Italiya A seriyasining so‘nggi, 38-turida «Roma» 20 may, juma kuni «Torino» bilan bahs yuritdi.
«Torino» mezbonligida o‘tgan bahs 3:0 hisobida «Roma»ning g‘alabasi bilan yakunlandi. Dastlab birinchi bo‘limda Temmi Abraham dubl qayd etib, mehmonlarning ustunligini ta’minladi. Angliyalik hujumchi birinchi vaziyatda osonlik bilan himoyachilarni dog‘da qoldirib gol urgan bo‘lsa, ikkinchi vaziyatda 11 metrlik jarima zarbasini golga aylantirdi. 78-daqiqaga kelib Lorenso Pellegrini ham penaltidan gol urib, o‘yinga yakuni nuqtani qo‘ydi.
Qayd etish kerak, mazkur uchrashuvda «Roma»ning o‘zbekistonlik hujumchisi Eldor Shomurodov 2021 yilning 4 dekabridan beri ilk marta asosiy tarkibda maydonga tushdi. «Bo‘rilar» o‘shanda «Inter»ga qarshi bahs olib borgandi. Shomurodov kecha 76-daqiqada sariq kartochka oldi va o‘sha daqiqada zaxiraga olindi. Eldor uchun mazkur ogohlantirish mavsumdagi ikkinchisi bo‘ldi.
Shu tariqa, «Roma» mavsumni yirik hisobdagi g‘alaba bilan yakunladi. Joze Mourinyo jamoasi umumiy hisobda 63 ochko jamg‘ardi.
Jamoa har qanday holatda ham 6-o‘rindan pastga tushib ketmaydi va Yevropa Ligasi yo‘llanmasini qo‘lga kiritdi — hozircha beshinchi bo‘lib turibdi. 6-pog‘onadagi «Lasio»ning hisobida ham shuncha ochko mavjud. Agar «Lasio» bilan ochkolar teng kelib qolsa, o‘zaro qarama-qarshiliklardagi ustunlik rimliklar tomonda. Shuningdek, «Roma» Konferensiyalar Ligasi finalida qatnashadi, hal qiluvchi o‘yindagi g‘alaba jamoaga Yevropa Ligasi yo‘llanmasini taqdim etadi.
A seriya, 38-tur bahsi
20 may, juma
«Torino» — «Roma» 0:3
Gollar: 0:1 – 33 Abraham, 0:2 – 42, penalti Abraham, 0:3 – 78, penalti Pellegrini.
«Torino»: Berisha, Ayna, Rodriges (Buonjorno, 46), Lukich, Zima, Ansaldi (Sek, 46), Prat, Brekalo (Pyasa, 46), Pobega, Richchi (Mandragora, 84), Belotti (Pellegri, 68).
«Roma»: Ruy Patrisiu, Manchini, Kumbula, Rojer, Spinassola (Vinya, 83), Zalevski (Karsdorp, 58), Serjiu Oliveyra (Kristante, 58), Veretu, Pellegrini (ash-SHaaravi, 82), Shomurodov (Zaniolo, 76), Abraham.
Ogohlantirishlar: Rojer (20), Ansaldi (21), Shomurodov (76), Buonjorno (78).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
