«Nyukasl» arab shayxlari qo‘liga o‘tgach, endilikda yangi reformalar kutilmoqda. Jamoaga 14 yil egalik qilgan Mayk Eshli cho‘kayotgan kemasini arablarga topshirib ketdi. Saudiyaliklar milliardlari klubni cheklanmagan qudrat bilan ta’minlashga qodirdir, ammo pul hamma narsani o‘zgartira olmaydi. Amaldagi jamoa ustozi Stiv Bryus ham Mayk Eshli ketganidan so‘ng, unga chiqish eshiklari ko‘rsatilishini bilib turibdi. Bu ham bir o‘zgarish, katta o‘zgarish. Quyida yaqin orada klubda o‘zgartirilishi aniq bo‘lgan jihatlar haqida so‘z boradi.
1. Yangi murabbiy olish kelish
Eddi Hov va Kris Vaylder Bryusni almashtirish kerak ekanini aytib turgan paytda, arablar kelib qoldi. Endi klub muxlislari Antonio Konte yoki Zayniddin Zidan kabi top menejer istashmoqda. Ular, kelishi bilanoq, jamoaga o‘z ta’sirini o‘tkaza oladigan, muhim masalalarni to‘g‘ri hal qila oladigan mutaxassis xohlaydi. Darhaqiqat, klubning hozirgi 19 o‘rnini tezlik bilan yo‘qqa chiqarish zarur. Agar yangi tayinlanajak murabbiy yanvargacha bu ishni uddalay olsa, keyin saudiyaliklar qishki oynada yangi yulduz futbolchi izlay boshlaydi.
2. Tarkibni qayta ko‘rib chiqish
«Nyukasl»ning hozirgi tarkibi to‘liq sog‘ayishga muhtoj bo‘lib turibdi. Yanvar oyi esa bu uchun eng yaxshi payt sanaladi. Shunday bo‘lsa ham bu bosqichma-bosqich jarayon bo‘lib, saudiyaliklar bu uchun birdaniga katta pul ajratib yubormaydi, albatta. Shuning uchun, Muhammad Saloh yoki Kilian Mbappe singari o‘yinchilarni olib kelishni orzu qilayotgan jamoa muxlislarini hafsalasi pir bo‘lishi mumkin. Ammo maydondagi tarkibda markaziy himoyachi, markaziy yarim himoyachi va hujumchi masalasini darhol ijobiy hal qilish zarur.
3. Sen-Maksimenni asrash
Barchaning o‘y-hayolida kim bilan shartnoma tuzilar ekan, degan savol turgan bir paytda, joriy tarkib futbolchilarini ham unutmaslik zarur. Jumladan, jamoa bilan 2026 yilgacha shartnomasi bor Allan Sen-Maksimen shu turishini o‘ziyoq, klub afsonasi hisoblanadi. Uning sa’y-harakatlari bilan «Magpies» hozirda APLda harakat qilmoqda. Uni jamoada ushlab qolish, ayniqsa hozir muhimdir. Bugungi kunda Martin Dubravka, Jo Uillok, Migel Almiron hamda Kallum Uilson kabi futbolchilar jamoa asosini tashkil etadi. Ularning fonida maydondagi San-Maksimenning harakatlari yanada jozibaliroq chiqmoqda. Shu sabab, keyingi yozda gigantlar tomonidan nishonga olingan fransuz hujumchisi, jamoani tark etishi mumkin degan gap-so‘zlar mavjud. Aslida, ketsa ham uni birov ayblashga haqqi bo‘lmaydi. Ammo shu kecha-kunduzda hammasi o‘zgardi. Endi jamoada Allanni saqlab qolish ustuvor vazifaga aylanishi kerak.
4. Alan Shirer va Kevin Kigan kabi jamoa afsonalarini jalb etish
Mayk Eshli o‘z davrida Kigan va Shirerlarni jamoaga yaqinlashtirmagandi. Yangi egalar esa ularni bundan qutqarishi, jamoaga jalb etishi kerak. Uz vaqtida, Kigan 2008 yilda jamoa futbolchisi Ignasio Gonsalesga YouTube`da kliplar ko‘rishni ta’qiqlagach, bosh murabbiylikdan ozod etilgan edi. Shundan so‘ng, klub afsonasi bu haqda shunday yozgan: «Ular «Nyukasl»dan o‘yinchoq yasashdi. Buni aytish qanchalik og‘riqli bo‘lsa ham, men ortiq bu yerda qola olmayman. Bir kun kelib, ular ketganidan so‘ng, men ham qaytaman». Ushbu so‘zlardan anglab olish mumkinki, afsonalar o‘z klublari uchun ishlashga yana tayyor bo‘ladi.
5. Muxlislar bilan ishlash
Bir necha yil muxlislar bilan ishlashdagi sovuqqonlikdan keyin, ular bilan yana muloqotni yo‘lga qo‘yish, bu asosiy narsa ekanini tushunib yetish kerak bo‘ladi. Eshli klubning muxlislar armiyasini xuddi xaridor sifatida ko‘rgan va ular bilan muloqot qilishni istamagan. Bundan buyon hammasi ochiq va madaniyatli holda bo‘lishi zarur va bu narsa saudiyaliklarning ham inson huquqlari borasidagi imijiga ta’sir ko‘rsatadi(ijobiy/salbiy). Xususan, yangi ega arablarning dissident(davlat siyosatidan norozi) jurnalisti Jamol Qoshiqchining o‘ldirlishi borasidagi savollar to‘g‘ri berilgan va ochiqligicha qolmoqda. Bu esa ularning boshini go‘yoki sahrodagi quyosh tig‘ida kuydirishdek gap.Xulosa qilib aytganda, arablar hukmronligi Angliyada yana bittaga ko‘paydi. Endi ular yangidan jamoa qurishadi. Vaqt o‘tishi bilan o‘zgarishlar ham ko‘zga tashlanadi. Bu o‘zgarishlarni amalga oshirish uchun yuqoridagi amallarni tezlik bilan ijro etish zarur.
ingliz tilidan Jaloliddin ISMATOV tarjimasi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
