Maqola sarlavhasini o‘qishingiz bilanoq, sizda ushbu futbolchilar tarixda bir-birini takrorlamagani haqidagi fikr paydo bo‘lishi aniq. Ha, siz haqsiz! Haqiqatdan ham ushbu fenomenlar turlicha olam bo‘lgan. Biroq ularni bog‘laydigan jihatlar ham mavjud. Xususan, Ronaldo ham, van Basten ham A seriyaning sobiq yulduzlari sanaladi. O‘xshashlikni qarangki, har ikkisi o‘zining yuqori darajaga chiqqan paytlarida jarohatlar sabab, qiyinchiliklarga duch kelgan. Qolaversa, ular o‘z vaqtida «Milan» hamda «Inter»da ajoyib davrni boshdan o‘tkazgan. Shu orada savol tug‘iladi: futbolchilik tarixida ularning qay biri yaxshiroq bo‘lgan? Quyida ushbu savolga javob izlab ko‘ramiz.
1. Texnika va sezgirlik
Garchand gavdali, yirik, bo‘yi 188 santimetr bo‘lgan ersada, Marko van Basten to‘p bilan o‘ta nozik harakat qila olar edi. U raqibini shunday chalg‘itardiki, hatto atrofdagi tomoshabinlar ham buni ilg‘ashga qiynalgan. Golland har ikki oyog‘ida o‘ynay olar, qarshisidagi raqib kim bo‘lishidan qat’iy nazar, uni pisand qilmasdi.
Bu borada Markoga Ronaldoni solishtirganimizda, biroz o‘zgacha fikr shakllanadi. Negaki, Ronaldo to‘p bilan muomala borasida maqtana olmagan. U o‘zining ta’bir joiz bo‘lsa, yovvoyi tezligi, zarbasi va chaqqonligi bilan ajralib turgan. Ammo umumiy oladigan bo‘lsak, bu borada Marko van Bastenni tanlaymiz. Demak, g‘olib – u!
2. Temp va dribbling
Van Bastenning to‘p bilan nafis harakatlari, uni tezkor emasligini anglatmaydi. Biroq tezlik bobida Ronaldo bilan taqqoslashning iloji ham yo‘q. Agar taqqoslanadigan bo‘lsa, Marko juda ham sekin harakat qilayotgandek tuyulib qolishi mumkin. Braziliyalik atlet haqiqatdan ham bu borada zo‘r edi. «Il Fenomeno» o‘z nomi bilan fenomen bo‘lgan. Uning yuqori tezlikka asoslangan o‘yin tempi istalgan himoyachini dog‘da qoldirar, darvozabonlarni esa karaxt ahvolga solardi. Futbolda ehtimol, endi biz Ronaldo harakatlarini takrorlay oladigan insonni boshqa uchratmasmiz. Shunday ekan, bu tomonlama Ronaldo – tanho!
3. Milandagi yutuqlar
Biz bunda ushbu juftlikning Milan shahri klublarida harakat qilgan davrlarida qancha sovrin yuta olganini solishtirib ko‘ramiz.
Marko van Basten sakkiz mavsum «rossonerilar» tarkibida harakat qilgan bo‘lsa (shundan ikki mavsumida deyarli o‘ynamagan), bu payt mobaynida bir dunyo sovrinlar jamg‘armasini qo‘lga kiritgan. Xususan, «Milan» niderlandiyalik davrida 4 karra Italiya chempioni, yana shuncha Italiya superkubogi sohibi, 3 marotaba Yevrokuboklar egasi, shuncha UYEFA Superkubogi g‘olibi hamda 2 bora qit’alararo kuboklarni egallay olgan.
Ronaldo esa bu mavzuda maqtanishga arzigulik natijalarga ega emas. Uning «Inter»da o‘tkazgan beshta mavsumi, faqatgina UYEFA kubogi bilan eslanadi, xolos. Demak, bu borada g‘olib aniq: Marko van Basten.
4. Gollar urish
Dunyo bo‘ylab ko‘plab futbol ixlosmandlari Van Basten hamda Ronaldo nomlarini ularning telbanamo gollari bilan eslaydi. Ularning har biri faoliyati davomida 250 dan ortiq golga mualliflik qilgan. Ayniqsa, ushbu juftlik eng yaxshi davrlarida A seriyani yondirgan. Xabaringiz bor, 90 yillar va 2000 yillarning boshlarida Italiya chempionatida gol urish o‘ta murakkab ishlardan sanalgan. Ha, Van Basten havoda yaxshi o‘ynar, uzoq masofalardan «pushka» zarbali gollar urardi. Ammo biz bu bobda Ronaldoni ustun qo‘yishga majburmiz. Chunki braziliyalik «yirtqich» faoliyati davomida har qanday uslubda gollar kiritgan. Siz buni uning afsonaviy karyerasini o‘rganish orqali bilib olishingiz mumkin. Yoki, yana bir oson yo‘li: «YouTuBe»ga tashrif buyuring va Ronaldoning gollarini tomosha qiling. Bu siz uchun fikrimizga isbot bo‘la oladi, gaplarimiz to‘g‘ri ekaniga ishonch hosil qilasiz. Xullas, gollar urish bobida Ronaldoni g‘olib deya e’tirof etamiz.
ingliz tilidan Jaloliddin ISMATOV tarjimasi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
