«Real»ning afsonaviy darvozaboni Iker Kasilyas «PSJ» hujumchisi Kilian Mbappe o‘yinini yoqtirishini tan oldi. U shuning barobarida Madrid superklubining hozirgi futbolchilari yuksak e’tirofga loyiq ekanliklarini qo‘shimcha qildi.
Mbappe va «Real» aloqasi
- Jamoaga kimning kelish-kelmasligi yosh futbolchilar uchun muhim. Ehtimol, agar hozir 22 yoshda bo‘lganimda, Mbappening «Real»ga o‘ta zarurligini aytarmidim.. Lekin allaqachon 40 yoshni urib qo‘yishga ulgurdim va bunday gap-so‘zlar hech narsa emasligini ta’kidlayman. Kilian bugun «PSJ»da, ertaga qayerda o‘ynashini esa bilmayman. Albatta, uni futbolchi sifatida yoqtiraman. Umid qilamanki, vaqti kelib, «Real» tarkibida ko‘rinish beradi. Lekin bunday transferlar ko‘plab omillarga bog‘liq.
«Madrid»ning joriy mavsumdagi ishtiroki
- «Real» ichki chempionatda barqaror ketyapti, hammasi tayindek, ammo hali hech narsa hal qilinmagan. Bundan tashqari, «Qirollik klubi» CHLda kurashni davom ettirmoqda. Demak, hozirgi jamoani olqishlash kerak.
Xoland va Mbappe dueti
- Qaytaraman, hozir na Xoland va na Mbappe «Real»da, shunday ekan, ehtimoliy tandem haqida gapirish ortiqcha. Oddiy aytganda, faqat kutishimiz va tarkibda mavjud futbolchilar o‘yinlaridan zavqlanishimiz kerak. Har holda, «Real»da yutuqlar yo‘q emas va yigitlar e’tirofga munosiblar.
Yangi shaxsiy loyihasi
- Tibbiyot yo‘nalishidagi yangi loyihamdan maqsad - umumiy farovonlik uchun nimadir qilish, odamlarga yordam berish. Qisqasi, sport doirasida boshqalar hayotini yengillatish harakatidagi insonlarni qo‘llab-quvvatlamoqchiman. Bugungi hayotda yangi loyihalar globalroq masalalarga qaratilmoqda, ammo sportni ham unutmaslik kerak.
AYTGANCHA...
Mbappe «Real» bilan shartnoma tuzadi!
Marca nashrining so‘nggi ma’lumotlariga qaraganda, «PSJ» hujumchisi Kilian Mbappe shu hafta davomida «Real» bilan shartnoma tuzadi. To‘g‘ri, 23 yoshli yulduzning Madrid klubi safiga qo‘shilishi keyinroq, mavsum yakunida e’lon qilinadi. Shartlashuvga binoan, Kilian kelishuvga imzo chekkani uchun «Real»dan chamasi 60-80 million yevro miqdorida bonus oladi. Uning Madriddagi yillik maoshi esa 25 million yevroni tashkil etadi. Eslatma, Mbappe va «PSJ» o‘rtasidagi shartnoma joriy yil 30 iyun kuni o‘z kuchini yo‘qotadi.
Iker Kasilyas suhbat davomida «Real» - «PSJ» qarama-qarshiligiga ham to‘xtalib, Parij klubi nazariy tomondan favorit sanalsada, «Madrid» keyingi bosqichga chiqishiga ishonch bildirgandi. Yakunda u haq bo‘lib chiqdi - «Qirollik klubi» javob bahsini 3:1 hisobida o‘z foydasiga hal qilib, kuchli sakkiztalikka kirdi.
MUHAMMADXON tayyorladi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
