O‘zbekiston U-23 – Tojikiston U-23 terma jamoalari o‘rtasidagi o‘rtoqlik nazorat uchrashuvi munosabati bilan Bekobod shahriga tashrif buyurgan O‘zbekiston futbol assosiasiyasi vise-prezidenti Odil Ahmedov “Metallurg” professional futbol qoshida faoliyat yuritayotgan “El Golazo Academy Powered by Real Madrid Foundation” bolalar va o‘smirlar futbol akademiyasi faoliyati bilan yaqindan tanishdi.
O‘zbek futboli afsonalaridan biri, jahonning top klublarida faoliyat yuritgan taniqli mehmon dastavval akademiya futbol maydonlari joylashgan hududda bo‘ldi. O‘FA delegasiyasi a’zolarida Sirdaryo sohilida joylashgan hamda qisqa fursat ichida akademiya muassislari ko‘magida qurib foydalanishga topshirilgan sun’iy va tabiiy qoplamali futbol maydonlari, futbolchilarning kiyinish, yuvinish xonalari bilan tanishishdi. Shuningdek, ayni paytda barpo etilayotgan yangi, tabiiy futbol maydoni, mashg‘ulot o‘tkazish maydonchalaridagi bunyodkorlik ishlarini ko‘zdan kechirishdi.
Shundan so‘ng Odil Ahmedov boshchiligidagi delegasiya a’zolari “El Golazo Academy Powered by Real Madrid Foundation” bolalar va o‘smirlar futbol akademiyasi o‘quv binosiga tashrif buyurdi. O‘zbekiston metallurgiya kombinati AJ boshqaruvi raisi R.Pirmatov, akademiya direktori A.SHaripov delegasiya a’zolariga akademiyani barpo etish, ulkan bunyodkorlik ishi tarixi haqida ma’lumot berishdi. Akademiyada tarbiyalanuvchilar uchun yaratilgan shart-sharoitlar nufuzli mehmonlarda ulkan taassurot qoldirdi. “Bizning davrimizda bunday sharoitlar bo‘lmagan. Hozirgi avlodga havas qilaman. Agar biz ulg‘aygan paytlarda ham shu kabi imkoniyat va sharoitlar yaratib berilganida, men “Real” (Madrid) klubida to‘p surgan bo‘lardim”, - deb o‘quvchilarga o‘z taassurotlarini o‘rtoqlashdi Odil Ahmedov. O‘z navbatida akademiya tarbiyalanuvchilari o‘zbek futboli faxriysi bilan anjumanlar zalida uyushtirilgan uchrashuvda o‘zlarini qiziqtirgan turli savollariga javob olishdi. O‘FA vise prezidenti akademiya tarbiyalanuvchilariga qarata “bunday imkoniyatdan unumli foydalanish kerak. Sizlarning o‘qishlaringiz, bilim olishlaringiz, yashash, o‘zlaring sevgan kasb – futbolning sir asrorlarini o‘rganishlaringiz uchun barcha zarur shart sharoitlar yaratib berilgan ekan. Faqat faqat o‘z ustlaringda ishlanglar. Izlanishdan aslo to‘xtamanglar. Sizlarning orangizdan o‘zbek futboli sharafini xalqaro maydonlarda, jahon chempionatlarida himoya etuvchi futbolchilar yetishib chiqishiga ishonaman. Buning uchun faqat ishlash, mehnat qilish zarur. Bugun, katta futbolgacha bo‘lgan qisqa fursat ichida ta’mil toshini qo‘yib olishlaring zarur. Yoshlikda olingan bilim sizlarga bir umr asqotadi. Malakali murabbiylardan futbol mahoratlaringizni oshirib borish barobarida boshqa fanlarni ham chuqur o‘zlashtirib boringlar. Ayniqsa, akademiyada xorij tillarini o‘rganish uchun katta imkoniyatlar yaratib berilibdi. Bu sizning baxtingiz, undan albatta foydalanishingiz kerak” deya murojaat etdi.
Uchrashuv so‘nggida O‘zbekiston metallurgiya kombinati AJ boshqaruvi raisi, “Metallurg” PFK prezidenti R.Pirmatov O‘FA vise prezidenti Odil Ahmedovga akademiya nomidan esdalik sovg‘asini topshirdi. O‘z navbatida yurtimiz futboli afsonasi “El Golazo Academy Powered by Real Madrid Foundation” bolalar va o‘smirlar futbol akademiyasi esdaliklar kitobiga o‘z tassurotlarini yozib qoldirdi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
