Belarus chempionati Oliy ligasi 10-turidan keyin o‘zbekistonlik 4 nafar futbolchini o‘z tarkibiga olgan «Energetik-BGU» jamoasi haqida xuddi shunday gaplar aytilmoqda. Chunonchi, avvalgi mavsum oxirgi turdagina elitada «jon» saqlab qolgan klub hozirda peshqadam BATEni izma-iz ta’qib qilmoqda. Quyida hamyurtlarimiz «Slaviya»ga qarshi kechgan oxirgi o‘yin (5:0)da qanday harakatlanishganiga qisqacha to‘xtalamiz.
Abbos Jumaqulov. Shu paytga qadar 4 marta qaydnomaga kiritilgan yosh hujumchi «Energetik-BGU»dagi debyutini munosib nishonladi. Abbosbek maydonga tushganida hisob 4:0 edi. E’tiborli tomoni, u atigi 2 daqiqadan keyin penalti ishladi. Jumaqulov bundan tashqari, 4 marta uzatma amalga oshirdi, 6 marta yakkakurashlarga kirishdi hamda 1 bora dribling ishlatdi (muvaffaqiyatsiz). Umuman olganda, debyut yaxshi chiqdi.
Shohruh Abdurahmonov. InStat bo‘yicha 251 ball to‘plagan (barcha futbolchilar orasida eng yaxshi ko‘rsatkich) yarim himoyachi jiddiy xatolarga yo‘l qo‘ymadi, himoyada ham, hujumda ham foydali harakatlandi. U gol urgan vaziyat - yorqin misol. Abdurahmonov bunda raqib jarima maydoni yaqinida to‘pga ega chiqib, kuchli zarba bilan darvozani nishonga oldi. Uning yana bir zarbasiga biroz aniqlik yetishmadi. Qolaversa, Shohruh hal qiluvchi uzatma muallifiga aylandi, to‘pni 9 marta raqiblardan olib qo‘ydi, 11 marta jamoasiga qaytardi hamda yakkakurashlarning 76 foizida ustun keldi. Shuningdek, 12 marta (eng yaxshi natija) aldamchi harakatlar evaziga raqiblarni chalg‘itishga urinib ko‘rdi — samaradorlik 83 foiz.
Abduqodir Husanov. 12-daqiqada aynan shu futbolchimiz ijrosidagi jarima zarbasidan keyin to‘p kiperdan qaytdi va Aleksandr Svirepa hisobni ochdi. Yakunda Abduqodir penaltini ishonchli tarzda amalga oshirib, hisobga nuqta qo‘ydi. Bu Husanovning chempionatdagi ikkinchi golidir. Asosiysi, «talabalar» ketma-ket 3ta o‘yinda gol qo‘yib yuborishmadiki, bunda himoyachimizning xizmati ham katta. Xususan, «Slaviya» bilan o‘yinda Husanov 17 marta to‘pni ilib ketdi (hammadan ko‘p), raqib darvozasi tomon 4 marta zarba yo‘lladi (faqat Papariga va Abduxoliqovda urinishlar ko‘proq bo‘ldi - 5tadan zarba).
Bobur Abduxoliqov. Hujumchimiz 10-o‘yinda 11-golini nishonlab, Belarus chempionati tarixidagi to‘purarlarning elit-guruhiga kirdi. Mamlakat yuqori ligasida hozirga qadar atigi 3 nafar futbolchi shunday samaradorlikka erishgan ekan. Abduxoliqovning «Slaviya» bilan bahsda o‘z hisobiga samarali uzatma ham yozib qo‘yganini alohida ta’kidlash joiz. Qolaversa, uning 5ta zarbasidan 4tasi aniq chiqdi.
O‘zbekiston
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
