Superliganing 23-turidan o‘rin olgan «So‘g‘diyona» — «Paxtakor» (1:0) uchrashuvidan so‘ng mezbonlar bosh murabbiyi Ulug‘bek Baqoyev fikrlarini bildirib o‘tdi.
"Birinchi galda «Paxtakor»ni chempionlik bilan tabriklayman. O‘yindan oldin futbolda bo‘lgani kabi chempionlik yo‘lakchasi orqali tabrikladik. Chempion bilan oddiy o‘yin bo‘lgani yo‘q. O‘yin ruhiy tomondan juda asabiy o‘tdi, desam mubolag‘a bo‘lmaydi. Nimadir o‘xshadi yoki o‘xshamadi. Yigitlar ham asabiylashishdi, ham hayajonlanishdi. Standart vaziyatdan to‘p kiritdik. To‘p o‘tkazib yuborishimiz ham mumkin edi. Futbolchilarga ishtiyoq va xohish uchun rahmat aytaman. Muxlislarni ham g‘alaba bilan tabriklayman. Chempionat davom etadi. Oldinda 3 ta uchrashuv qolgan. Taqvim esa og‘ir", – deydi Ulug‘bek Baqoyev.
— Oxirgi ikki yilda Shahboz Jo‘rabekovning o‘yini ancha o‘sdi. Uni ko‘proq oldingi chiziqda o‘ynatyapsiz. Aslida vazifasi qanday?
— U juda tarbiyali futbolchi va yaxshi inson. Maydonda va uning tashqarisida intizomga rioya qiladi. Har bir futbolchining oldidan ma’lum bir to‘siqlar bo‘ladi. Mana shu to‘siqdan o‘tib olsa, top-futbolchiga aylanadi. Agar yengib o‘tolmasa, o‘rtamiyona bo‘lib qolaveradi. U iloji boricha bolalar futbolidan voz kechib, barqaror o‘ynashi kerak. O‘yinini tahlil qilar ekanmiz, bir taymda juda yaxshi o‘ynashi mumkin. Nima qilish kerak bo‘lsa, a’lo darajada qiladi. Tanaffusda qo‘lidan nima kelsa, shuni emas, yanada yaxshiroq o‘ynashi kerakligini aytdim. Shahbozni gol urgani bilan tabriklab qolaman. Uni porloq kelajak kutmoqda. Aytganimdek, buning uchun to‘siqlarni bartaraf etmog‘i darkor. Eron yoki Janubiy Koreya chempionati darajasidagi futbolchi, deb o‘ylayman.
— «So‘g‘diyona» bu yil «Paxtakor»ga mag‘lub bo‘lmagan va ikki uchrashuvda 4 ochko olgan yagona jamoa bo‘lib turibdi. Shaxsan o‘zingiz «So‘g‘diyona»ni Superligadagi eng kuchli jamoa, deb hisoblaysizmi?
— Nechta o‘yinda yutganimiz yoki yutqazganimiz muhim faktor hisoblanmaydi. Medallar uchun kurashayotganimizda, barcha futbolchilar, rahbariyat, oshpaz va boshqa xodimlarning xizmati katta bo‘lmoqda. Birinchi o‘rinda esa albatta, futbolchilar maydonda ter to‘kmoqda. Ular o‘ynasa, muxlislar stadionga keladi, to‘p tepishmasa, yo‘q.
— Mavsum davomida «Paxtakor» chempionlik uchun kurashda qaysi jihatdan ustunlik qildi?
— Ularning har bir pozisiyasida top-futbolchilar yig‘ilgan. Senda chempionlik vazifasi bo‘lsa, miyangda ham shu narsa aylanadi. Qaysidir ma’noda maydonga juda katta ishonch bilan chiqishadi. Chunki ular chempion. «Paxtakor»ga keyingi mavsum OCHLda muvaffaqiyatli ishtirok etishini tilab qolaman. O‘zbekiston nomidan ishtirok etishadi. Albatta, muxlislik qilamiz. Biz har doim raqibdan kelib chiqib o‘ynaymiz. Bugun tartibli o‘ynadik.
OKMK
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
