Levandovskining "Bavariya"dagi super statistikasi sizni hayratga solishi aniq. U Myullerning bir qator abadiy rekordlarini yangiladi va Chempionlar ligasining klubidagi eng yaxshi to‘purariga aylandi. Quyida ular haqida qisqacha to‘xtalamiz.
Robert Levandovski "Bavariya"dagi 8 yillik faoliyatidan so‘ng yangi chaqiruv uchun "Barselona"ga yo‘l oldi. Myunxenliklarning 21 asrdagi eng yaxshi to‘purari jamoani tark etdi. Biroq u Gerd Myullerning klubdagi umumiy gollari soniga yeta olmadi.
Kuboklar:
Bundesliga: 8
Germaniya kubogi: 3
Germaniya superkubogi: 3
YECHL: 1
UEFA superkubogi: 1
Klublar o‘rtasidagi JCH: 1
Biroq mamlakat chempionligini qo‘lga kiritish borasida u yuqori o‘rinlarda qayd etilmaydi. Robert Germaniya chempionatini umumiy husobda 10 marta yutgan (ikkitasi "Borussiya" safida.
Yuqori o‘rinlarda quyidagi futbolchilar:
Rayan Giggz: 13
Garri Nevill: 12
Fransisko Xento: 12
Tomas Myuller: 11
Pol Skoulz: 11
...Robert Levandovski: 10
Robert "Bavariya"da o‘yinlar va gollar muvofiqligi borasida yetakchi o‘ringa ega. 375 bahsda 344 ta gol kiritgan (0.92 gol har bir o‘yinga). Gerd Myullerda esa bu ko‘rsatkich biroz boshqacharoq — 605 ta o‘yinda 563 ta gol.
Bundan tashqari Levandovski "Bavariya" tarixidagi xorijlik futbolchilar orasida eng sermahsul futbolchi. U 9 ta niderlandiyalik (274), 13 ta braziliyalik (271) va 13 ta fransuz (227)dan ko‘ra ko‘proq gol kiritishga muvaffaq bo‘lgan. Polyak faoliyati davomida 56 ta penalti tepgan bo‘lsa, shularning 51 tasini aniq amalga oshirgan (91%).
Robert aql bovar qilmaydigan barqarorlikka ega, ammo u so‘nggi uch mavsumda o‘z gollarini ko‘paytirdi: mos ravishda 55, 48 va 50 tagacha.
Buni Bundesligadagi to‘purarlar poygasidagi g‘alabalardan ham ko‘rish mumkin: polyak "Bavariya"dagi dastlabki uch mavsumida bir martagina to‘purar bo‘lgan xolos - keyin esa ketma-ket besh marta bu ishni takrorladi. 1970 yillarda Gerd Myuller ketma-ket uch mavsum davomida eng ko‘p gol urgan edi. Ko‘rib turganingizdek, bu natija ham allaqachon yangilangan.
Robert "qizillar" safida har mavsum 25dan kam gol urmagan. Eng yaxshi natija 19/20 yilgi mavsumga to‘g‘ri keladi — 55 gol. Ikki marta "oltin butsa"ni yutishga ham muvaffaq bo‘lgan.
Futbolchi 20/21 yilgi mavsumda Gerd Myullerning bir qator rekordlarini yangiladi. Jumladan, o‘sha mavsumda 41 ta gol kiritdi. Ular orasida 1 poker, 4 xet-trik va 5 ta dubl mavjud. O‘shanda u Bundesliganing naq 29 ta bahsini golsiz tark etmagan. Atigi 4 o‘yinda unga omad kulib boqmagan. 17 jamoadan faqat "Leypsig" darvozasi ishg‘ol qilinmagan xolos, unda ham Robert maydonga tushmagan edi.
Levandovski "Bavariya"ning YECHLdagi to‘purari hisoblanadi — 69 gol, 15 tasi bir mavsumda.
U faoliyati davomida umumiy eng ko‘p gol urgan klublari quyidagilar: "Borussiya D" (27), "Volfsburg" (21), "Shalke" (17), "Verder" hamda "Augsburg" (16).
U Bundesligada 2015 yil "Volfsburg" darvozasiga 9 daqiqa ichida 5 ta to‘p kiritib, futbol tarixida kamdan kam kuzatiladigan natijani qayd etgan. Eng qizig‘i, barchasi u zaxiradan tushgandan so‘ng sodir bo‘lgan.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
