Xabaringiz bor, Namanganda 25 va 29 mart kunlari “Navruz Cup” xalqaro turniri bo‘lib o‘tadi hamda unda O‘zbekiston, Tojikiston, Qirg‘iz Respublikasi va Uganda terma jamoalari qatnashadi.
Ertaga yarim finaldan o‘rin olgan bahslar o‘tkaziladi hamda unda Uganda – Tojikiston, O‘zbekiston – Qirg‘iziston terma jamoalari o‘zaro kuch sinashadilar. Mazkur o‘yinlar oldidan bugun mazkur jamoalar bosh murabbiylari o‘rtasida matbuot anjumani o‘tkazildi. Unda birinchi bo‘lib Tojikiston MTJ ustozi Segrt Petar ishtirok etdi. Quyida uning fikrlarini e’tiboringizga havola etamiz.
"Avvalo, barchani kirib kelgan Navro‘z bayrami bilan tabriklayman. Shuningdek, mazkur turnir tashkilotchilari - O‘zbekiston futbol assosiasiyasiga ham o‘z minnatdorchiligimni bildiraman. Tashkilotchilik a’lo darajada!
Bilasizmi, bu kabi turnirlar ko‘plab jamoalar uchun katta musobaqalar oldidan tayyorgarlik vazifasini o‘tib beradi. Men jamoamiz bilan bu musobaqada ishtirok etayotganimdan xursandman.
Ilk uchrashuvdayoq noqulay va notanish raqibga qarshi maydonga tushishimizga to‘g‘ri keldi. Raqib FIFA reytingida bizdan ancha yuqorida ekani ham bor gap. Biroq o‘z kuchimizga ishonamiz, tarkibimiz yaxshi darajada va o‘ylaymanki, natija ko‘rsata olamiz. Asosiysi, o‘yin uslubimizni yaxshiroq shakllantirib, yosh futbolchilarga o‘yin falsafamizni tushuntirish.
Bo‘lajak o‘yinlarda Ehsoni Panshanbening O‘zbekistonda o‘ynayotgani ham bizga imkoniyat taqdim etadi. U tarkibimizda o‘z o‘rniga ega.
Lekin shuni ta’kidlash lozimki, Tojikiston MTJ boshqaruvidagi ikkinchi mashg‘ulotimni o‘tkazdim. Hali jamoaga to‘liq moslashib keta olganim yo‘q. Ayni paytda futbolchilarni kuzatayapman.
Ugandaga qarshi maydonga tushishimizdan xursandman, ularni hurmat qilamiz. Biz o‘zimizning eng yaxshi o‘yinlarimizdan birini ko‘rsatishga harakat qilamiz. Albatta, har bir jamoa maydonga doim g‘alabani ko‘zlab tushadi.
O‘zbekiston chempionatida bir necha futbolchimiz harakat qilib kelmoqda. Biroq tarkibdagi boshqa futbolchilarni ham hurmat qilishimiz kerak. Shaxsan men uchun futbolchining qaysi chempionatda o‘ynashi katta narsani hal etmaydi", — dedi Cegrt Petar.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
