboyev bir bo‘lim harakat qildi.
Aziz G‘aniyev («Shabob al-Ahli»), Jasur Yaxshiboyev («Sherif»), Oston O‘runov («Ufa») va Doniyor Abdumannopov («Energetik-BGU») navbatdagi tur o‘yinlarini jarohat sabab o‘tkazib yuborgan bo‘lsa, Eldor Shomurodov «Roma»ning «Empoli»ga qarshi o‘yinida zaxirada qoldi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
