Farg‘onaning "Neftchi" jamoasi tarkibidagi o‘z o‘yinlari bilan muxlislar mehrini qozongan Stepan Atoyan ayni paytda Gresiyada istiqomat qilayotganidan ko‘pchilikni xabari bor. Farg‘onalik jurnalistlar "Neftchi" jamoasining sobiq futbolchisidan intervyu olishdi.
- Assalomu alaykum, Stepan Malikovich hozirgi kunda Gresiyada nimalar bilan bandsiz?
-Assalomu alaykum O‘zbekistonga! Men Gresiyada 20 yildan buyon bolalar futbolida murabbiy bo‘lib ishla kelyabman.
- Ancha yillardan buyon bolalar futbolida murabbiy bo‘lib ishlayabsiz, aytingchi shu fursat ichida ko‘zga ko‘ringan futbolchilar yetishib chiqdimi?
- Tarbiyalagan futbolchilarim ichida ko‘pchiligi hozirda Gresiya Superligasida, 1 va 2-ligalarda to‘p surishmoqda.
- O‘zbekiston Superligasini, hususan sobiq jamoangiz “Neftchi”ning o‘yinlarini kuzatib borasizmi?
- Albatta, o‘yin natijasini internet tarmoqlari orqali kuzatib kelaman.
- Tarihga nazar solgan holda, sizga savol bersak: siz bilan birga o‘ynagan eng yaxshi besh nafar futbolchini sanab o‘tsangiz?
- Meninng fikrimcha, Rustam Do‘rmonov, Mirjalol Qosimov, Ravshan Bozorov, Andrey Fyodorov va Igor Shkvirinlar.
- O‘zbekiston Superligasini kuzatib boraman dedingiz. Umuman olganda "Neftchi"ning yaqin o‘tmishdagi inqirozlariga nima sabab bo‘lyapti deb o‘ylaysiz?
- Rahbariyatning eng katta hatosi bu - Yuriy Vazgenovich Sarkiyanning jamoadan butunlay ketkazib yuborishi bo‘ldi deb o‘ylayman. Sababi, Sarkisyanning klub tizimida bir xil ishlashi, ichki tartib-intizomni barqaror ushlab turishi jamoaning eng katta yutug‘i edi, tartibli va omadning kaliti ham aynan tartib-intizomda edi, Sarkisyandan so‘ng jamoaga juda ham ko‘pchilik murabbiylar kelib ketdi, futbolda murabbiylik lisenziyasini qo‘lga kiritsa, u yaxshi murabbiy bo‘ldi degani emas, murabbiyning o‘zida ham iste’dod bo‘lishi kerak agar. Mening fikrimcha jamoaga "Neftchi" tarkibida chempion bo‘lgan sobiq futbolchilarni murabbiy etib tayinlash kerak. Ular Farg‘onaliklarni nima hoxlayotganliklarini juda yaxshi bilishadi.
- Farg‘ona va Farg‘onalik muhlislar haqida fikrlaringiz?
- Shirin xotiralar juda ham ko‘p, biz mehnatimiz evaziga shu darajaga yetganmiz, O‘zbekiston xaqida menda juda ham ko‘p iliq fikrlar va xotiralar qolgan.
- Xabaringiz bor, hozirgi kunda O‘zbekiston Superligasida "Neftchi" 13 turdan so‘ng 13-o‘rinda bormoqda, jamoa inqirozdan chiqishi uchun nima qilishi kerak? Mutaxassis sifatida qanday tavsiya bergan bo‘lardingiz?
- Xozirgi murabbiylar shtabini tezroq o‘zgartirish kerak. Sergey Lebedovga imkon berish kerak. Agar Lebedov yoki Asad Do‘rmonov murabbiy bo‘lib ish boshlashsa, men Farg‘onaga qaytib, ularga yordam berishga tayyorman, Yevropa futbolini olib kirishim mumkin bo‘ladi.
- Mazmunli suhbat uchun sizga rahmat. Futbol muhlislariga tilaklaringiz?
-Fursatdan foydalanib O‘zbekistonda meni tanigan barcha insonlarga salom aytaman! O‘zbekiston, xususan Farg‘ona haqida shuncha yil o‘tsa ham mening yuragimda o‘chirib bo‘lmas xotiralar mujassam. Barchaga omad yor bo‘lishini tilayman!
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
