Italiya kubogi yarim final bahslari qizg‘in tus olgan. Bugun va ertaga yarim finalning javob o‘yinlari bo‘lib o‘tadi. Birinchi uchrashuvlardan so‘ng hech bir juftlikda aniq favorit yo‘q. Hatto «Yuventus» ham Florensiyadagi minimal hisobdagi g‘alabadan keyin o‘zini xotirjam his qila olmayapti.
Massimiliano Allegri shogirdlari so‘nggi paytlarda muxlislari kutgan ajoyib o‘yin ko‘rsatishmayapti va «binafsharanglar» uchun ertangi g‘alaba yevrokuboklarga chiqish uchun yaxshi imkoniyat bo‘ladi.
Milan derbisidagi golsiz durangdan keyin favoritni aniqlash qiyin bo‘lib qoldi. Biroq Simone Indzagi jamoasining hujum chizig‘i mustahkam bo‘lgani uchun «Inter»ning g‘alaba qozonish imkoniyati biroz yuqoriroq. Shu bilan birga, «Milan» forvardlari so‘nggi oylarda hujumlarni oxiriga yetkazishda juda ko‘p muammolarga duch kelmoqda.
Germaniya kubogi yarim finali
Uzoq vaqt davomida ilk bor Germaniya kubogi yarim finaliga faqat birgina top-klub yo‘l olmoqda. Bu yerda «Bavariya» yoki «Borussiya»ni ko‘rmaysiz. Biroq Domeniko Tedesko boshchiligida ajoyib futbol ko‘rsatayotgan «Leypsig» bosh titul uchun kurash olib boradi. Bu juftlikda «Union Berlin» «buqalar»ga qarshilik ko‘rsatadi.
Narigi juftlikning esa favoriti yaqqol ko‘rinib turibdi: «Frayburg» ikkinchi Bundesliga jamoasi «Gamburg»ga qarshi bahs olib boradi. Tim Valter shogirdlarining imkoniyatlari bu yerda ancha past. Ularning joriy mavsum elita divizioniga qaytishi dargumon.
Portugaliya kubogi yarim finali
Portugaliya kubogining yarim final javob o‘yinlari bir qarashda ko‘ringanidanda qiziqarliroq aslida.
Bu yerda «Mafra» mart oyida «Tondela»ga yirik hisobda yutqazib qo‘ydi. Ammo o‘z maydonida mafraliklar uchta gollik farqni yo‘qqa chiqarishga harakat qilib ko‘radi. Chunki, raqibda jiddiy muammolar bor. Xususan, Nunu Kampush shogirdlarida marraga to‘rt tur qolganda, Segundaga tushib qolish xavfi mavjud va shuning uchun kubok chempionligi haqida ko‘proq o‘ylashadi.
«Portu»ning ham «Sporting» ustidan mehmonda irodali g‘alaba qozongani ko‘p narsani kafolatlamaydi. «Sherlar» chempionlik uchun kurashda allaqachon mag‘lub bo‘lgan, ammo Dortmundning «Borussiya»sini Chempionlar ligasi pley-offiga chiqishiga yo‘l qo‘ymagan jamoning imkoniyatlari har doim ham past bo‘lavermaydi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
