Yevropada futbol mavsumi yakuniga yetib bormoqda. Kelgusi oyda bizning e’tiborimiz Chempionlar ligasi va Yevropa ligasidagi hal qiluvchi o‘yinlarga qaratiladi, Angliya Premyer-ligasi va Italiya A Seriyasidagi chempionlik poygalarini kuzatib boramiz, ichki kubok finallaridan bahramand bo‘lishimiz mumkin.
Biroq muhim voqealar nafaqat yuqori divizionda sodir bo‘lmoqda, balki, yetakchi chempionatlarning ikkinchi ligalaridagi jamoalar ham kelasi mavsumda o‘z mamlakatlarida elitaga chiqish uchun kurashmoqda. Angliyada «Fulxem» allaqachon Premyer-ligaga qaytgan. Quyida yuqori divizionni sog‘ingan jamoalar haqida qisqacha to‘xtalamiz.
Angliya
«Fulxem» bir yillik tanaffusdan so‘ng Premyer-ligaga qaytdi. Klub Chempionship g‘olibligi yo‘lida «Norvich» bilan raqobatlashadi. «Fulxem» 2017/18 yildan boshlab to‘rt mavsumidan so‘ng Premyer-ligagaga qaytmoqda. Bu safar jamoani portugaliyalik Marku Silva boshqarmoqda. «Fulxem»ning sobiq murabbiyi Skott Parker esa «Bornmut»ni Premyer-ligaga qaytarishi ko‘zda tutilmoqda.
Katta ehtimol bilan «Bornmut» Premyer-ligaga yo‘llanmani qo‘lga kiritadi, yana bir jamoa esa pley-offda aniqlanadi. Hozirda kuchli 6 ta o‘rinda «Xaddersfild», «Luton», «Nottingem» va «Sheffild Yunayted» nomlari bor.
«Milluoll», «Blekbern», «Midlsbro», «KPR» va «Koventri» hali ham pley-offga chiqishga umid qilmoqda. Bu kurashda «Nottingem» alohida e’tiborni tortadi. Jamoa 1998/99 yilgi mavsumdan beri Premyer-ligada o‘ynamayapti, uch marta pley-offga chiqdi, lekin har doim ham muvaffaqiyatsiz. Qaytish vaqti kelmadimikin?! Premyer-ligada qaysi klubni ko‘rishni xohlaysiz?
Ispaniya
Ispaniya Segundasida ko‘tarilish tizimi Angliyadagi kabi: ikki jamoa to‘g‘ridan-to‘g‘ri La Ligaga yo‘l oladi, uchinchidan oltinchi o‘rinlar pley-offda qolgan o‘rin uchun kurashadi. Hozirda bu yerda «Eybar» peshqadam bo‘lib, bir yil avval yuqori ligada 20-o‘rinni egallagan edi. So‘nggi marta 2014/15 yilda La Ligada o‘ynagan «Almeriya» esa ikkinchi o‘rinda ketmoqda.
Aytgancha, bundan 15 yil oldin bu jamoani Unai Emeri yuqoriga olib chiqqan edi, u o‘shandan so‘ng «Spartak», «PSJ» va «Arsenal»da ishladi, to‘rt marta Yevropa Ligasida g‘olib chiqdi va Chempionlar Ligasi yarim finalida «Liverpul» bilan bahs olib bordi. Ayni damda «Valyadolid», «Tenerife», «Jirona» va «Ovedo» klublari pley-off zonasida turishibdi. Biroq Ronaldoning «Valyadolid»i peshqadamdan ikki ochko ortda qolgan holda uchinchi o‘rinda bormoqda, demak, to‘g‘ridan-to‘g‘ri yo‘llanmalar uchun kurash hali oldinda.
Italiya
B Seriyaning ikkita eng yaxshi jamoasi yuqoriga yo‘l oladi, ammo pley-off tizimi bu yerda murakkabroq: 5-8 o‘rinlardan iborat jamoalar dastlabki bosqichga kiritiladi, ikki juftlik g‘oliblari yarim finalda bahs olib borishadi. Finalga yo‘l olgan jamoalar esa chiptani qo‘lga kiritishadi. Jadvalning eng yuqori pog‘onasidagi kurash nihoyatda qizg‘in tus olgan: yuqori o‘rinlarni «Kremoneze» (66 ochko), «Lechche» (65), «Monsa» (64), «Benevento» va «Pissa» (har biri 63), «Breshiya» (62) egallab turibdi.
Malumot uchun: «Parma» Janluiji Buffon bilan atigi 13-o‘rinni egallab turibdi.
Germaniya
Bundesligaga qaytsak, oldingi mavsum yakunida ligani tark etgan jamoalar so‘nggi tur natijalariga ko‘ra, «Shalke» (56 ochko) «Verder»dan (54) oldinda edi. Ularning ortidan «Sankt Pauli» kelmoqda (53). Gamburglik «qaroqchilar» esa birinchi Bundesligada so‘nggi chorak asr davomida bor-yo‘g‘i bir mavsum o‘tkazdi xolos va bu ishni yana takrorlashga harakat qilib ko‘radi. Hammasi klubning o‘z qo‘lida, chunki oldinda «Shalke» bilan o‘yin bor, uchinchi o‘rin ham imkoniyat taqdim etadi.
Fransiya
Liga 2da «Tuluza» va «Ayachcho» yetakchilik qilmoqda, ular Liga 1 yo‘llanmasini hech kimga berib qo‘ymoqchi emas. «Oser», «Parij» va «Sosho»ning vaziyati qiyin. Hech narsa ularni pley-offga olib chiqa olmaydi. Beshinchi o‘rindagi «Sosho» va oltinchi pog‘onadagi «Le Gavr» klublari o‘rtasidagi farq 11 ochko. Bu yerda tizim quyidagicha: Liga 2dagi beshinchi jamoa to‘rtinchisi bilan o‘ynaydi, g‘olib uchinchi o‘ringa chiqadi va eng yaxshilar o‘rtasidagi bahs g‘olibi Liga 1ning 18-klubi bilan kurashadi (hozir bu «Klermon»).
Ushbu bosqichlardan o‘tgan jamoalar elita divizionida o‘ynaydi. «Parij»ni Liga 1da ko‘rish qiziq bo‘lar edi, chunki bu Fransiyada bir shahar jamoalari o‘rtasidagi birinchi haqiqiy derbining paydo bo‘lishini anglatadi - Parijga qarshi «PSJ». So‘nggi bor Liga 1da bunday derbiga 30 yildan oshiqroq vaqt ilgari 1989/90 yilgi mavsumda guvoh bo‘lganmiz va bu Parijning «Rasing» klubi edi.