O‘zbekiston Coca Cola Superligacining 12-turidan o‘rin olgan “Navbahor” – “Metallurg” (0:0) uchrashuvidan keyingi matbuot anjumanining birinchi qismida bekobodliklar bosh murabbiyi Luisma Ernandes ishtirok etib, jurnalistlarning savollariga javob berdi. Ispaniyalik mutaxassis odatdagidek o‘z so‘zini o‘yin haqidagi fikrlari bilan boshladi.
— Albatta, muxlislarga to‘la stadionda o‘ynash biz uchun biroz qiyin bo‘ldi. Lekin, biz bu bahsga juda kuchli tayyorgarlik ko‘rgandik. Himoyada ham ishonchli o‘yin ko‘rsatishga bel bog‘lagandik. O‘ylashimcha, uchrashuv juda yaxshi o‘tdi. Shogirdlarimning namoyish etgan o‘yinlaridan mamnunman.
— Sizningcha, bugungi durang natija jamoangiz uchun g‘alabaga teng bo‘ldimi?
— O‘ylashimcha, mazkur o‘yin muvozanat ostida o‘tdi. To‘g‘ri, to‘p nazorati va imkoniyatlar yaratish bo‘yicha “Navbahor” ustunlikka erishdi. Himoyada zich o‘yin ko‘rsatdik. Fikrimcha, ikkala jamoa ham teng o‘yin ko‘rsatdi.
— Natijadan qoniqdingizmi?
— Bugungi o‘yindan mamnunman. Bizda bir necha imkoniyatlar ham yuzaga keldi. Ammo gol ura olmadik. Natijaga keladigan bo‘lsak, ko‘nglim to‘ldi.
— “Metallurg” tarkibida bugun eng yaxshi o‘yin ko‘rsatgan futbolchilardan biri bu darvozabon Akmal Ortiqov bo‘ldi. U asli namanganlik hisoblanadi. Bu Akmalga mazkur bahsda qo‘shimcha ishtiyoq berdi, deb o‘ylaysizmi? Umuman, o‘yinga darvozabon tanlash jarayoni qanday bo‘ldi?
— Akmal bilan bir yildan beri birga faoliyat yuritmoqdamiz. Bugun uning o‘yinidan qoniqdim. Ushbu uchrashuvda maydonga tushish navbati Akmal Ortiqovga kelgandi. Aynan shuning uchun ham uni asosiy tarkibda maydonga tushirdim.
— Ikkinchi davra oldidan qaysi pozisiyalarni kuchaytirmoqchisiz?
— Yil boshida tuzilgan shartnomamda legioner olmaslik borasida band bor. Shu sabab ham, shu paytgacha faqat mahalliy futbolchilar bilan ishlab keldik. Birinchi davradan so‘ng tarkibimizga yangi futbolchilar kelib qo‘shilishi ehtimoli bor. Xabaringiz bor, “Metallurg” klubida “Real Madrid” fondi qoshidagi akademiya ham faoliyat yuritadi. Kelajakda aynan shu akademiya bilan hamkorlik qilib, o‘zbek futboliga yaxshi o‘yinchilar yetkazib berish niyatimiz bor.
“Navbahor” PFK matbuot xizmati.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
