“Andijon” – “Xorazm” (2:1) uchrashuvidan keyingi matbuot anjumanining ikkinchi qismida mezbonlar bosh murabbiyi Viktor Kumikov ishtirok etdi.
— O‘yin to‘liq nazoratimiz ostida o‘tdi, vaziyatlar yaratdik va shunga yarasha ikkinchi golni ham urish arafasida turgandik. Lekin o‘tkazib yuborilgan gol bizga yana bir bor xushyorlikni oshirishimizni eslatib qo‘ydi. O‘ylaymanki, kerakli natijaga erishdik. Menimcha, yaxshi o‘yin ko‘rsatib, matonatli g‘alabaga erishdik.
— Safarda “Xorazm”ga 3:0 hisobida yutqazgandinglar. Bugun esa 2:1 hisobida yutdinglar. Ushbu natijadan qoniqdingizmi?
— Bugungi o‘yindagi natijani nazarda tutayotgan bo‘lsangiz, albatta qoniqdim. Yutgan o‘yinimizdan hamisha qoniqaman. Odatda, doim jurnalistlarimiz natijadan qoniqishmaydi. Ko‘rgan bo‘lsangiz, bizda vaziyatlar ko‘p bo‘ldi. Hatto 5:0 hisobida ham yutishimiz mumkin edi. Ikki marta to‘p darvoza ustuniga tegdi, bir necha bor darvozabon mahorat ko‘rsatdi. Bu to‘plar nisbatiga qaraladigan Kubok o‘yini emas-ku, asosiysi g‘alaba qozondik. O‘rni kelganda shuni ta’kidlashim joizki, “Xorazm” juda yaxshi jamoa. Ular doim chiroyli o‘yin namoyish etishadi. Biz ularni yutdik. Golgacha hammasi yaxshi edi. Afsuski, o‘tkazib yuborilgan goldan keyin biroz pala-partishlik yuzaga keldi. O‘sha golni o‘zimiz olib keldik, ungacha ular darvozamizga aniq zarba ham yo‘llamagan edi. Agar bu gol bo‘lmaganida yana ko‘proq gol urgan bo‘lardik.
— Nima sababdan oxirgi daqiqalarda o‘zgarishlarga qo‘l urdingiz?
— Zaxirada asosan tajribasi kam o‘yinchilarimiz bor edi. Asosiy o‘yinchilarimiz yo‘q edi. Sherzod Esonov terma jamoada, Azamat Isroilovda jarohat bor. Bobur Davlatov ham safdan chiqqan. Shu bois yoshlarga imkoniyat berishga qaror qildim. Asosiy ishni bari tajribali yoshi katta o‘yinchilarimiz hal qilyapti. Ular gol uryapti, 2:0 bo‘lib turganda ertaroq tushirsak bo‘lardi, ammo o‘yinga qarab o‘yinchi almashtirish kerak.
— “Andijon” bitta golni tushunarsiz holatda o‘tkazib yubordi. Bu jarayonda nima bo‘lgandi? Hozir yechinish xonasida futbolchilar bilan gaplashdingizmi?
— Darvozabon bilan gaplashdim, u hech nima demadi. Ildar Mamatkazin ko‘li bilan ko‘rsatdi, bu vaziyatda boshqa fikr bildirishim qiyin. Bu vaziyatda aniq o‘ynash kerak edi. Darvozabon bilan himoyachi bir-birini tushunishi va qanday holat bo‘lishini oldindan bilishlari kerak edi. Darvozabon hech nima demasa, himoyachi boshqacha yo‘l tutishi lozim edi.
“Andijon” matbuot xizmati.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
