Futbolda iqtidorli futbolchilar kam emas, lekin transfer bozorini tushunish ba’zan juda qiyin bo‘ladi. Ba’zida bir nechta muvaffaqiyatli o‘yinlar narxning keskin ko‘tarilishiga olib keladi va bitta muvaffaqiyatsizlik sizni darhol reytingda pastga sho‘ng‘ishingizni ta’minlab bera oladi.
Futbolchining narxiga ko‘p narsa ta’sir qiladi: uning sport formasi, o‘yinlar soni, shartnoma muddati va yoshi. So‘nggi kriteriya hatto eng taniqli futbolchilarning narxiga katta ta’sir ko‘rsatadi. Keling, katta nomlarning qaysi birlarining bozor qiymati butunlay tushib ketganini ko‘rib chiqaylik.
Leonardo Bonuchchi (7,20 million funt)
34 yoshida ham u dunyoning eng yaxshi futbolchilari ro‘yxatidan o‘rin oldi. Uning Jorjyo Kyellini bilan duyeti Italiyaning Yevro-2020dagi g‘alabani nishonlashiga sabab bo‘ldi.
/origin-imgresizer.eurosport.com/2017/04/19/2066257-43320347-2560-1440.jpg)
Faoliyati davomida Bonuchchi Italiyaning bir qancha klublari sharafini himoya qilgan, ammo biz uni “Yuventus” futbolchisi sifatida taniymiz. U yerda hamon himoyaga mas’ul sifatida harakat qilmoqda. Endi buyuk himoyachining narxi 7 million funtga tushib, bizningcha, u hali ham jahon darajasidagi futbolchi bo‘lib qolayotganini hisobga olsak, bu juda past narx ekanligini sezasiz.
Serxio Ramos (9 million funt)
Ramos "Real Madrid"ning afsonaviy sardori bo‘lib, u o‘z faoliyatining ko‘p qismini o‘sha yerda o‘tkazgan va eng kuchli (va eng ko‘p gol urgan) himoyachilardan biriga aylangan. Ispaniya terma jamoasi bilan u 180 ta o‘yin o‘tkazib, 23 ta gol urib, ketma-ket ikki marta Yevropa va Jahon chempionligini qo‘lga kiritdi.
"Sevilya" tarbiyalanuvchisi allaqachon "qaymoqranglilar" afsonalari safiga kirgan, ammo "PSJ"ga o‘tganidan keyin u tezda qadrini yo‘qota boshladi. Afsonaviy himoyachi jarohatlar bilan bog‘liq qiyinchiliklarni boshdan kechirmoqda va natijada biz uni yaqindagina vaqti-vaqti bilan fransuz grandi safida ko‘ra boshladik. Aynan shu jihatlar uning transfer narxini shu qadar tushib ketishiga sababchi bo‘ldi.
Luka Modrich (9 million funt)
Bu ming yillikda "Real"ning barqaror o‘yinchisini eslash qiyin bo‘ladi. Xorvatiya terma jamoasi yulduzi Modrich uni butun dunyoga ochib bergan "Tottenxem"dan "Real"ga o‘tdi.
Hozir Modrich 36 yoshda va uning shartnoma muddatiga 6 oy qolgani narxning pasayishiga ta’sir qilmoqda. Biroq u har bir uchrashuvda maydonga tushishda davom etmoqda va har doimgidek ajoyib o‘yinlari bilan muxlislarni shod etyapti.
Jorjyo Kyellini (1,35 million funt)
Kyellini uchun bir million funt aqlbovar qilmas darajada past summa. Bu yilning o‘zida u Italiyani Yevropaning eng yirik xalqaro turnirida g‘alaba qozonishiga hissa qo‘shdi va uning o‘yinini tomosha qilganingizda uning yoshi (37) hech narsani anglatmaydi.
Ha, u tez-tez jarohat ola boshladi, ammo formada bo‘lganida, undan yaxshiroq himoyachini “moviy gvardiya” safida topa olmaysiz. Joriy mavsumda u "Yuventus" safida 750 daqiqadan ko‘proq o‘ynadi.
Uning shartnomasi 2023 yilning iyunida tugashiga qaramay, Kyellinining narxi tushib ketmoqda. Ammo har qanday muxlis sizga uning qimmatroq ekanligini ayta oladi.
Tiago Silva (2,70 million funt sterling)
Braziliya o‘zining hujumchilari bilan tanilgan, ammo Tiago Silva bundan mustasno. Baland bo‘yli bo‘lmasa-da, u tezda yetakchi markaziy himoyachiga aylandi, havoda ham, birinchi qavatda ham yaxshi harakat qiladi. U ham Ramos kabi tug‘ma yetakchi, bu har qanday jamoa uchun muhim.
Silva 37 yoshga to‘lganidan beri uning narxi 2 million funt sterlinggacha tushib ketdi. Qolaversa, uning “Chelsi” bilan shartnomasi tez orada yakunlanishi ham o‘z ta’sirini o‘tkazmoqda. Ammo hamma narsa uning yangi shartnoma imzolashidan dalolat bermoqda. Tuxel doimo unga tayanishdan xursand. “Stemford Brij”dagi qisqa muddat davomida Tiago Silva Chempionlar Ligasida g‘alaba qozonishga muvaffaq bo‘ldi – bu shunchaki tasodif bo‘lishi mumkin emas.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
