O‘tgan yili o‘z ichki chempionatlarida g‘oliblikni qo‘lga kiritgan ikki jamoa bu yili Yevropaning eng nufuzli turnirida, shu kecha tunda to‘qnash keladi. Birinchi uchrashuv 6-aprel kuni o‘tkizilgan bo‘lib, unda mezbonlar "Manchester Siti" "Atletiko Madridni" kichik (1:0) hisobida mag‘lub etgan.
Bu bahsdan futbol muxlislari juda ko‘p narsalar kutmoqda, o‘yinga bo‘lgan e’tibor juda ham katta. Sababi "Atletiko" va "Manchester Siti" o‘rtasida qarama-qarshiliklar ko‘p. Biri olov bo‘lsa, biri muz. Biri bahor bo‘lsa, biri yoz. "Atletiko" himoyaviy o‘yinni tanlasa, "Manchester Siti" doim o‘yinni nazorat qilib, hujumkor o‘yin ko‘rsatishni afzal bilgan. Ta’kidlab o‘tish joizki, ikkala jamoa ham o‘zi tanlagan uslub bo‘yicha dunyoning istalgan jamoasiga mahorat darsi o‘ta oladi.
MMAni tushunmagan odam Habib Nurmuhammedovni yoqtirmaydi, futbolni tushunmagan odam esa "Atletiko"ni. Chunki, tushunmagan odamga ikkisining harakatlari zerikarli tuyuladi. Lekin haqiqiy futbol ixlosmandi uchun "Atletiko"ning himoyalanishi bu — san’atdir.
Avvalgi uchrashuvda "Atletiko" himoyaviy o‘yinning eng yuqori darajasini ko‘rsatib berdi. To‘g‘ri, mehmonlar bitta gol o‘tkazib yubordi, lekin bu hali hech narsa hal bo‘lmaganini, hamma narsa ikkinchi o‘yinda aniq bo‘lishiga dalolat qiladi.
Bugun biz vaxshiylashgan, golga tashna bo‘lgan "Atletiko"ni ko‘ramiz, faqat, bitta gol urguniga qadar. Mezbonlar agar hisobda oldinga chiqib olishsa, yana himoyaviy o‘yinga o‘tadi, jamoa o‘z "tarelkasi"ga qaytadi. Yana qarshi hujumda o‘ynaydi. Felishdek uchqur tulpori bor Simeone qarshi hujum markabiga minadi.
Gvardiola o‘z jamoasi bilan ichki chempionatda bir necha bor sovrinni qo‘lga kiritib bo‘ldi. Gvardiola ushlay olmayotgan eng katta o‘lja bu - Yevropa chempionlar ligasining bosh sovrinidir. Avvalgi yili jamoa sovringa bir qadam qolganda, so‘nggi to‘siqdan o‘ta olmay, ikkinchi o‘rinni egallagandi. Bu yili esa "shaharliklar"ning niyati ancha jiddiy. Muxlislar ham, rahbariyat ham Pepning qarshisiga shu sovrinni qo‘lga kiritishni ko‘ndalang qo‘yishgan.
Gvardiolaning "Manchester Siti"si hech qachon raqibga moslashmaydi, raqib ularga moslashadi. Lekin bugun ozgina istisno sodir bo‘lishi mumkin. "Siti" bu safar gol urishdan ko‘ra, o‘tkazib yubormaslikka ko‘proq tirishadigandek go‘yo. Gvardiola Simeoneni juda yaxshi taniydi, uning uslubini ham. Agar madridliklar hisobni ochib olishsa, avvalgi o‘yinning ssenariysi takrorlanishi mumkin.
Javob uchrashuviga kelishdan avval "Siti" o‘zining eng yaqib ta’qibchisi bilan durang o‘ynab, deyarli naqd bo‘lgan chempionlikni nasiyaga aylantirdi. "Atletiko" esa bor e’tiborini shu o‘yinga qaratgani uchun "Malyorka" tarafidan jazolandi. Ikkisi ham bu o‘yinga qattiq tayyorgarlik ko‘rgan, g‘alabani qo‘lga kiritadigan jamoa ko‘p qon to‘kishiga to‘g‘ri keladi.
Avazbek Mirsaitov tayyorladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
