Angliya chempionati 11-turi doirasida «Lids» o‘z maydonida «Lester» bilan kuch sinashadi.
Bilasizmi?
Sheffildda tug‘ilgan «Lester» hujumchisi Jeymi Vardi Yorkshirda o‘tgan safardagi 5 APL o‘yinining har birida gol urishga muvaffaq bo‘lgan ("Xaddersfild Taun" (2), «Sheffild» (2), «Lids» (1). Yorkshirda ketma-ket 6 APL o‘yinida mehmonlar jamoasidan harakat qilgan futbochilar orasida faqatgina Xarri Keyn ushbu natijaga erishgan (2014-2021).
Ushbu mavsumda «Lids» futbolchisi Rafinyaning ishlari yaxshi ketmoqda. U su paytgacha kluning APLdagi gollarining 40 foizini (4/10) urishga erishdi. Klubdagi sheriklari orasida eng ko‘p vaziyat yaratdi (18) hamda darvozaga ko‘p (32) zarba berdi. Shuningdek, 26 marta dribbling ishlatishga muvaffaq bo‘ldi. Bu natija «Lids» futbolchilari orasida joriy mavsumdagi eng yaxshisi bo‘lib turibdi.
«Lester» Premyer-Ligada «Lids» maydonida o‘tgan oxirgi 5 uchrashuvning to‘rttasida g‘alaba qozongan. Bu Elland Roadda o‘tgan dastlabki 16 o‘yinda qo‘lga kiritilgan g‘alabalar soni bilan teng. «Tulkilar» o‘z tarixida ilk bor ketma-ket uch safar o‘yinida «Lids»dan ustun kelishi mumkin.
«Lids» joriy mavsum birinchi marta ketma-ket ikki o‘yinda g‘alaba qozonishi mumkin. Ularning ikkala g‘alabalari «Uotford» hamda «Norvich»dek debyutant jamoalariga qarshi bahslarda qo‘lga kiritilgan.
Bahs rasmiylari
Bosh hakam: Darren Ingland
Qanot hakamlari: Geri Besvik, Den Robatan
Zaxira hakami: Robert Jons
VAR: Piter Benks
VAR yordamchisi: Nil Deyvis
Taxminiy tarkiblar
«Lids»: Mesliyer, Lorente, Strujich, Kuper, Jeyms, Rafinya, Klix, Filips, Dallas, Rodrigo, Harrison
«Lester»: Shmeyxel, Amarti, Evans, Soyunju, Perreyra, Kastan, Tilemans, Ndidi, Meddison, Ixeanacho, Vardi
Jamoa xabarlari
Junior Firpo jarohatidan tuzalgan bo‘lsa ham, Marselo Belsa o‘tgan hafta «Norvich»ga qarshi bahsda (2:1) qaydnomaga kiritmagan edi. Rafinya va Sheklton o‘tgan haftaning o‘zidayoq Kox, Ayling va Bemfordning o‘rniga maydonga tushish uchun tayyor bo‘lishgan edi. Harrison Bemfordning o‘rniga Rodrigo bilan markaziy hujumda harakat qilgan edi.
Ayoze Perez payshanba kuni Yevropa Ligasida «Spartak» jamoasiga qarshi kechgan o‘yinda (1:1) kasallikdan tuzalib qaytgan edi, ammo Jeyms Meddison va Xarvi Barns maydonga tushishmadi va bugungi o‘yinda ham qatnashishi so‘roq ostida. Uilfrid Ndidi hafta o‘rtasida jarohatidan tuzalib maydonga qaytishi kutilmagan holat bo‘ldi. U reja bo‘yicha kelayotgan xalqaro tanaffusdan keyin qaytishi kerak edi. Jeymi Vardi payshanba kuni penaltidan gol ura olmagan va zaxiradan o‘yinni boshlagan bo‘lsada, «Lids»ga qarshi bahsni asosiy tarkibda boshlashiga shubha yo‘q.
Raqamlar
«Lester»ning oxirgi 7 safar o‘yinida o‘rtacha 2,5tadan ko‘p gol kiritilgan (Premyer-Liga).
«Lester» barcha musobaqalarda «Lids»ga qarshi so‘nggi 6 safar o‘yinining beshtasida g‘alaba qozongan.
«Lids» barcha musobaqalarda «Lester»ga qarshi oxirgi 3 o‘yinda o‘rtacha 2,5 tadan ko‘p gol urilgan.
«Lester» Angliya chempionati doirasidagi so‘nggi 6 o‘yinining beshtasida kamida ikkitadan gol o‘tkazib yubordi.
Tomonlar Premyer-Ligada o‘zaro 18 marta to‘qnash kelishgan. 9 uchrashuvda «Lids», 8 marta «Lester» g‘alaba qozongan. 1 o‘yinda durang natija qayd etilgan.
Eslatib o‘tamiz, ushbu bahs bugun Toshkent vaqti bilan soat 19:00da boshlanishi rejalashtirilgan.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
