O‘zbekiston chempionatining joriy mavsumida 12-o‘rinni egallagan "Mash’al" klubi Pro-ligada 3-o‘rinni band etgan "Olimpik" bilan Superligada qolish uchun kurash olib bordi. Kutilmaganda, Temur Kapadze shogirdlari irodali g‘alabaga erishib, Superliga yo‘llanmasini qo‘lga kiritishdi.
Bahsning birinchi bo‘limida jamoalar nisbatan ehtiyotkor namoyish etishdi va hisob ochilmadi. Ikkinchi bo‘limning 57-daqiqasida esa olimpiyachilar darvozasi tomon penalti belgilandi va uni Sirojiddin Qo‘ziyev aniq amalga oshirib, hisobni ochdi.
Oradan ko‘p o‘tmasdan "Olimpik" standart vaziyatdan hisobni tenglashtirdi. Bu vaziyat "Mash’al" posboni va himoyachisi bir-birini yaxshi tushunmasdan, xatoga yo‘l qo‘yishdi. Natijada Otabek Jo‘raqo‘ziyev yaqin masofadan darvozani ishg‘ol qildi.
Hisobning tenglashishi Kapadze shogirdlarining ruhiyatini ko‘tarib yuborgan bo‘lsa, muborakliklarni shoshirib qo‘ydi. Bundan esa toshkentliklar unumli foydalanishdi. Uchrashuvning 74 va 77-daqiqalarida Temur Mamasidiqov o‘z imkoniyatlaridan ikki marta unumli foydalanib, hisobni 3:1 ko‘rinishga keltirib qo‘ydi. Unga ikki safar ham Jiyanov assistentlik qilganini ta’kidlash lozim.
"Mash’al" so‘nggi daqiqalarda vaziyatni o‘nglash maqsadida oldinga tashlandi, ammo golga tortadigan yaqqol vaziyat yarata olmadi. Natijada bir yil avval tashkil etilgan "Olimpik" klubi Superliga yo‘llanmasini qo‘lga kiritdi.
O‘zbekiston chempionatlari tarixida ilk marta quyi liga klubi o‘tish bahsida yuqori divizion klubini mag‘lub etib, Superliga chiqdi. "Mash’al" esa kelgusi mavsumni Pro ligada boshlaydigan bo‘ldi.
«Olimpik» – «Mash’al» - 3:1 (0:0)
Gollar: Otabek Jo‘raqo‘ziyev (62), Temur Mamasidiqov (74, 77) — Sirojiddin Qo‘ziyev (57-penalti)
«Olimpik»: 12.Vladimir Nazarov, 2.Saidazamat Mirsaidov, 19. Doston Tursunov, 6.Begzod Shamsiyev, 9.Temur Mamasidiqov, 44.SHahzod Toirov, 11.Otabek Jo‘raqo‘ziyev, 77.Davron Anvarov, 21.Muhammadaziz Ibragimov, 23.Abdurauf Bo‘riyev, 37.Alisher Odilov
«Mash’al»: 35. Dostonbek To‘xtaboyev, 7. Ifeani Ifeani, 9. Oybek Nurmatov, 11. Samuel Chigoze, 15. Muhammadali Aliqulov, 17. Jamoliddin Ubaydullayev, 22. Sirojiddin Qo‘ziyev, 23. Samandar Shukurillayev, 27. Muhammad Yuldashev, 77. Ibrohim No‘monov, 99. Jahongirbek Abdusalomov.
Hakamlar: Rahimbek Karimov, Aleksandr Sidorov, Doniyor Saylalov, Akobirxo‘ja Shukurulloyev
Nazoratchi: Marat Ismailov
VAR hakami: Aziz Asimov
VAR assistent: Baxtiyorxo‘ja Shavkatov
VAR nazoratchisi: Valentin Kovalenko
Komissar: Sardor Qudratullayev.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
