"Paxtakor" bosh murabbiyi Piter Xyuistra Jizzaxdagi o‘yindan so‘ng matbuot anjumanida ishtirok etdi.
"Bugun tarkibni aniqlash borasida qiyinchilikka duch keldik. Milliy termadan jarohat bilan qaytganlar bor edi, yoshlar termasiga chaqirilgan futbolchilar bor va yo‘qotishlarimiz katta bo‘lgani bois qaydnomaga yosh futbolchilar ham kiritildi. Bugun yoshlar "So‘g‘diyona"ga qarshi bahsda yaxshi o‘ynashdi deb o‘ylayman. Xursand qilgan jihat juda yaxshi bo‘lmagan maydonga qaramay, biz yerdan uzatmalar berib, bir necha marta chiroyli kombinasiyalar tashkil qila oldik.
Bugun menga yoqmagan ikki jihat bo‘ldi. Birinchisi, adashmasam ikki tur oldin shu hakam Qo‘qondagi o‘yinni boshqarib borgandi. Uch turda ikkinchi marta bir hakamning "Paxtakor"ning safardagi o‘yiniga tayinlanganini tushunmadim.
Ikkinchisi juda ham yomon maydon. Bu shunchaki yomon emas, juda va juda yomon holatdagi maydon! O‘xshatishimiz qo‘pol chiqar, ammo Niderlandiyada bunday maydonga itlarni ham sayrga olib chiqishmaydi! Muxlislar birinchi va ikkinchi o‘rindagi jamoalar ishtirokidagi o‘yinda chiroyli futbol ko‘rmadik deb e’tiroz bildirishi mumkin, lekin avval maydonga boqish kerak. Sifatli futbol nega bo‘lmaganini maydon aytib turibdi. Maydon bo‘lmasa hech qachon sifatli futbol va futbolning o‘sishi bo‘lmaydi! Umid qilamanki, bu borada ishlar amalga oshirib boriladi.
"So‘g‘diyona" jamoasiga keyingi o‘yinlarda omad tilayman. Ular ham o‘z vazifalarini bajarish uchun kurashishmoqda.
Bizning oldimizda ham uchta o‘yin bor, chempionlikni qo‘lga kiritib bo‘ldik va endi yoshlarga ko‘proq imkoniyat beramiz. Keyingi o‘yinlargacha jarohat olganlar safga qaytishadi, bundan tashqari U-23 saralashida ishtirok etgan futbolchilarimiz ham tarkibimizga qaytishadi. Xalqaro musobaqalar yosh futbolchilarga tajriba maktabi bo‘ladi.
Hakamlik umumiy darajada yomon emas. Hozir VAR bor, negadir hamma o‘yinda ham bu ishtilmaydi. Bugungi o‘yinda ham VAR bo‘lganida Matichning goli hisobga olingan bo‘lardi. VAR har bir o‘yinda ishlatilishi kerak edi. Hakam muxlislarning reaksiyasiga bog‘lanib qoldi, mezbon futbolchilari maydonga yiqilsa muxlislar ta’siri ostida hakam jarima zarbalarini berib tashladi.
Maydonlar haqida ham gapirmoqchi edim, maydonlar Superliga yuzi hisoblanadi. Buni hal qilish kerak edi. O‘tgan mavsum maydonlar holati yaxshi edi, ammo bir yil ichida nima bo‘ldi-ki biz oxirgi paytlarda safarda faqat yomon maydonda o‘ynayapmiz. Agar men ishlayotgan klubda shunday maydon bo‘lganida o‘zimni noqulay his qilgan bo‘lardim. Yaxshi maydonlar iqtidorli futbolchilaning o‘sib borishiga yordam beradi. Bunday maydonlarda yosh futbolchilar o‘smaydi.
"Turon" misolida bir gapni aytmoqchiman, ular barcha sharoitlarni yaratishgan, maydoni ham ajoyib. Bu jamoa nega ko‘p ochko jamg‘armayapti, bilasizmi? Sababi ular safarga borishadi va yomon maydonda o‘ynashadi", — dedi Xyuistra.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
