Kecha siz muxlislarning e’tiboringizga dunyoga mashhur bo‘lgan futbol muzeylari beshtaligini havola etgan edik. Unda keltirilgan muzeylar sayyohlar tashrifi bo‘yicha yetakchilik qiladi. Hozir esa bu borada ulardan qolishmaydigan muzeylar haqida ma’lumotga ega bo‘lishingiz mumkin. Quyida shu haqda so‘z boradi.
1(6). «J-Museum» muzeyi, Turin shahri
Italiya futboli tarixidagi sovrinlarga eng boy klub deganda hayolimizda eng avvalo, «Yuventus» gavdalanadi. Klub ancha yillar ilgari o‘z muzeyini tashkil etgan bo‘lib, u jamoaning o‘tmishda qo‘lga kiritilga sovrinlari uchun mo‘ljallangan. Turin shahridagi «J-Muzeyi»da zamonaviy texnologiyalar esdaliklar, sovrinlar, suratlar hamda futbolkalar bilan uyg‘unlashtirilgan. Ko‘plab xonalarga bo‘lib chiqilgan binodagi har bir detal klubning shonli o‘tmishidan hikoya qiladi. Unda mashhur gollar deysizmi, xronologik peshtaxtalar yoki klub erishgan yutuqlarimi, barchasi mujassamlashgan.
2(7). Enfild muzeyi, Liverpul shahri
«Liverpul» o‘tmishda ko‘plab top klublarga munosib qarshilik ko‘rsatib, g‘alabalarga haqqoniy erishgan klub desak, mubolag‘a qilmagan bo‘lamiz. «Enfild» ichiga nazar solar ekansiz, muzeydagi barcha narsa faqat va faqat «Liverpul»ga bag‘ishlanganiga guvoh bo‘lasiz. Unda oltita YECHL kubogi va turlicha eksponatlar, yana Stiven Jerrardga bag‘ishlangan kolleksiya ham mavjud. Muzeyga tashrif buyurgan har bir kishi kiraverishda maxsus quloqchin media-moslamasi bilan ta’minlanadi. Unda siz klubning yana bir afsonasi bo‘lgan Fil Tomson ovozi yordamida muzey bo‘ylab yolg‘iz sayr qilishingiz mumkin bo‘ladi.
3(8). «Camp Nou Experience» muzeyi, Barselona shahri
1984 yilda tashkil qilingan "Kamp Nou tajribasi" muzeyiga butun dunyodan har yili ko‘plab muxlislar kelishadi. Ma’lumotlarga qaraganda, ushbu muxlislar soni yillik o‘rtacha 1,5 milliondan oshiqni tashkil etadi. Muzey ajoyibotlarga to‘la! Unda klub tomonidan yutilgan kuboklar, sovrinlar va Yoxan Kroyf kabi yulduzlar kiygan liboslar jamlangan. Interaktiv moslamalar bilan jihozlangan maxsus xona har bir mehmonga «Barsa»ning o‘tmishdagi shonli onlariga qaytish imkonini beradi. Muzeyning stadion ichida joylashgani esa, butun o‘yingohni panorama ko‘rinishida tomosha qilishingizni ta’minlaydi.
4(9). «Museo del Calcio», Florensiya shahri
Agarda zamonaviy gadjetlar hamrohligida yurishga odatlangan bo‘lsangiz, "Futbol Muzeyi" siz uchun emas ekan. Shunday bo‘lsada, Alessandro Del Pyeroning maydondagi harakatlari yoki Paulo Maldinining himoyadagi iqtidorini ko‘rish niyatingiz bo‘lsa, Florensiyaga sayohat qiling. Muzey Italiya futbolining butub boshli tarixiga egalik qiladi. Undagi 6 ta xonaning har birida turli xil eksponatlar o‘rin olgan.
5(10). «CR7» muzeyi, Funshal shahri(Portugaliya)
Butun boshli millat yoki klub tarixiga bag‘ishlangan muzeylarni ortda qoldirib, yolg‘iz afsona uchun bag‘ishlangan joyga ham yetib keldik. Krishtianu Ronaldu futbolchidan ko‘ra, jahon darajasidagi brendga aylangan inson. Uning «CR7» deb nomlangan muzeyi o‘zi tug‘ilib-o‘sgan Madeyra orolida joylashgan va esdaliklarga to‘la makon! Undagi suratlar, videolar, futbolchi kiygan liboslar va u uchun bag‘ishlangan turli ishlar sizni befarq qoldirmaydi. Tashrif buyurish va Krishtianuning faoliyat tarixini bilish uchun yaxshi joy. Bu muzey kechasi ham odamlar bilan doimo gavjum sanaladi.
ingliz tilidan Jaloliddin ISMATOV tarjimasi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
