O‘FA Bosh kotibi Avaz Maksumov boshchiligidagi mutaxassislar futbol ommaviyligini oshirish, bolalar-o‘smirlar futbolini yanada rivojlantirish bo‘yicha amalga oshirilayotgan ishlar va kelajakdagi istiqbolli loyihalarni muhokama qilish maqsadida Qoraqalpog‘iston Respublikasiga tashrif buyurishdi.
Dastlab Nukus shahri mezbonlik qilayotgan “Professional futbol maktablari ligasi” musobaqasi o‘tkazilayotgan maydonlar, futbol akademiyaning moddiy texnika bazasi hamda 2022 yilda amalga oshirishi lozim bo‘lgan qurilish-rekonstruksiya ishlarining loyihasi bilan yaqindan tanishib chiqildi. Mas’ullar bilan bo‘lgan suhbatda qurilish ishlarini jadallashtirish, sifatli futbol maydonlarini barpo etish, yotoqxona va oshxonalarni zamon talablariga mos ravishda jihozlash, shuningdek, Yevropa darajasiga mos sharoitlarni yaratish bo‘yicha ko‘rsatmalar berildi.
Shundan keyin, Xo‘jayli tumani bolalar-o‘smirlar sport maktabida ayollar futboli bo‘yicha faoliyat yuritayotgan murabbiy va futbolchilar bilan uchrashib, 2021 yili qizlar o‘rtasidagi U14 O‘zbekiston chempionatida sovrindor bo‘lgan Xo‘jayli tumani bolalar-o‘smirlar sport maktabining jamoasiga O‘zbekiston futbol assosiasiyasi tomonidan ajratilgan futbol to‘plari topshirildi.
Bundan tashqari, Qoraqalpog‘iston Respublikasining tuman va shaharlarida namunali tarzda faoliyat yuritayotgan bolalar va o‘smirlar sport maktablarining futbol jamoalariga ham to‘plar tarqatildi.
Mutaxassislar bilan uchrashuvda kelajakda Qoraqalpog‘istondan ko‘plab iste’dodli futbolchilar yetishib chiqishi uchun respublikadagi bolalar-o‘smirlar sport maktablari hamda futbol akademiyasining faoliyatini tizimli va xalqaro standartlar asosida tashkil etish zarurligi ta’kidlandi. Sport maktablarida tarbiyalanayotgan bolalar nafaqat jismonan, balki ma’nan ham yetuk bo‘lishi, ularning ta’lim olishi va kitob o‘qishi zarur ekanligi aytildi.
Kunning ikkinchi yarmida hududiy bolalar-o‘smirlar futbol akademiyalarining direktorlari ishtirokida 2021-yil yakunlari hamda 2022 yilda amalga oshirilishi lozim bo‘lgan rejalarga bag‘ishlangan o‘quv-seminari bo‘lib o‘tdi. Mazkur seminarni o‘tkazishdan asosiy maqsad, futbol akademiyalarining joriy yildagi amalga oshirilgan ishlarini tahlil qilish hamda kelasi yilgi ish rejalarni mukammallashtirishdan iborat. Seminarda barcha futbol akademiyalarining rahbarlari kelajakdagi istiqbolli rejalarini tanishtirdi. O‘FA rahbariyati tomonidan tegishli tavsiyalar berildi.
Shundan so‘ng, O‘FA bosh kotibi va mutaxassislari Vazirlar Kengashi Raisi o‘rinbosari Zarikeey Rasul Po‘latovich bilan uchrashib, Qoraqalpog‘iston futbolini yangi bosqichga olib chiqishga qaratilgan zarur chora-tadbirlarni kelishib olishdi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
