Chempionlar Ligasi guruh bosqich 4-turi doirasida Shvesiyaning «Malmyo» klubi o‘z maydonida Londonning «Chelsi» jamoasini qabul qiladi.
Mazkur to‘qnashvudan oldin qiziqarli ma’lumotlarni taqdim etamiz.
Chempionlar Ligasining amaldagi chempioni joriy mavsum guruh bosqichida 2 uy g‘alabasini qayd etdi. Biri «Zenit»ga qarshi ilk turda (1:0), ikkinchisi esa oldingi turda «Malmyo» ustidan qozonilgan g‘alaba (4:0) hisoblanadi. Uchrashuvda Kristensen hisobni ochgan, Jorjinyo ikki marotaba penaltidan gol urgan hamda Kay Xaverts ham o‘z nomini tabloga yozdirib qo‘ygan edi. Jamoa 2-turda Turinda «Yuventus»ga 0:1 hisobida imkoniyatni boy berib qo‘ygan.
«Malmyo» esa ortda qolgan 3 turda 11 gol o‘tkazib, birorta gol ura olmagan. Ilk turda «Yuventus»ga o‘z maydonida 0:3, ikkinchi turda esa mehmonda «Zenit»ga 0:4 hisobida mag‘lubiyat qayd etilgan.
Oldingi uchrashuvlar
Jamoalar bu mavsumga qadar ikki marotaba to‘qnash kelishgan. Ushbu to‘qnashuv Yevropa Ligasining 1/32 final bosqichida kuzatilgan. Ikkala uchrashuvda ham «Chelsi»ning qo‘li baland kelgan — 3:0, 2:1. E’tiborli tomoni, har ikki bahsda ham Ross Barkli hamda Olivee Jiru gol urishga erishgan, yana bir golga Hadson-Odoi mualliflik qilgan.
Jamoalarning holati
«Malmyo» o‘tgan yili Shvesiyaning 21 karra chempioni bo‘ldi. Bu ularning musobaqadagi oxirgi 8 yil ichida beshinchi sovrini hisoblanadi. Jamoa 2020 yilning 30 iyul kuni Shvesiya kubogi finalida «Goteborg» klubiga 1:2 hisobida mag‘lubiyatga uchragan.
Bundan oldin «Malmyo» Yevropa Chempionlar Ligasida ikki mavsum (2014/15 va 2015/16) qatnashgan. Shvesiya klublari orasida 2015/16 yilgi mavsumdan beri hech bir klub YECHL guruh bosqichida qatnashmagan.
«Malmyo» o‘zi qatnashgan ikki YECHL guruh bosqichida ham so‘nggi o‘rinni egallagan va 12 uchrashuvda ikki marta g‘alaba qozongan («Olimpiakos» 2:0, 2014 yil va «Shaxtyor» 1:0, 2015 yil). Bu Shvesiya klubi gol kiritgan uch uchrashuvdan ikkitasi hisoblanadi.
«Malmyo» Angliya klublariga qarshi jami 88 marta to‘qnash kelgan. Eng mashhur uchrashuv, bu birinchi bahs 1978/79 yilgi mavsumda Myunxenda o‘tgan Yevropa kubogi final bahsida "Nottingem Forest"ga qarshi bo‘lgan 0:1 hisobida yutqazib qo‘ygan.
Shvesiya jamoasi o‘z maydonida Angliya klublariga qarshi 3 o‘yinda bitta g‘alabaga erishgan (1 durang, 1 mag‘lubiyat), 2:1.
«Chelsi» joriy mavsum barcha musobaqalarda 16 uchrashuvda 10 g‘alabaga erishdi (4 durang, 2 mag‘lubiyat). Jamoa 26 oktyabr kuni Angliya Liga kubogi doirasidagi «Sautgempton»ga qarshi uchrashuvga qadar ketma-ket 4 g‘alaba qayd etgandi. O‘sha o‘yinda «aristokratlar» penaltilar seriyasida g‘alaba qozondi.
O‘tgan shanba kuni Ris Jeyms «Chelsi» klubida ilk marta dublga erishdi va «Nyukasl» ustidan qozonilgan g‘alabaga (3:0) katta hissa qo‘shdi. Himoyachi joriy mavsum barcha musobaqalarda jami 7 golli vaziyatlarda qatnashdi (4 gol, 3 assist) va bu klubdagi istalgan futbolchining joriy mavsumdagi statistikasidan ko‘p.
Jorjinyo, Kante, Sezar Aspilikueta va Lukaku 29 noyabr kuni topshiriladigan "Oltin to‘p" uchun top-30 nomzodlar qatoridan joy olishgan.
Bahs rasmiylari
Bosh hakam: Feliks Brix (Gemaniya)
Qanot hakamlari: Mark Borsh, Stefan Lupp (Germaniya)
Zaxira hakami: Daniyel Shlyager (Germaniya)
VAR: Sasha Steggermann (Germaniya)
VAR yordamchisi: Delayo Uilli (Fransiya)
Taxminiy tarkiblar
«Malmyo»: Daylin; Larsson, Ahmedhodzich, Moisander; Berget, Innosent, Kristiansen, Rakip, Riyeks; Cholak, Birmanchevich
«Chelsi»: Mendi; Azpilikueta, Kristensen, Ryudiger; Jeyms, Kante, Jorjinyo, Chiluell; Ziyesh, Hadson-Odoi, Xaverts.
Eslatib o‘tamiz, mazkur uchrashuv bugun Toshkent vaqti bilan soat 22:45da boshlanishi rejalashtirilgan.
Paxtakor
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
