"Bavariya" bu mavsumni ichki chempionatda ko‘ngildagidek o‘tkaza oldi. Ammo jamoa uchun yevromaydondagi yurishlar oson kechmadi. Yuliyen Nagelsman boshchiligidagi klub, YECHL turnirida guruhdan qiynalmay chiqib oldi. Ammo pley-off bahslarining chorak finalida sensasion ravishda "Vilyarreal"ga imkoniyatni boy berib qo‘ydi. Quyida "Bavariya"ning mavsum davomidagi eng yaxshi vakillari qayd etilgan.
Mavsum o‘yinchisi – Robert Levandovski
Zerikarli eshitilsada, Robert yana bir bor jamoaning eng yaxshi futbolchisi deb topildi. Chunki u bu nomga mutlaqo loyiqdir. Birgina Bundesliganing o‘zida 35 ta gol urish, hammaning ham qo‘lidan kelavermaydi. Barcha musobaqalarda esa polshalikning gollari soni 50 taga yetdi. Biroq, shunday sermahsullikka qaramasdan, Levandovski "Bavariya"ni tark etmoqchi. Ko‘ramiz, uning yangi manzili qayer bo‘larkin...
Mavsum goli – Serj Gnabri ("BVB"ga qarshi)
Gnabri aprel oyida o‘tkazilgan mavsumning uchinchi "Der Klassiker"ida ajoyib harakatlari bilan yodda qolgandi. Nemis hujumchisi ashaddiy raqibga qarshi fantastik golga mualliflik qiladi. O‘yin boshlanganidan chorak soat o‘tib, Goreska bosh bilan uzatma ijro etadi. To‘pni to‘xtatmay tepgan Gnabri, raqib darvozabonini dog‘da qoldirgandi.
Mavsum o‘yini – "Bayer 04"ga qarshi
"Barselona" YECHLning ikki davrasida ham 3-0 hisobida mag‘lub etilgani bor gap. Ammo undan ham yaxshiroq bahs oktyabr oyida, "Bayer 04" maydonida bo‘lib o‘tadi. To‘g‘ri, mezbonlar mavsumni uchinchi o‘rinda yakunladi. Biroq, "Bavariya"ga qarshi bahsda futbolchilar yosh bolalar kabi harakat qilgandi. Balki, myunxenliklarning fantastik harakatlari fonida shunday ko‘ringandir. Harxolda, bahs 1-5 hisobida mehmonlar foydasiga hal bo‘lgan.
Mavsum transferi – Dayo Upamekano
Upamekano bu mavsumda o‘zini nimalarga qodir ekanini ko‘rsata oldi. Ayniqsa, himoyachi bo‘la turib, o‘zida to‘pni saqlab turishi, tahsinga sazovar. 22 yoshli futbolchi yangi jamoasida o‘sishga erishdi. Hademay, Nagelsman himoya chizig‘ini butunligicha Upamekano nazoratiga bersa, ajab emas.
Eng yaxshi o‘sishga erishgan futbolchi – Jamal Musiala
Aslini olganda hech bir futbolchi bu aspektda eng zo‘r deb ayta olmaymiz. Biroq, yosh Musiala vaqt o‘tgani sayin kuchayib bormoqda. Germaniya terma jamoasi a’zosi pozisiyalar borasida ustunliklarga ega. Negaki, unda bir nechta o‘rinlarda o‘ynash imkoni mavjud. Shuningdek, Jamolning assistlar soni ham sezilarli darajada o‘sgan. O‘ylaymizki, u 2022-23 yilgi davrda ham porlashda davom etadi.
ISMATOV J.
Qo‘qon-1912
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
