Kilian Mbappe transferining buzilishi Madrid klubi uchun jiddiy muammolarni keltirib chiqarmoqda.
"Real Madrid" qiyin haftani o‘tkazdi. Kilian Mbappe bilan shartnoma imzolanishi allaqachon kafolatlangandek tuyuldi. Fransiyalik hujumchi “PSJ”da qolishga qaror qildi. “Real” esa hech narsasiz qolib ketdi.
Mbappe muvaffaqiyatsizlikka uchragan taqdirda klubda zaxira rejasi yo‘q edi. Erling Xoland ularga o‘tishi mumkin edi, ammo norvegiyalik futbolchi “Manchester Siti”ga biroz oldinroq ko‘chib o‘tdi. Endi "Real Madrid" prezidenti Florentino Peres mavsum oralig‘idagi barcha transfer siyosatini zudlik bilan qayta ko‘rib chiqishi kerak. Madrid jamoasi bundan keyin nima qiladi? Bu yozning Yevropa futbolidagi asosiy savollaridan biri.
"Real Madrid" Mbappe bilan muzokaralar barbod bo‘lganidan so‘ng "Monako" yarim himoyachisi Aurelyen Tchuameni 80 million yevroga sotib olishga rozi bo‘ldi. Bu Kilianning o‘rnini bosa olmaydi. Bundan tashqari, kelishuv hali rasman tuzilmagan.
Nima bo‘lganda ham "Real Madrid" hujumchi o‘rnini mustahkamlashga umid qilgan. 34 yoshli Karim Benzema mavsumning barcha turnirlarida 45 ta o‘yinda maydonga tushib, 44 ta gol va 15 ta golli uzatmani amalga oshirdi. Fransiyalik futbolchi "Real" Chempionlar Ligasi finalida "Liverpul"ga yutqazsa ham "Oltin to‘p"ni olishi deyarli aniq. Hozirda "Real Madrid" atrofida ko‘plab mish-mishlar tarqalmoqda. Insayderlar qirollik klubiga qanday hujumchilar o‘tishi mumkinligini tahmin qilishdi?
Rafael Leau
Football Italia La Gazette dello Sport nashriga tayanib, "Real Madrid" "Milan" hujumchisi Rafael Leau uchun 120 million yevrogacha taklif qilishga tayyorligi haqida xabar berdi. Futbolchining “Milan” bilan shartnomasi 2024 yilning yoziga qadar tuzilgan. Rossoneri shartnomani 2026 yilgacha uzaytirmoqchi. Yaqin orada milanliklar rahbariyati futbolchining agenti Xorxe Mendes bilan uchrashishi kutilmoqda. 22 yoshli Leau joriy mavsumda 42 o‘yinda 14 ta gol urdi va 12 ta golli uzatmani amalga oshirdi. U A Seriyada mavsumning eng yaxshi futbolchisi deb topildi.
Robert Levandovski
Levandovski "Bavariya"ni tark etish niyatida. Robert "Barselona" bilan aloqada, bu uning uchun yaxshi variat bo‘lib turibdi. Muammo shundaki, Levandovskining nemis klubi bilan hali bir yillik shartnomasi bor va “Barselona” polshalik uchun maksimal 35 million yevro to‘lashi mumkin.
AS nashrining xabariga ko‘ra esa Madridliklar Robertni o‘z safiga qo‘shib olmoqchi. “Rea” "Bavariya"ga "Barsa"dan ko‘ra ko‘proq tovon taklif qila oladi. Levandovskining o‘zi "Real Madrid"ga o‘tish ehtimoli haqida qanday fikrda ekanligini bilish kerak. Polyak Bundesliganing 34 o‘yinida 35 ta gol urib, ketma-ket ikkinchi mavsum Yevropaning “Oltin butsasi”ni qo‘lga kiritdi.
Harri Keyn
AS ro‘yxatidagi ikkinchi futbolchi. Harri "Tottenxem"ga Chempionlar ligasiga yo‘l olishiga yordam berdi. Uning London klubi bilan shartnomasi 2024 yilgacha mo‘ljallangan. Transfer uchun kamida 100 million yevro kerak bo‘ladi.
Shuningdek, Keynning Angliyani tark etish istagi borligi masalasi ham bor. Shunday ekan, yozda u Ispaniyaga ko‘chib o‘tmasa kerak.
Kristofer Nkunku
Nkunku Bundesligada mavsumning eng yaxshi futbolchisi deb topildi. "Leypsig" yarim himoyachisi 34 o‘yinda 20 gol va 13 golga assistentlik qilgan. Uni o‘z safiga "Bavariya", "Manchester Yunayted", "PSJ" va "Barselona" klublari qo‘shib olishga qiziqmoqda. Kristoferning taxminiy narxi 70 million yevro bo‘ladi.
"Real Madrid" Nkunka uchun kurashga qo‘shilishi mumkin, ammo baribir bu variant ustuvor emas. Kristofer sof hujumchi emas, hujumkor yarim himoyachi. Madridliklar Nkunku uchun jiddiy taklif qilgandan ko‘ra, Levandovski uchun raqobat qilishni afzal ko‘radi.
Darvin Nunyes
AS ro‘yxatidagi so‘nggi nomzod. "Benfika" hujumchisiga "Chelsi", "PSJ", "Manchester Yunayted", "Milan", "Nyukasl", "Bavariya" va "Barselona" da’vogarlar sifatida ye’tirof etilgan. 22 yoshli Nunyes Yevropada eng ko‘p talab qilingan hujumchilardan biri hisoblanadi. Urugvaylik futbolchi joriy mavsumda 41 ta o‘yinda 34 ta gol urdi, shu jumladan, Chempionlar ligasining 10 ta o‘yinida 7 ta gol urdi.
Transfermarkt Nunyesni 40 million yevroga baholamoqda. Albatta, "Real" uni sotib olish haqida o‘ylashi mumkin, ammo Darvin Florentino Peresning qiziqishlari ro‘yxatida birinchi o‘rinni egallashi dargumon.
Sadio Mane
OAV vaqti-vaqti bilan "Liverpul" hujumchilari Sadio Mane va Muhammad Salohni "Real Madrid"ga o‘tadi, degan xabar chiqarib turadi. Saloh kelasi mavsumda "Liverpul"da qolishini allaqachon aytgan, shuning uchun variant jamoadoshida qoladi.
Mane o‘z qarorini "Real"ga qarshi Chempionlar ligasi finalidan so‘ng e’lon qiladi. Sport.1.de xabariga ko‘ra, Sadio "Liverpul"dan ketishga intilmoqda. Futbolchini Angliyada oladigan maoshi qoniqtirmayapti. "Bavariya" senegallikning maoshini oshirishga rozi. Bild xabariga ko‘ra, rasmiy transfer bo‘yicha muzokaralar Chempionlar ligasi finalidan keyin boshlanishi kerak. Mane "Liverpul" bilan sovrin yutib, keyin "Bavariya"ga o‘tishni istamoqda.
Garchi yakuniy qaror hali qabul qilinmagan bo‘lsa-da. Myunxenda ular Mane bilan muzokara olib borgan holda, Levandovski bilan bog‘liq vaziyatni hisobga olishadi. “Bavariya” bu transfer uchun 30 million yevro to‘lashga tayyor.Sadioning “Liverpul” bilan shartnomasi 2023 yilda yakuniga yetadi. "Real Madrid" vaziyatga aralashib, "Bavariya"dan ko‘proq summa taklif qilib ushbu futbolchini qo‘lga kiritishi mumkin.
Bir narsani unutmaslik kerakki, yuqorida keltirilgan futbolchilar ro‘yxati faqatgina tahminlarga asoslangan holda tuzib chiqilgan.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
