Londonning "Arsenal" klubi mavsumoldi bahslarining barchasida g‘alaba qozongan edi. Jamoa APLning ikki turini ham g‘alaba bilan yakunlab, 6 ochko bilan turnir jadvalida peshqadamlardan biri bo‘lib turibdi. Quyida Mikel Arteta jamoasini o‘zgartirgan besh omil haqida gap boradi.
1. Top-hujumchi omili
Shu choqqa qadar hujumchi borasida "Arsenal" qiyinchiliklarga duch keldi. Ammo Gabriel Jezusning olib kelinishi, hammasini o‘zgartirdi. Harxolda, bizga shunday taassurot berilmoqda. Jezus o‘z saviyasini namoyish etib, "Lester"ga qarshi bahsning qahramoniga aylandi. Uning harakatlari bir paytlar Aleksis Sanchesning o‘yinlarini eslatadi. 25 yoshli futbolchi shunday davom etsa, APLning to‘purarligiga da’vogarlik qilishi mumkin. Aytish mumkinki, Jezus "Arsenal"ning hujumiga ishonch olib kirdi.
2. Granit Jaka hujumga yaqin o‘ynay oladi
Jaka Mikel Arteta qo‘l-ostida kuchli o‘sish namoyish qildi. Ko‘plar uning darajasiga shubha bilan qarardi. Ammo yaqin ikki haftada u muxlislarga nimalarga qodir ekanini ko‘rsatib qo‘ya oldi. Shveysariya terma jamoasi sardori bu mavsumdan hujumkorlik hislatlarini namoyish etib, tez-tez oldindagi futbolchilarga ijobiy ta’sir o‘tkazmoqda. Arteta unga maydonning ikkinchi yarmida katta erkinlik berdi. Bu esa Jakani qanot va hujumdagi faolligini oshishiga sabab bo‘ldi. Buni "Lester"ga qarshi bahsda ham guvoh bo‘ldik. U 1 assist qilib, 1 ta gol urishga erishdi.
3. Vilyam Saliba himoya chizig‘ining kelajagi
"Kristal Pelas"ga qarshi o‘yinda ko‘zga ko‘rinmay turib, maydonda katta ish bajargan futbolchilardan biri Saliba edi. U "Lester" bilan o‘yinda avtogolga sababchi bo‘ldi. Ammo fransuz futbolchisining ko‘p tomonlama APL darajasiga mosligini guvohi bo‘ldik. Ritm, kuch va vaziyatlarni ko‘ra olish, Salibaga katta ustunlik berdi. Keyinchalik muhim vaziyatlarda aynan Salibaning foydasi katta edi.
4. Zinchenko "Arsenal"ga sifat baxsh etdi
"Manchester Siti"dan Londonga olib kelingan futbolchining "Arsenal" safidagi roli ko‘p muhokamalarga sabab bo‘ldi. Bunda Zinchenkoning qanotda yoki yarim himoyada harakat qilishi eng katta savol ostida edi. Keyinchalik ma’lum bo‘ldiki, ukrainalik maydon bo‘ylab har ikki vazifani bir xil uddalay oladi. Buni "Lester" va "Pelas"ga qarshi bahslar ko‘rsatib berdi. Ha, Zinchenkoning himoyaviy qobiliyati borasida savollar ochiq qolmoqda. Shunga qaramay, uning kelgani, "Arsenal" o‘yiniga daraja qo‘shdi.
5. Jamoa muxlislaridagi o‘zgarish
Ikkinchi tur "Arsenal" uyida kegan edi. Bunda eng katta o‘zgarishlardan biriga guvoh bo‘ldik. U ham bo‘lsa – stadiondagi atmosfera. Jamoa muxlislari endi mutlaqo o‘zgacha uslubda qo‘llab-quvvatlamoqda. Ular butunlay shu klub futbolchilari bilan. Bunga yaqinda e’lon qilingan "All or Nothing" filmi ham ta’sir ko‘rsatgan, albatta. Birdamlikning yorqin ifodasi, ayniqsa, Vilyam Salibaning avtogolidan keyin darhol sezildi. Futbolda istalgan klub yaxshi yoki yomon paytida muxlislaridan dalda kutadi. Bu esa o‘ta muhim faktorlardan biridir. "Arsenal"da, bu borada yaxshi tomonga o‘zgarish bor.
ISMATOV J.
Andijon
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
