Futbolda, istalgan jamoada gol urish vazifasini hujumchilar bajaradi. Shunga qaramay, boshqa pozisiyada harakat qiladigan futbolchilarning ham tablodagi nomlariga ko‘p guvoh bo‘lamiz. Ammo darvozabonlarning gol urishi o‘ta kamyob hodisa sanaladi. Chunki maydonda kiperlar o‘z darvozalarining dahlsiz saqlanishiga mas’ul hisoblanishadi. Biroq, gol urish ham ularga nasib etishi mumkin. Nafaqat penaltidan, balki o‘yindan ham. Quyida APL tarixida gol urishga erishgan sanoqli darvozabonlar haqida so‘z boradi.
Piter Shmeyxel – 2001 yil, oktyabr
"Manchester Yunayted"ning barcha davrlardagi eng yaxshi darvozaboni sifatida qaraladigan posbon, APL davrining (1992 yildan keyin) ilk goliga mualliflik qilgan darvoza vakili edi. U "Aston Villa"ning "Everton"ga 3-2 hisobida mag‘lub bo‘lgan o‘yinida golga mualliflik qiladi. O‘sha payt katta Shmeyxel Birmingem klubi sharafini himoya qilgan.
Bred Fridel – 2004 yil, fevral
O‘zining 450 o‘yinini o‘tkazayotgan futbolchi, gol urishga muvaffaq bo‘ladi. Uning jamoasi bo‘lmish "Blekbern" "Charlton" bilan bahs boylayotgan edi. U esa gol urib, jamoasi g‘alabasiga hissa qo‘shadi.
Pol Robinson – 2007 yil, mart
Robinson 2007 yilning mart oyida APLda gol urishga erishgan tarixdagi uchinchi darvozabonga aylanadi. Ammo uning golida o‘ziga xoslik bor edi. Chunki Robinson o‘z golini jarima zarbasidan kiritadi. O‘shanda "Tottenxem" "Uotford"ga qarshi harakat qilayotgan bo‘lgan. Pol esa hozir ham o‘z goli bilan ko‘p eslanadi.
Tim Xovard – 2012 yil, yanvar
Xovard APL tarixiga ko‘pgina harakatlari sabab kira olgan. Ammo ulardan biri o‘ta ajoyib edi. Sobiq AQSH terma jamoasi a’zosi "Everton"ning "Bolton"ga qarshi bahsida uzoq masofadan gol urishga erishadi. Bunda shamol harakati katta ahamiyatga ega edi.
Asmir Begovich – 2013 yil, noyabr
Begovichning goli Angliya Premyer-ligasida darvozabonlar tomonidan kiritilgan eng chiroyli gol sifatida tan olingan. U "Stok Siti" tarkibida "Sautgempton" darvozasini ishg‘ol etadi. Begovichning goli futbol tarixida eng uzoq masofadan urilgan gol sifatida Ginnesning Rekordlar kitobidan ham joy olgan. Yana bir narsa, ushbu gol o‘yin boshlanganidan atigi 13 soniya o‘tib, kiritilgandi.
Alisson Beker – 2021 yil, may
APL tarixida darvozabon urgan golning so‘ngisi 2021 yilning mayiga to‘g‘ri keladi. O‘shanda "Vest Brom" bilan durang qayd etilayotgan bo‘ladi. Bu esa "Liverpul"ning YECHL yo‘llanmasini olishini xavf ostiga qo‘yardi. O‘yinning so‘nggi daqiqalarida Klopp shogirdlari burchak to‘pi tepadi. Beker ham raqib jarima maydonchasi ichiga kelgandi. Uzatilgan to‘p uchun Allison eng baland sakraydi va to‘pni darvoza tomon aniq yo‘llaydi. Aynan mana shu gol orqali g‘alabaga erishgan "Liverpul", keyinchalik YECHL yo‘llanmasi masalasini ijobiy hal qilgandi.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
