Angliya Premyer-ligasining 15-turi o‘tdi, ammo “Arsenal” hali ham barqarorlikka erisha olmayapti. Mavsum boshida “kanonirlar” jarohatlar bilan bog‘liq muammolarga duch kelishdi. Shu sabab, londonliklar bir qancha transferlarni amalga oshirishga majbur bo‘ldi.
Keyin “kanonirlar” zudlik bilan Bernd Lenoga o‘rinbosar qidira boshlashdi va Aaron Ramsdeyl bilan shartnoma imzoladilar. “Arsenal” darvozabon sotib olishda adashmadi va yaxshi o‘yinchini qo‘lga kiritdi. Ammo yangi muammo paydo bo‘ldi – jamoa hujumchilari gol urishni unutdi. Bu “kanonirlar”ni ko‘p vaqtdan beri xavotirga solib kelmoqda.
“Arsenal” mavsumni dahshatli boshlashdi va dastlabki 3ta o‘yinda umumiy 0:9 hisobida mag‘lub bo‘lishdi. 270 daqiqa davomida londonliklar birorta ham gol urishmadi. Ramsdeyl transferidan keyin “Arsenal”ning ahvoli yaxshilandi. Londonliklar Premer-ligada nihoyat gol urishni boshladilar. Ammo bu yaxshi ko‘rsatkich emas.
Arteta shogirdlari “Norvich”, “Uotford”, “Everton” va “Byornli»” kabi jamoalar darvozasiga bittadan gol urgan bo‘lsa, beqaror o‘yin ko‘rsatayotgan “Lester”, “Kristal Pelas” va “Nyukasl” kiperlarini 2 gol bilan xafa qilishni uddaladi, shuningdek, o‘sha paytda so‘nib borayotgan “Tottenxem” va “Aston Villa”ga 3 marta gol urishdi. Shu bilan birga, londonliklar “Chelsi”, “Manchester Siti” va “Liverpul”ga qarshi o‘yinlarda hech narsa qila olmadi.
“Arsenal” “Manchester Yunayted” darvozasiga 2 ta gol urdi, ammo 3 ta gol o‘tkazib yubordi va mag‘lub bo‘ldi. Joriy mavsumda “kanonirlar”ning asosiy raqiblarga qarshi o‘yinlarda urgan va o‘tkazib yuborgan gollari bo‘yicha umumiy hisobi 5:15 (“Tottenxem”ga qarshi o‘yinni hisobga olgan holda). Shu kungacha London klubi Premyer-ligada 18 ta gol urishga muvaffaq bo‘ldi. Bu ko‘rsatkich bo‘yicha ular ligada atigi 12-o‘rinni egallab turibdi. “Everton”, “Kristal Pelas”, shuningdek, APLga yanggi qo‘shilgan “Uotford” va “Brentford”dan ko‘proq gol urishadi.
Londonliklar eng ko‘p mag‘lubiyatga uchragan jamoa hisoblanadi (6ta). “Arsenal” sardori Pyer Obameyang jahon darajasidagi hujumchi hisoblanadi. Biroq hozirda jamoaning eng yaxshi to‘purari yarimhimoyachi Emil Smit-Rou bo‘lib turibdi, u Premyer-liganing joriy mavsumida beshta gol urgan.
“Kanonirlar”ning hujumdagi muammolari haqida gapiradigan bo‘lsak, birinchi navbatda Obameyangning nomi keladi. Gabonlik forvard, jamoaning asosiy yulduzi va sardori. Futbolchi 2018 yilning qishida Dortmundning “Borussiya”sidan 64 million yevro evaziga “Arsenal”ga o‘tgan edi. Hujumchi London klubi safida 13 ta o‘yin o‘tkazib, 10 ta gol urdi va o‘zi uchun yangi ligada ajoyib o‘yin namoyish etdi.
Obameyang keyingi 2 mavsumni yuqori saviyada o‘tkazdi. 2018/19 va 2019/20 yilgi mavsumlarda u Premer-ligada 22 ta gol urdi va ketma-ket 2 yil jamoaning eng yaxshi to‘purari bo‘ldi. Gabonliklar o‘tgan mavsumda 10 ta gol urdi va uning natijasi tushib ketdi. London klubining yana bir a’zosi Aleksandr Lyakazett hisobida yana 3 ta gol bor edi.
Obameyangning omadsiz davri so‘nggi mavsumda boshlangan va hozirgacha davom etmoqda, buni statistik ma’lumotlar tasdiqlaydi. 2018/19 va 2019/20 yilgi mavsumlarda gabonliklar 90 daqiqada o‘rtacha 0,67 ta gol urgan. 2020/21 va 2021/22 mavsumlarda u har bir o‘yinga o‘rtacha 0,37 tadan gol urdi.
Qolaversa, hujumchining har bir o‘yindagi zarbalari (2,87 / 2,40) bo‘yicha ham yomonlashdi; nishonga aniq yetib borgan zarbalar (1,26 / 1,07). Obameyang zarbalar soni (35) bo‘yicha Premer-ligada bor-yo‘g‘i 11-o‘rinda, biroq ayni paytda qo‘ldan boy berilgan imkoniyatlarda (6) “Liverpul” futbolchisi Diogo Jota bilan 5-o‘rinni bo‘lishib turibdi. Lekin bu hammasi emas. Gabonlik bungacha 10 marta ofsaydda qolib ketgan. Bu ligadagi oltinchi eng yomon ko‘rsatkich. Futbolchi tomonidagi driblinglar soni har bir uchrashuvda 1,43 tadan 0,85 taga kamaydi. Bu uning o‘ziga bo‘lgan ishonchini yo‘qotishi mumkinligini va muhim daqiqalarda tashabbusni o‘z qo‘liga olishni istamasligidan dalolat beradi. Hatto tajribali futbolchilar ham Obameyangda bo‘lishi mumkin bo‘lgan psixologik muammolarni ko‘tara olmaydi.
Gabonliklar har tomondan tanqid qilinadi: muxlislar, mutaxassislar va “kanonirlar” afsonalari. “Arsenal”ga bir necha yillardan beri jiddiy munosabatda bo‘lishmayapti - na Angliyada, na Yevropada. Lekin baribir u murabbiylar va futbolchilar tomonidan katta bosimga ega ajoyib klub.
Boshqa tomondan, faqat Obameyangni ayblash mutlaqo adolatdan bo‘lmaydi. Jamoada boshqa hujumchilar ham bor - Aleksandr Lyakazett va Eddi Nketiya, shuningdek, londonliklar “Lill”dan 80 million yevroga sotib olgan vinger Nikolas Pepe. Ammo ularning hech biri yaxshi o‘yin ko‘rsatmayapti.
Hozirda “Arsenal”ning hujumkor futbolchilar ro‘yxatidagi deyarli barcha futbolchilari umidsiz ko‘rinadi. Faqatgina, Bukayo Saka va Gabriyel Martinelli ularga qaraganda yaxshi o‘yin ko‘rsatmoqda. Lekin birinchi futbolchi beqaror, ikkinchisi esa jarohatlarga moyil bo‘lgani uchun tez-tez o‘ynamaydi.
Ba’zida “Arsenal” hujumchilari shunchaki o‘ynashni istashmaydi. Yaqinda “to‘pchilar” va “Everton” o‘rtasidagi o‘yin shundan dalolat beradi.
“Kanonirlar”ning hujumdagi muammosi qorong‘i. Jamoada hujumlarni yakunlashi kerak bo‘lgan 3 nafar futbolchi bor, biroq ularning hech biri o‘z vazifalarini to‘liq bajarmaydi. Agar Obameyang avvalgi kabi o‘yin namoyish etishni boshlamasa, uning o‘rnini hech kim bosa olmaydi.
Jamshidjon Mahmudov tarjimasi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
