Ayni paytda O‘zbekiston futbol assosiasiyasining yil laureatlarini taqdirlashga qaratilgan «UZ Football Awards» marosimi bo‘lib o‘tmoqda. Unda dastlabki nominasiyalar g‘oliblari nomi e’lon qildi.
«O‘zbek futboli nuroniysi»
Sport jurnalistikasi darg‘asi, o‘zbek sharhlovchiligining asoschisi — Axbor Imomxo‘jayev «O‘zbek futboli nuroniysi» sovrini bilan taqdirlandi.
Ushbu inson «Paxtakor» stadioni qurilgach, undan o‘zbek tilidagi ilk futbol reportajini jonli efirga olib chiqqan sharhlovchi hisoblanadi. Uning siymosida yuzlab shogirdlarga ustozlik qilgan fenomen, millionlar o‘yiniga bag‘ishlangan qator kitoblar muallifi, o‘z ovozi bilan barcha o‘zbekistonliklar xonadonigacha kirib borgan insonni ko‘ramiz.
«Fidoyilik ramzi»
Umrining 60 yilini Samarqanddagi “Dinamo“ stadioni maysasini parvarish qilishga sarflagan inson, 77 yoshli Sadri Nosirov «Fidoyilik ramzi» sovrini bilan taqdirlanadi.
Stadion foydalanishga topshirilganidan buyon qishni qish, yozni yoz demay yashil maydon bilan hamnafas bo‘lib kelayotgan ushbu insonning mehnatlari uchun futbol jamoatchiligi va muxlislar nomidan minnatdorchilik bildiramiz.
«Jasorat»
O‘zbekiston kar-soqovlar terma jamoasi Eron mezbonlik qilgan surdlimpiada o‘yinlarining Osiyo va Tinch okeani mintaqasi saralashida ishtirok etib, faxrli 3-o‘rinni egalladi va kelasi yil Braziliya mezbonlik qiladigan yozgi surdlimpiada o‘yinlariga yo‘llanmani qo‘lga kiritdi. Shu sababli, mazkur jamoaning bosh murabbiyi Murodjon Ahmedov «Jasorat» sovrini bilan taqdirlandi.
«Eng yaxshi jurnalist»
Yil davomida O‘zbekiston futbol assosiasiyasi hamda O‘zPFL tadbirlarini faol yoritgan, yurtimizda futbolning ommaviylik darajasini oshirishda o‘zining hissasini qo‘shayotgan «Championat.Asia» sayti jurnalisti Faxriddin Ro‘ziyev mazkur sovringa munosib deb topildi.
«Eng yaxshi hududiy futbol assosiasiya»
Qoraqalpog‘iston Respublikasi futbol assosiasiyasi «Eng yaxshi hududiy futbol assosiasiya» sovrini bilan taqdirlandi.
«Muxlislar mehri»
Joriy mavsumda Coca-Cola Superligasining uchrashuvlarida o‘z jamoasini qo‘llab-quvvatlashda namuna ko‘rsatganligi va futbol ommaviyligini oshirishda qo‘shgan hissasi uchun «Andijon» fan-klubi «Muxlislar mehri» sovrini bilan taqdirlandi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
