O‘zbekiston chempionatining 23-turidan o‘rin olgan ikki o‘yin 22 oktyabr, juma kuni bo‘lib o‘tdi.
«Surxon» va «Qizilqum» o‘rtasidagi bahsda mezbonlar kichik hisobda g‘alaba qozondi. Mezbonlarning yagona goliga Jasur Xolto‘rayev mualliflik qildi.
«Surxon» g‘alabadan keyin 22 ochko bilan 10-o‘ringa ko‘tarilib oldi. «Qizilqum» esa mazkur mag‘lubiyatdan so‘ng 31 ochko bilan 8-o‘rinda qoldi.
Juma kungi ikkinchi o‘yinda «Bunyodkor» o‘z uyida «Turon»ni qabul qildi. Uchrashuvning 34-daqiqasida Xurshid G‘iyosov penaltidan unumli foydalanib, mezbonlarni hisobda oldinga olib chiqdi. 76-daqiqada Humoyun Murtazoyev penaltidan gol urib, hisobni tenglashtirdi. Hakam qo‘shib bergan daqiqalarda esa Umarali Rahmonaliyev va Nurillo To‘xtasinov gol urib, «Bunyodkor»ning ishonchli g‘alabasini ta’minladi.
Qayd etish kerak, har ikki jamoadan ham bir nafardan futbolchi qizil kartochka olib maydonni tark etdi. Avvaliga 65-daqiqada Lutfulla To‘rayev ikkinchi sariq kartochkani oldi va maydonni tark etdi. Uchrashuvning 80-daqiqasida Dayan Ponevich ham ikkinchi sariq bilan maydondan chetlatildi.
Ushbu g‘alabadan so‘ng «Bunyodkor» ochkolari sonini 36 taga yetkazib, 5-o‘ringa ko‘tarilib oldi. «Turon» esa 13 ochko bilan eng so‘nggi pog‘onada bormoqda.
Superliga, 23-tur bahslari
22 oktyabr, juma
«Surxon» — «Qizilqum» 1:0
Gollar: 1:0 — 55 Xolto‘rayev
«Surxon»: 12. Rustam Nortojiyev, 4. Javohir Sohibov, 5. Jasur Yoqubov, 6. Alisher Salimov, 7. Islom Toshpo‘latov, 8. Jahongir Ahmadov, 11. Zohir Pirimov (9. Nizomjon Norov, 73), 14. Jasur Xolto‘rayev (99. Komron Saydazamov, 90+2), 20. Husniddin G‘ofurov, 60.O‘rol Choriyev (19. Nuriddin Hasanov, 87), 66. Behruz Shaydulov.
«Qizilqum»: 1. Ignatiy Nesterov, 6. Erkin Boydullayev, 7. Islom Kenjaboyev (10. Mate Vasadze, 81), 8. Giorgi Kuxianidze, 17. Salim Mustafoyev, 19. Jamshid Hasanov (9. Behruz Sadilloyev, 46), 20. Islom To‘xtaxo‘jayev, 25. Azizbek Usmonov, 30. Elguja Grigalashvili, 33. Shahzod Turopov, 75. Oleg Tolmasov.
Ogohlantirish: Sadilloyev (70).
«Bunyodkor» — «Turon» 3:1
Gollar: 1:0 — 34 G‘iyosov (penalti), 1:1 — 76 Murtozayev (penalti), 2:1 — 90+3 Rahmonaliyev, 3:1 — 90+6 To‘xtasinov.
«Bunyodkor»: 1. Ravshan Yagudin, 4. Davron Ergashev, 6. Avaz O‘lmasaliyev, 10. Xurshid G‘iyosov, 13. Lutfulla To‘rayev, 17. Odil Abdurahmonov, 19. Nurillo To‘xtasinov, 22. Shahboz Erkinov (33. Umarali Rahmonaliyev, 70) 30. Abdulla Ablullayev, 34. Suhrob Izzatov (26. Ulug‘bek Abdullayev, 82), 49. Ibrohim Tomiva.
«Turon»: 1. Nizomiddin Ziyovuddinov, 6. Sardor Abduraimov (11. Asilbek Qayumov, 88), 7. Sunnatilla Abdullajonov, 8. Sunnatilla Ermatov (30. Sinisha Babich 46), 9. Humoyun Murtozayev, 10. Ixtiyor Toshpo‘latov, 18. Fozil Musayev, 19. Vladislav Kosminin, 23. Otabek Zokirov ( 4. Asliddin Toshtemirov, 46), 55. Dayan Ponevich, 77. Bilol Toshmirzaev.
Ogohlantirishlar: Ponevich (33), To‘rayev (59).
Chetlatish: To‘rayev (65), Ponevich (81).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
