Bir necha soatlar oldin «Nyukasl» murabbiyi Stiv Bryus iste’foga chiqarildi. Aslida, klub boshqaruviga Saudiya Arabistoni investorlari kelgandan so‘ng, ushbu hodisa amalga oshishi deyarli aniq edi. «Manchester Yunayted»ning 60 yoshli sobiq himoyachisining ishdan ketishiga sabablar ham yetarlicha topiladi.
Hozircha Bryus murabbiylik faoliyatidagi 1000-o‘yinini o‘tkazishga muvaffaq bo‘ldi. Bu o‘tgan yakshanba kuni «Tottenxem»ga qarshi bo‘lgan uchrashuvida sodir bo‘lgan. Biroq, «Nyukasl» Saudiya Arabistonining yangi xo‘jayinlari qo‘l ostidagi«Sent-Jeyms Park»dagi birinchi uchrashuvda «shporlar»ga 2:3 hisobida yutqazdi. Shubhasiz, bunday natijadan keyin o‘sha bahs Stiv Bryusning «qarg‘alar» boshqaruvidagi so‘ngi o‘yini ekaligini ko‘pchilik anglab yetgan, chamamizda. Hozir esa biz sizlar bilan «Nyukasl» boshqaruviga kim kelishi mumkinligini taxmin qilib ko‘ramiz.
Frenk Lempard
Shu yilning yanvar oyida «Chelsi»dan ishdan bo‘shatilgan Lempard, ayni damda «Nyukasl»da murabbiylik lavozimiga asosiy nomzod sifatida ko‘rilmoqda.
Frenkning «ko‘klar» bilan ishlari uncha yurishmadi. Angliyalik boshqaruvida «Chelsi» ketma-ket yomon natija qaytd etdi. Shundan keyin bosh murabbiylik lavozimiga kelgan Tomas Tuxel jamoani birlashtirib, Chempionlar Ligasida g‘olib chiqdi va Premer-ligada ajoyib tarzda yakunladi. Bu bilan nemis mutaxassisi avvalgilariga qaraganda ancha yuqori natijalarga erishdi.
«Nyukasl» - Lempardning ishga qaytishi uchun ajoyib imkoniyat. Lekin saudiyaliklar klubni hali tajribasiz murabbiyga ishonib topshiradimi, yoki yo‘qmi noma’lum.
Roberto Martines
Martinesning Belgiya terma jamoasidagi davri tugashiga oz qoldi, deb taxmin qilishmoqda. Bunga jamoaning yaqinda UYEFA Millatlar Ligasi finalidagi omadsizligi sabab bo‘lishi mumkin. Avvaliga u yarim finalda Fransiyaga yutqazdi (2:3), keyin uchinchi o‘rin uchun kechgan bahsda Italiya terma jamoasiga imkoniyatni boy berdi (1:2). Shuningdek, Yevro-2020 musobaqasidagi omadsizlik ham bunga yaqqol isboti.
JCH-2018 bronza medali belgiyaliklar uchun yaxshi xotira bo‘lib qolmoqda, biroq terma jamoa muxlislari o‘z sevimlilaridan har doim oltin medallar kutib qoladi.
Roberto Martines «Suonsi», «Uigan» va «Everton» bilan ishlagan va Angliyadagi tajribasini hisobga olgan holda, «Nyukasl»ga juda mos keladi. Shunga qaramay, uning xizmatlariga «Barselona» ham qiziqish bildirmoqda. Agarda, kataloniyaliklar ham Robertoga taklif jo‘natishsa, tarozi pallasi ispan klubi tomonga bosishi mumkin.
Antonio Konte
Italiyalik mutaxassis «Inter»ni A Seriya chempioniga aylantirgan bo‘lsada, o‘tgan yozda, Milan klubini tark etdi va hozirda ishsiz yuribdi. Yaqinda Kontega «Arsenal» shartnoma taklif qildi, ammo u London klubiga rad javobini berdi. Nima uchun? Manbalarning tarqatgan xabariga ko‘ra, Antonio «kanonirlar»ning hozirgi tarkibi muvaffaqiyat qozonishga qodir emasligini his qilgan.
Ha, hozir «qarg‘alar» jamoasi «Arsenal»dan ham yomonroq. Ammo, «Nyukasl»da katta loyihaning istiqboli va buning uchun mavjud imkoniyatlar bo‘lish ehtimoli, mutaxassisga qiziq tuyulishi mumkin.
Stiven Jerrard
Hozirda ingliz mutaxassisi Shotlandiyaning «Reynjers» klubida ishlamoqda. 2020/2021 yilgi mavsum natijalariga ko‘ra, u jamoasi bilan Shotlandiya Premyer-ligasida g‘alabaga qozona oldi. Joriy yilgi mavsumda ham Jerrard va uning shogirdlari muvaffaqiyatni takrorlash uchun bor kuchini ishga solmoqda. Ayni payda ham Stiven boshchiligidagi «Reynjers» milliy chempionat jadvalida peshqadamlik qilmoqda.
Biroq, ingliz Glazgodagi ishidan mamnun va uning Angliya Premyer-ligasida ish boshlashi qiyin masala. Ammo, ko‘p nashrlar Stevenning «Nyukasl»da ish boshlashini taxmin qilmoqda. Ko‘ramiz, ehtimol saudiyaliklarning yaxshi moliyaviy taklifi ingliz murabbiyining fikrini o‘zgartirar?!
Zinedin Zidan
Fransuz mutaxassisi «Real» tarixida eng mashhur shaxslardan biri, chunki u «qaymoqranglilar»ni Chempionlar Ligasida ketma-ket uch marta g‘alaba qozonishiga yordam bergan. Keyinchalik, Zidan bir yildan kamroq vaqt ichida murabbiylik faoliyatida tanaffus qildi va yana Madridga qaytdi. Afsuski, uning «Santyago Bernabeu»ga ikkinchi tashrifi unchalik omadli bo‘lib chiqmadi.
O‘tgan yozda Zinedin Zidan «Real»ni ikkinchi marta tark etdi. Va ajablanarlisi shundaki, u hali ham ishsiz qolmoqdi. Mutaxassislar Zinedin «Nyukasl»ga o‘zining katta tajribasi orqali murabbiylik ta’sirini bera oladi va jamoaga haqiqiy chempionlik ruhini singdira oladi, deb ishonishmoqda.
Eddi Xau
43 yoshli ingliz murabbiyi ham Zidan singari hozirshi kunda ishsiz. 2020 yil avgust oyida «Bornmut» klubini tark etdi. Eddi butun faoliyati davomida avval futbolchi, keyin esa murabbiy sifatida ushbu jamoada ishlagan. U ilk marta «Bornmunt» klubini 2009 yilda boshqargan va Angliya chempionati tarixidagi eng yosh bosh murabbiyga aylangan (o‘shanda u 32 yoshda edi).
Birinchi yili, u klubi bilan Uchinchi ligaga tushib ketdi. Kelasi yili yana ikkinchi ligaga, keyinchalik esa jamoani Premyer-ligagacha olib chiqa oldi. 2020 yilning yozida Eddi «Bornmut»ni elitada ushlab tura olmadi va klub bilan xayrlashishiga to‘g‘ri keldi.
Xau «Nyukasl»ni Angliyada ham, Yevropa arenalarida ham yuqori darajaga ko‘tarishga qodir aqlli va shijoatli mutaxassis hisoblanadi. Ko‘ramiz, «yangi boylar» rahbariyati ham Eddiga ishonarmikan?!
Football Transfers nashridan Jamshidjon Mahmudov tarjimasi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
