Angliya chempionati 8-turi doirasida «Uotford» o‘z maydonida «Liverpul»ni qabul qiladi.
Bilasizmi?
«Uotford»ning yangi bosh murabbiyi Klaudio Ranyeri Premyer-Liga doirasida «Liverpul»ga qarshi oxirgi 5 uy o‘yinining to‘rttasida g‘alaba qozongan (1 mag‘lubiyat). Bu «qizillar» bilan kamida 5 marotaba to‘qnash kelgan murabbiylar orasida eng yaxshi g‘alaba qayd etish (80 foiz) ko‘rsatkichi hisoblanadi.
Bu jamoalar so‘nggi marta 2020 yilning fevral oyida to‘qnash kelishgan va «Uotford» o‘z maydonida 3:0 hisobida g‘alaba qozonib, mersisaydliklarning 44 o‘yindan iborat mag‘lubiyatsiz seriyasiga chek qo‘ygan. Bundan tashqari, o‘shanda «Liverpul» 18 o‘yinli g‘alabali seriya ham qayd etayotgandi.
Sadio Mane APLda 99 gol urgan. U tez orada APLda 100 lik marrani zabt etgan uchinchi afrikalik futbolchiga aylanishi mumkin. Bunga qadar Didye Drogba va Muhammad Salah ushbu natijaga erishishgandi. Qayd etish kerak, Mane Premyer-Ligada birorta golni penaltidan urmagan. Bu bo‘yicha ham u uchinchi bo‘lishi mumkin. Les Ferdidand (149 gol) va Emil Heski (110) penaltisiz 100 lik marrani zabt etishganini qo‘shimcha qilish mumkin.
Salah «Liverpul»ning barcha musobaqalardagi oxirgi 7 o‘yinida gol urishga muvaffaq bo‘ldi. Misrlik top-5 chempionatlardagi faoliyati davomida hozirgacha biror marta ketma-ket 8 bahsda gol kiritishni uddalay olmagan.
Bahs rasmiylari
Bosh hakam: Jonatan Moss
Qanot hakamlari: Mark Perri, Timoti Vud
Zaxira hakami: Toni Harrington
VAR: Styuart Etuell
VAR yordamchisi: Darren Kan
Taxminiy tarkiblar
Uotford - Foster, Rouz, Nkulu, Ekong, Fmenia, Kutska, Sissoko, Dennis, Kleverli, Sarr, Pedro
Liverpul - Kelleher, Arnold, Gomez, Matip, Robertson, Milner, Xenderson, Jons, Salah, Firmino, Mane
Jamoa xabarlari
«Uotford»: Markaziy himoyachilar Kristian Kabasele va Fransisko Siyerralta keyingi ikki haftani jarohat bois o‘tkazib yuborishadi. Daniyel Bahman xalqaro o‘yinlarda qatnashgani uchun Ben Foster asosiy tarkibda tushishi mumkin. Joa Pedro zaxiradan maydonga tushib o‘zini ko‘rsata olgani uchun mavsumdagi ilk marta asosiy tarkibda maydonga tushish ehtimoli ham yo‘q emas. Kingning qatnashishi so‘roq ostida.
«Liverpul»: Alisson va Fabinyo Braziliya terma jamoasi bilan JCH-2022 saralash bahslarida ishtirok etgani uchun dam olish imkoniyati beriladi. Firmino esa terma jamoaga chaqirilmadi va u mazkur bahsda qatnashishi mumkin. Virjol van Deyk xalqaro tanaffusda Niderlandiyaning ikki o‘yinida ham asosiy tarkibida harakat qildi va Chempionlar Ligasi uchrashuvi oldidan unga dam berilsa ajab emas.
Diogu Jota ham jarohat olgan va uning o‘rni Firmino bilan to‘ldirilishi mumkin. Harvi Elliotning jarohati Kurtis Jonsga boshlang‘ich tarkib eshiklarini ochmoqda. Tiago esa «Atletiko» bilan o‘yinga asrab qo‘yilishi mumkin.
Raqamlar
«Liverpul» APLdagi oxirgi 17 uchrashuvda birorta mag‘lubiyatga uchramadi.
Mersisayd klubi Premyer-Ligadagi so‘nggi 4 safar o‘yinida kamida uchtadan gol urishga erishdi.
«Liverpul»ning oxirgi 6 safar uchrashuvida o‘rtacha 2,5 tadan ko‘proq gol kiritildi.
«Uotford»ning barcha musobaqalarda «Liverpul»ga qarshi oxirgi 6 o‘yinining beshtasida 2,5 tadan ko‘proq gol urilgan.
«Uotford» va «Liverpul» klublari APLda jami 14 bor to‘qnash kelishgan. 10 o‘yinda «qizillar» g‘alaba qozonishgan va uchta mag‘lubiyat qayd etishgan. Bir o‘yinda g‘olib aniqlanmagan.
Eslatib o‘tamiz, ushbu o‘yin ertaga, 16 oktyabr kuni Toshkent vaqti bilan 16:30 da boshlanishi rejalashtirilgan.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
