Futbol ba’zida jasorat va chidamlilik talab qiladi. Ko‘pchilik futbolchilarni jasurligini alohida ta’kidlab o‘tsa arziydi. Lekin biz ularni faqat futbol ichida shunday deb bilamiz. Futboldan tashqari hayotda ularga qo‘rquv olib keladigan narsalar bor ekanligi tabiiy. Biz yaxshi taniydigan ba’zi bir futbolchilarning qo‘rqadigan narsalari juda g‘alati. Keling ular bilan birma-bir tanishib o‘tamiz.
Dennis Bergkamp
Futbol olamidagi o‘ziga xos o‘yinchi, "Arsenal" afsonasi Bergkamp yagona "uchmas golland" hisoblanadi. Dennisning eng ko‘p qo‘rqadigan narsasi bu - samolyotda uchish. U imkoni boricha bu narsadan foydalanmaslikka harakat qiladi. Shunday bo‘lsa-da, Premyer liga tarixidagi eng chiroyli gol muallifi, futbol olamida ko‘p marotaba parvoz qilgan.
Ueyn Runi
Angliya hamda " Manchester Yunayted" afsonaviy futbolchisi Ueyn Runi soch quritgichdan qo‘rqishi haqida eshitgan har bir odamning yuzlariga tabassum yuguradi. Futbolda qo‘rqmas va haqiqiy jangi rollarini qoyilmaqom bajargan Runi futboldan tashqari hayotda arzimas buyumdan qo‘rqishini tushunish qiyin.
Fil Jons
"Manchester Yunayted" ning yana bir futbolchisi Fil Jonsning ham o‘zgacha qo‘rquvi bor. Himoyachining qo‘rqinchli tushlarini egallagan narsa - lift. Ingliz himoyachisi uchun liftdan ko‘tarilish g‘oyat mushkul masala. Ammo ba’zan, ko‘p qavatli binolarda Jons "qahramonlarcha" qo‘rquvini yengishga erisha oladi.
Devid Bekxem
Yana bir sobiq superyulduz - Devid Bekxemning qo‘rquvlari, qaysidir ma’noda , asosli. Angliyalik o‘yinchi - yovvoyi qurbaqalardan qo‘rqadi. Ingliz ko‘rsatuvi doirasida, Amazonka daryolariga bo‘lgan sayohatida Bekxemning o‘zi bu haqida aytib o‘tgan edi: "Qurbaqalar men uchun shunchaki qo‘rqinchli! Yolg‘on gapirishni istamayman".
Olivye Jiru
"Arsenal" va "Chelsi" jamoalaridagi o‘yinlari bilan muxlislarga tanish bo‘lgan Jiruni daxshatga soluvchi narsalardan biri - Elf. Aniqrog‘i, fransuz yoshligidan buyon bolalar televizion ko‘rsatuvining qahramoni bo‘lmish elfdan qo‘rqadi. Fransiyada 80-yillarning eng mashhur ko‘rsatuvi qahramonidan qo‘rqishning sababi so‘ralganda, Jiru: "akalarim aynan shu qahramon haqida qo‘rqinchi hikoyalar aytib berardi"-deb javob qaytargan.
Mett Holland
Faoliyatini katta qismini o‘rtamiyona klublarda o‘tkazgan irlandiyalik futbolchi mushuk va itlar dan qo‘rqishi yaqin yillargacha memlarda aks etdi. Futbolchi fobiyasi haqida shunday deydi:"Itlar - daxshatli! Mening uyimda it boqilmaydi." Har kimda o‘ziga daxshat olib keluvchi biror narsa bo‘lishi mumkin, ammo buni hech kim it va mushuk ko‘rinishida tasavvur qilmagan bo‘lsa kerak, albatta, Hollanddan tashqari.
Bu noodatiy narsalar qo‘rquv olib keladigan bir nechta futbolchilar edi. Balkim bu narsalar ular uchun ramziy ma’no olib kelar, bizga noma’lum. Nima bo‘lishidan qat’iy nazar, biz ularni futbolda jasur va qo‘rqmas qahramonlar sifatida ko‘p marotaba ko‘rganmiz.
Xo‘sh, sizda shunga o‘xshash qanday qo‘rquvlar bor?
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
