Angliya Premyer-Ligasi 23-turidan o‘ron olgan «Chelsi» hamda «Tottenxem» jamoalari o‘rtasidagi bahsda 2:0 hisobi qayd etildi. Hakim Ziyesh hamda Tiago Silvaning gollari «aristokratlar»ga uch ochko keltirdi.
Mazkur bahsni Pol Tirni boshchiligidagi hakamlar guruhi boshqarib bordi. Uchrashuvni stadiondan bevosita 40,020 nafar tomoshabin kuzatib borgani ma’lum bo‘ldi.
Uchrashuvda qayd etilgan statistik ma’lumotlar bilan tanishib oling.
To‘p nazorati: 64.6-35.4
Darvoza tomon aniq zarba: 7-3
Zarbalar: 15-6
To‘pga teginish: 779-520
Uzatmalar: 606-341
To‘p uchun kurash: 15-14
Zararsizlantirish (tozalash): 12-26
Burchak to‘plari: 10-3
Offsaydlar: 0-1
Sariq kartochkalar: 2-1
Qoida buzishlar: 17-14
Uchrashuv davomida va uchrashuvdan keyin ham bir qancha statistik faktlar yuzaga keldi.
"Stemford Bridj"da o‘tkazilgan bahs «shporlar» ustozi Antonio Konte uchun ham alohida ahamiyatga ega edi. Boisi, italiyalik mutaxassis londonliklar bilan birga ishlagan hamda 2016/17 yilgi mavsumda klubni APL chempioni qilishga muvaffaq bo‘lgandi.
Mazkur kunga qadar shunday statistika bor ediki, bu o‘yindan keyin ham ushbu seriya davom etadigan bo‘ldi. Konte «Chelsi» sobiq bosh murabbiylari orasida klubni o‘z maydonida o‘tgan APL o‘yinlarida mag‘lub etishning uddasidan chiqa olishmagandi va kechagi bahsdan keyin ham an’ana davom etadigan bo‘ldi (7 durang, 14 mag‘lubiyat). Bunga qadar Joze Mourinyo, Rafael Benites va Karlo Anchelotti kabi mutaxassislar ham o‘zlarining ilk o‘yinlarida sobiq klublari bo‘lmish «Chelsi»ni mag‘lub eta olishmagandi, ular safiga Antonio Konte ham qo‘shildi.
1- «Tottenxem» liga o‘yinlarida «Chelsi»ga qarshi oxirgi 32 safar o‘yinida bir marta g‘alaba qozonishga erishgan (10 durang, 20 mag‘lubiyat). O‘shanda «Tottenxem»ning hozirgi bosh murabbiyi Antonio Konte «Chelsi» ustozi edi. 2018-yining aprel oyida o‘tgan bahsda «shporlar» 3:1 hisobida g‘alaba qozonishgan.
20 - «Chelsi» yarim himoyachisi Meyson Maunt Tiago Silvaning goliga assistentlik qildi va 2019-2020 yilgi mavsum startidan boshlab barcha musobaqalar davomida klub safida eng ko‘p assist (20) qayd etgan futbolchi bo‘lib turibdi. Sifat.
37 yosh, 123 kun - Tiago Silva 2013 yil fevral oyidan beri APLda gol urgan eng yoshi katta futbolchiga aylandi. O‘shanda 39 yoshli Rayan Giggs "Kuins Park Reynjers" darvozasini ishg‘ol qilgandi.
501 - «Chelsi» 272 London derbisida 501-ochkosini qo‘lga kiritdi va shunday qarama-qarshilikda 500 lik marrani zabt etgan birinchi klubga aylanmoqda. Poytaxtning haqiqiy qirol jamoasi.
Ushbu statistik ma’lumotlar Opta Joe platformasidan olinganini ilova qilib o‘tish muhim.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
