Erling Xolandning kelajagi haqidagi doston yopildi. Norvegiyalik futbolchi "Manchester Siti" bilan besh yillik shartnoma imzoladi. Garchi, "Real Madrid" Erlingga da’vogarlik qilgan bo‘lsa-da, futbolchiga aniq taklif bilan chiqmadi. Shu sabab bugun “qirollik klubi”ning nega bunday qarorga kelgani haqida biroz fikr yuritishni istadik.
Erling Xoland transfer oynasida eng ko‘p tilga olingan futbolchilardan biri bo‘ldi. O‘z tarkibini super to‘purar bilan boyitmoqchi bo‘lgan klublar talaygina edi: "Manchester Yunayted", "Barselona", “Man Siti”, “Real” va "Bavariya". Madrid klubi va futbolchi bilan bog‘liq ko‘plab mish-mishlar tarqalgan bo‘lsa-da, “Real” norvegiyalikka aniq taklif bilan chiqmagan. Ammo, Marca nashri xabariga ko‘ra, Xoland uchun kurashda aynan “qirollik klubi” “Manchester Siti”ning asosiy raqibi hisoblangan.
Ispaniya nashrining yozishicha, “Real” skautlari uzoq vaqtdan beri Xolandning o‘yinlarini yaqindan kuzatib kelgan. Norvegiyalik futbolchi o‘sha paytda "Molde" klubi sharafini himoya qilib kelgan. O‘shanda Norvegiya klubi “Real” futbolchini o‘z safiga taklif qilishini kutgan. Biroq, ispan klubi shoshmaslikka va hujumchi top darajaga chiqishini kutishga qaror qilishdi. Shu bilan birgan Xolandni Avstriya va Germaniya klublari ham yaqindankuzatishgan. So‘nggi kunlargacha Madrid klubi rahbariyati norvegiyalikni o‘z safiga qo‘shib olish imkoniyatini rad etmadi, biroq “qaymoqranglilar” Erlingga taklif bilan chiqishmadi. Buning faqat bitta sababi bor edi — Kilian Mbappe.
"Real Madrid" uchun "PSJ" futbolchisi doimo birinchi o‘rinda turgan. Madridda Mbappening kelishi jamoada jiddiy o‘zgarishlarga olib kelishini yaxshi bilishadi. Karlo Anchelotti aytganidek, hozirda "Real Madrid"ning tarkibi juda kamtarona va u yerda hech kim o‘zini boshqalardan ustun deb hisoblamaydi. Mbappening kelishi, bu holatni biroz o‘zgartirishiva rahbariyat fikricha, Xolandning kelishi, jamoadagi muhitga salbiy ta’sir ko‘rsatishi mumkin.
Ayni paytda "Real Madrid"da Karim Benzema bor. U Mbappega moslashishda yordam berishi kerak. Madrid klubi rahbariyati Karimyana ikki yoki uch mavsum jamoada yuqori tempda o‘ynashiga ishonmoqda. Agar Mbappe Benzema bilan birga yaxshi tandem hosil qila olsa, Xoland ularga o‘rinbosar bo‘ladi. Shuningdek, "Real Madrid" safida Vinisius ham borligini unutmasligimiz kerak. Shuningdek, “Siti”ga qarshi o‘yinning qutqaruvchisi ham Rodrigoni ham yoddan chiqarish yaxshi emas.
Albatta, moliyaviy tomonda ham ko‘p gap bor. Xolandning Madrid klubiga kelishi, barcha komissiyalar, maoshlarni hisobga olgan holda taxminan 350 million yevroga tushishi mumkin edi. "Real Madrid" Beyl, Marselo, Isko bilan xayrlashishni rejalashtirmoqda, ammo norvegiyalik va Mbappe bilan birga shartnoma imzolashi juda qiyin bo‘ladi. Bundan tashqari, Madridda o‘yinchilarning narxi bo‘yicha qat’iy qoidalar mavjud bo‘lib, ular hech qachon buzilmaydi.
Madridliklar Xoland transferini amalga oshirishdan cho‘chigan yana bir xavf – norvegiyalikning jarohati edi. Joriy mavsumda turli jarohatlar tufayli hujumchi 100 kunlarni o‘tkazib yuborgan, oldin esa bu sonlar 40 kunni tashkil qilgan. Qolaversa, bu tanaffus unga nisbatan qoidabuzarliklar ortidan emas, balki mushaklardagi turli jarohatlar sabab kuzatilgan.
"Real Madrid" oxirgi kunlargacha Xolandni sotib olish imkoniyatini rad etmadi. Biroq, norvegiyalik futbolchi Mbappe bilan o‘ynamasa, Madridga kelish, u uchun ortga tashlangan qadamga o‘xshaydi. Kilian bilan bog‘liq vaziyat hali to‘liq hal qilingani yo‘q, ammo “Real” klubi “PSJ” futbolchisi uchun oxirigacha kurashmoqchi.
Shu bilan birga, Marca Xolandning istagi haqida hech narsani ochiqlamagan. Norvegiyalik futbolchi dastlab "Siti"ga o‘tishni istagandek tuyuldi, shuning uchun u Madrid klubidan taklif kutmagan bo‘lishi mumkin. Balki Xolandning o‘zi bir paytlar otasi o‘ynagan “Manchester” uchun "Real"ning taklifini rad etishi ham mumkin edi.
Ammo, haqiqat shuki, "Real Madrid" Mbappega sabab Xolandga taklif bilan chiqmadi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
